Marcos Pérez Pena

Todos os indicadores de usuarios, préstamos e visitas amosan a relevancia social que este servizo cultural ten para a maioría da poboación. Porén, hai outros datos que revelan as eivas da rede de bibliotecas, comezando polo déficit de financiamento, por debaixo da media estatal, ou a falta de persoal, lonxe das cifras de 2016.

A OCDE publica un informe que analiza os efectos en cada territorio da chegada desta nova tecnoloxía, que vai transformar un gran número de actividades e postos de traballo, especialmente nos sectores da comunicación, informática, financeiro ou da administración. O impacto en Galicia sitúase lixeiramente por debaixo da media española e dos países máis desenvolvidos

O actual presidente da Federación Galega de Fútbol ten o apoio da maioría dos dirixentes autonómicos, pero contra el pesa unha sentenza de inhabilitación de sete anos de duración para exercer un cargo público por un delito de prevaricación, que Louzán recorreu ante o Supremo. Os estatutos da Federación Española de Fútbol recollen a imposibilidade de ocupar o posto nesta situación, se a condena é firme.

Este venres 29 de novembro estréase na plataforma dixital da TVG a serie, protagonizada por catro paxariños -un paporrubio, un merlo, unha pega e un picapau- que forman "A Banda do Bosque". A primeira tempada componse de 55 episodios de cinco minutos, baseados nos "ciclos naturais do bosque" e que se pechan cunha canción orixinal, composta por Santi Jul e Iván Laxe. Falamos co seu guionista, Andrés Mahía.

Durante o pasado ano Galicia foi a comunidade autónoma na que máis aumentou o gasto en I+D (sobre todo grazas ás universidades), cunha suba do 28% fronte á media do 16% no conxunto do Estado. Porén, o gasto por habitante (357 euros) segue por debaixo da media española (465) e moi lonxe dos datos do País Vasco (930), o mesmo que o gasto en relación ao PIB.

A Consellaría de Cultura anuncia o nomeamento de Jaime Pena como novo responsable da institución, na que traballa dende hai tres décadas como programador. O centro levaba sen Dirección dende que Guillermo Escrigas se xubilou no verán de 2019, a pesar de que a Xunta prometera en varias ocasións o nomeamento dun novo director ou directora

A iniciativa, apoiada por PSdeG-PSOE, BNG e Ferrol en Común, será debatida este xoves no pleno municipal, no que o PP conta con maioría absoluta. Foi a asociación Mulheres Nacionalistas Galegas quen primeiro impulsou esta denominación en 2001 e na actualidade son moitas as persoas e entidades que a empregan.

O Culturgal acolle o sábado 30 unha presentación desta produción pioneira coa presenza do seu creador, o ourensán Álex González, e responsables do MUVI, que organiza unha exposición temporal sobre o xogo. 

O 22 de novembro de 1994 morreu por unha sobredose Antonio Toñito Blanco. Guionista dos primeiros anos da TVG, en 1993 codirixiu a película gore de culto A matanza caníbal dos garrulos lisérxicos e partipou na creación do Xabarín Club, cuxo éxito non chegou a ver.

A plataforma critica a ausencia dunha folla de ruta galega para pór fin á enerxía fósil e a falta de ambición da Xunta, á que demanda apostar por unha xeración eléctrica 100% renovable para o ano 2030, o que incluiría a clausura das dúas factorías de transformación de gas fósil.

A Boa Vila está a vivir con entusiasmo a organización dos Premios Feroz, que o xoves 28 darán a coñecer no Teatro Principal os seus finalistas e se entregarán o 25 de xaneiro. Antes, unha variada programación formativa e de proxeccións está a colleitar un grande éxito de público. Falamos con Laura Seoane, produtora executiva dos premios, e con Anabel Gulías, concelleira de Promoción Económica, que vincula a aposta pola cultura coa política de transformación urbana.

Na Teixeira hai cinco anos que non nacen nenos e nenas, pero non é unha excepción. Os seus datos non son moi diferentes aos doutras localidades con máis poboación, especialmente na provincia ourensá e máis na montaña lucense. 92 concellos galegos tiveron menos de 25 nacementos nos últimos cinco anos. En 2023 tan só tres concellos tiveron máis nacementos que mortes; foron Ames (+46), Corcubión (+2) e Oroso (+1)