A suba de luz, gas e combustibles do 56% en Galicia leva o IPC ao seu máximo en tres décadas
O Índice de Prezos de Consumo medrou un 6,7% no conxunto do ano 2021, a maior suba dende maio de 1990. O prezo da electricidade creceu un 72% no conxunto do Estado e as gasolinas aumentaron un 24%. A alimentación (cun incremento do 4,6% en Galicia) tamén sobre de forma importante
- Guía Coronavirus
- Acontece
As aulas de Infantil e Primaria non pecharán con menos de 5 positivos e o alumnado vacinado de Secundaria non fará corentena
O documento acordado polo Ministerio de Sanidade e as comunidades autónomas no Consello Interterritorial de Saúde, publicado este luns, sinala que o alumnado de 12 anos ou máis que sexa contacto estreito dun positivo tampouco levará a cabo corentena se conta coa pauta completa de vacinación
- Datos
- Acontece
Galicia mantívose no primeiro ano da pandemia como un dos territorios con menos prazas en residencias de maiores
É a cuarta comunidade autónoma con menos prazas residenciais en función da súa poboación maior. Segundo un informe a Asociación de Directoras e Xerentes de Servizos Sociais, debería sumar 15.000 prazas máis para acadar o mínimo do 5% de prazas dispoñibles, que si acadan catro territorios do Estado.
A selección galega de ciclocrós suma dez medallas nos campionatos estatais, con Iván Feijoo e Ricardo Buba como estrelas
O allarizao Iván Feijóo, de só 22 anos, foi terceiro na máxima categoría, na que competía por primeira vez. O gondomareño Ricardo Buba, de 17 anos, gañou con claridade a carreira junior. A junior Laura Mira foi pratae o Sub23 Miguel Rodríguez foi bronce nunha fin de semana de éxito para Galicia.
O hospital da Casa de Galicia de Montevideo pecha por orde xudicial entre débedas millonarias e acusacións de irregularidades
O sanatorio, creado pola colectividade galega do país austral hai máis dun século, foi intervido polo Goberno uruguaio en outubro, pero un xuíz decretou o cese das súas actividades, deixando no aire a atención sanitaria ás máis de 43 mil persoas socias e máis de dous mil empregos.
O rural vigués, contra a construción dunha vía de alta capacidade cun forte impacto ambiental e que "partirá familias en dous"
O proxecto afectaría aos ríos Eifonso e Barxa e á conca do Lagares, destruíndo bosques de ribeira e leiras e afectando á calidade de vida da veciñanza das parroquias de Beade, Bembrive, Castrelos e Sárdoma, que este domingo leva a súa protesta ata a Rúa Príncipe
- Datos Coronavirus
- Acontece
Cada día ingresan 40 persoas con COVID nos hospitais galegos e 5 nas UCI, cifras semellantes ás do pasado verán
As cifras, en cambio, están moi lonxe das rexistradas na última vaga invernal, hai 12 meses, cando os ingresos nas unidades de críticos eran cinco veces superiores. O inverno pasado os maiores de 70 anos representaban o 54% do total de camas ocupadas nos hospitais, mentres que hoxe son o 41%. Aumenta, en cambio, a proporción de camas ocupadas por menores de 40 anos, que pasan do 5% ao 13%
- Datos Coronavirus
- Acontece
A ocupación nas UCI segue sen aumentar en Galicia, a pesar da elevada incidencia da COVID
Galicia suma 53 camas ocupadas por pacientes COVID nas unidades de críticos. A cifra mantense estable dende mediados do mes de decembro, movéndose sempre ao redor das 50, cun máximo de 56. O aumento da incidencia semella estar estabilizándose, pero segue a superar máximos, sobre todo entre a mocidade
A saturación na Atención Primaria leva ao Sergas a anular toda a actividade non urxente en 14 centros da área sanitaria de Vigo
A Xunta xustifica a medida na "situación actual de crecemento explosivo do número de contaxios COVID" e na previsión de que estes sigan a aumentar. Porén, persoal médico lembra que os problemas nos centros veñen de atrás e que durante anos non se adoptaron medidas para evitar situacións de colapso. "Parécenos triste adoptar agora medidas de marzo de 2020, con todo o tempo que houbo para destinar recursos", din.
A 'Volta a Galicia' regresa no 2022 buscando "recuperar o pulo do ciclismo profesional galego"
A proba, denominada O Gran Camiño, constará de catro etapas (O Porriño-Vigo, Ames-O Ézaro, Maceda-Luíntra e unha crono final en Sarria) e correrase do 24 ao 27 de febreiro. Xa confirmaron a súa participación catro equipos de primeira división
Un xulgado de Vigo confirma a relación laboral entre Glovo e un cento de repartidores de Pontevedra, negada pola empresa
A sentenza conclúe que a compañía non actuaba como simple intermediaria entre os consumidores e uns supostos empregados autónomos, senón que controlaba todo o proceso. 97 traballadores da provincia de Pontevedra ven recoñecidos os seus dereitos laborais.
- Datos Coronavirus
- Acontece
O efecto da ómicron chega aos hospitais galegos, con 64 pacientes máis con COVID en tres días, pero aínda non ás UCI
Nas unidades de críticos o número de camas ocupadas por persoas cunha proba positiva en COVID-19 mantense estable dende hai 15 días. A cifra de ingresos hospitalarios mantense -grazas á vacinación- en niveis moito máis baixos que o pasado mes de xaneiro, a pesar de que a cantidade de casos detectados é máis do dobre.