Marcos Pérez Pena

Con todo, a prestación, aprobada hai catro anos, mantén importantes eivas na súa aplicación e un "labirinto burocrático" que impide a a súa chegada a moitas das persoas que a necesitan e que cumpren os requisitos. En Galicia só é percibida polo 11% das persoas en situación de pobreza.

O 22 de maio o Pazo de María Pita acollerá unha xuntanza entre todas as administracións implicadas no futuro dos terreos portuarios, xusto cando van facer 20 anos da sinatura do convenio inicial que proxectaba a privatización do espazo público e a construción de milleiros de vivendas. A condonación ou reestruturación da débeda da Autoridade Portuaria e os usos que terá o actual peirao petroleiro, o de maior extensión, clave das negociacións. 

Falamos coa xornalista Montse Dopico sobre a biografía Abonda con vivir (Xerais), na que afonda na complexidade da homenaxeada nas Letras Galegas a través das voces de decenas de persoas que a coñeceron ben e que compoñen un retrato sobre os distintos ámbitos nos que a autora desenvolveu a súa actividade e a súa vida.

O vindeiro 1 de xuño a Assembleia da República inaugurará un Memorial de pedra co que busca por fin ao "manto de silêncio" que durante décadas ocultou o ataque que forzas das ditaduras española e portuguesa realizaron a esta aldea lusa para asasinar e deter a guerrilleiros antifranquistas que se refuxiaran aquí.

O Banco de España alerta no seu último informe de que o 35% dos fogares realizan un "sobreesforzo" para pagar o alugueiro nas cidades galegas. Segundo o Observatorio da Vivenda, dependente da Xunta, os novos contratos de alugueiro son hoxe un 30% máis caros que hai seis anos. Idealista eleva aínda máis esta porcentaxe, ata o 40% de incremento.

Falamos cos responsables da Sala Mardi Gras, da Pousada da Galicia Imaxinaria (Boiro) e da Arca de Noe (Vilar de Santos), que optan ao galardón á mellor sala de música de Galicia. Preguntamos cal é o momento polo que pasa a música en directo, polo comportamento do público e polas principais necesidades do sector, ademais de pedirlles que nos recomenden algúns lugares do país nos que ver un concerto.

Falamos con Marta Gontá, unha das voceiras da Plataforma Ulloa Viva, sobre a manifestación convocada o vindeiro 26 de maio en Palas de Rei, na que esperan que participen milleiros de persoas da comarca e do resto do país.

Dende que comezou guerra en Ucraína, Galicia incrementou as súas importacións de gas procedente de Rusia. Tamén aumentou a chegada de gas con orixe nos Estados Unidos, extraído mediante a técnica do fracking, máis nociva para o medio ambiente

Hai 90.929 vivendas baleiras nas sete cidades galegas, encabezadas polas máis de 20 mil de Vigo e A Coruña, as case 15 mil de Ourense e as máis de 10 mil de Ferrol e Lugo, con preto de 6 mil en Santiago e Pontevedra. A elas pódense sumar varios miles máis cun uso "esporádico", sen residentes habituais

En Galicia residen 112 mil persoas en situación de dependencia, máis mulleres que homes e sobre todo por riba de 75 anos. Dúas de cada tres coidadoras son mulleres (o 65,6%), tres puntos máis que en 2017. O labor de coidados afecta á economía dos fogares con dependentes (45%), á saúde das coidadoras (73%) e ás súas relacións persoais e tempo para outras actividades e tarefas

As ratios de traballadoras por residente en Galicia sitúanse por debaixo da media do Estado e só outras catro comunidades presentan datos peores, segundo as cifras que vén de dviulgar o Imserso. Falamos con Ana Domato (CIG), que di que "temos que concienciarnos de que as persoas que están nas residencias merecen unha mellor atención. As traballadoras non podemos facelo con esta falta de persoal".

O número de desempregados e desempregadas sitúase en 131.600 persoas, 16.700 máis que as 114.900 de hai tres meses. O pasado ano o paro só medrou en 3.400 no mesmo período. Entre xaneiro e marzo destruíronse máis de oito mil empregos. Con todo, a evolución no último ano segue a ser positiva.