Marcos Pérez Pena

O PP acadou o seu mellor resultado en Galicia dende o 2011 e gañou 11,6 puntos e tres escanos. Porén, as expectativas dunha maioría absoluta do bloque conservador e as escasas opcións de chegar á Presidencia do Goberno converteron uns bos datos nunha decepción. Os comicios marcan a antesala das eleccións ao Parlamento galego, que deben ser convocadas antes do verán de 2024.

A incontestable vitoria do PP nos escanos galegos do Congreso non impide que as cifras reflictan outra realidade: a suma das esquerdas tivo o o 50,3% dos votos. O xogo matemático da extrapolación das xerais ás galegas situaría o PP retendo a Xunta pola mínima e con Vox entrando no Parlamento

Sonia Villapol (A Pastoriza, 1977), neurocientífica e xefa de laboratorio do Centro Médico de Texas, vén de publicar Consciencia. A ciencia que nos rescatou da pandemia (Xerais), unha obra de divulgación que repasa tres anos de loita científica contra a COVID.

José Lence ía ser operado o pasado luns 10 de xullo. Media hora antes da intervención recibiu a alta ante a baixa por enfermidade da cirurxiá e a ausencia de máis persoal. Dende entón segue a agardar na súa casa a que lle reprogramen a operación, que é de Prioridade 1, a máxima establecida polo Sergas.

Hai catro anos, o 10 de novembro de 2019, o PP foi a forza máis votada en Galicia por unha marxe moi escasa sobre o PSdeG, apenas dez mil votos. Porén, as forzas progresistas superaron por dez puntos ás formacións conservadoras. A participación nos últimos comicios foi a máis baixas das últimas décadas

En Galicia funcionan de xeito legal case 20 mil establecementos deste tipo, un 15% que hai seis meses. Sanxenxo segue a ser o concello cunha maior cantidade, pero as cifras aumentan con moita máis rapidez nas dúas maiores cidades do país.

Ante o anuncio de apertura ao público do museo de arte contemporánea situado en Sada, a asociación cultural Irmáns Suárez Picallo volve reclamar da Xunta a aplicación da máxima figura de protección e critica a "deriva mercantilista" que levou a "desvirtuar" o modelo fundacional do Grupo Sargadelos

Algo máis de 146 mil persoas solicitaron votar por correo nas catro circunscricións galegas, fronte ás 67 mil e 60 mil das dúas convocatorias de 2019 e ás 84 mil de 2016. O incremento no conxunto do Estado é semellante: un 163% en relación a novembro de 2019 e un 80% por riba do dato de 2016. O prazo para a remisión do voto postal finaliza o día 20.

O pasado ano as persoas residentes en Galicia realizaron 8,7 millóns de viaxes, preto do máximo histórico anterior á pandemia. O récord si se bateu no gasto total realizado e tamén nas cifras de viaxeiros e viaxeiras chegadas a Galicia. Espérase que neste 2023 se superen todos os indicadores.

O CCG publica un informe que escolma e analiza 40 anos de cultura galega a través das estatísticas. Os produtos culturais chegan hoxe a moita máis xente no país cun sector no que traballan moitas máis persoas que en 1983. En cambio, o investimento das administracións públicas acadou o seu máximo hai 15 anos e dende entón descendeu.

O sistema de Vixilancia da Mortalidade diaria (MoMo) xestionado polo Instituto de Saúde Carlos III (ISCIII), monitoriza os excesos de mortalidade e analiza as súas posibles causas, entre elas as anomalías climáticas. No verán de 2022 producíronse en Galicia 235 defuncións ligadas á calor excesiva.

Os datos da estatística de defuncións publicada polo INE revelan a importante incidencia das mortes por COVID o pasado ano e amosan que os tumores son a principal causa de morte entre os 30 e os 80 anos. Entre os 30 e os 39 anos destaca o peso dos suidicios e que entre os 15 e os 29 anos a principal causa de morte son os accidentes de tráfico