Marcos Pérez Pena

O 3 de decembro de 1992  un petroleiro cargado con 79.000 toneladas de cru encallou a carón da Torre de Hércules, provocando unha gran columna de fume e unha intensa marea negra que cubriu as Rías Altas. O desastre levou á promesa de que se adoptarían medidas para que este tipo de sinistro non se repetise e para contar con equipos axeitados para loitar contra a contaminación mariña. Pero pouco ou nada se fixo.

O 1 de decembro de 2002 ao redor de 200.000 persoas ateigaron Compostela convocadas por Nunca Máis nunha mobilización histórica. A marcha demandou medios para deter a marea negra e dimisións do políticos responsables da mala xestión do accidente do Prestige. Falamos con Manuel Rivas e Uxía Senlle, voceiros da plataforma nese tempo

Este xoves estréase no Pazo de San Marcos o documental 'No se oye', realizado por alumnado do Centro de Formación Audiovisual da institución provincial. A presentación do filme forma parte da programación polo Día da Violencia contra a Muller, que se desenvolve entre o mércores e o venres. Falamos con María Taboada, coordinadora do proxecto.

A proposta do Goberno galego é cualificada de "pouco ambiciosa" e "insuficiente", non recolle a adquisición de terreos de titularidade privada e prevé un investimento moi reducido, duns 200 mil euros anuais. A Xunta defende que se debe compatibilizar o "aproveitamento socioeconómico" do espazo.

A maior parte das 90.000 toneladas iniciais de restos de fuel recollidos na costa galega, mesturados con area e plásticos, foron tratados entre 2006 e 2009. Porén, a falta dunha partida orzamentaria específica e discusións sobre se Xunta ou Estado central deben achegar os cartos, manteñen dende entón unha parte dos residuos "guindados baixo a alfombra", denuncia Adega.

Este sábado e domingo serán convocados ao Hospital Clínico de Santiago 3.293 nenos e nenas entre 5 e 59 meses, buscando aumentar a cobertura entre a poboación infantil, que se sitúa moi lonxe da dos maiores de 65 anos, cun 72% de persoas vacinadas.

Entre o 13 e o 19 de novembro o barco percorreu uns 437 quilómetros fronte ao litoral con rumbo errático e entre declaracións dos representantes dos gobernos galego e español que tentaban negar ou minimizar a catástrofe. Reconstruímos ese percorrido

O litoral atlántico galego amosou unha gran capacidade para rexenerarse, de xeito que cinco ano despois do desastre, a produtividade biolóxica case recuperara os niveis previos á catástrofe. Pero colectivos ambientalistas como Adega, Greenpeace ou Ecoloxistas en Acción advirten do risco "doutro Prestige en calquera momento" e reflexionan sobre o impacto na crise climática global dos combustibles fósiles como o que transportaba 

A apertura do peirao de Calvo Sotelo engádese ás que xa se produciran en Batería e Trasatlánticos, despois de que a Autoridade Portuaria eliminase os obstáculos que durante anos erguera ante as demandas de Concello e entidades sociais. Porén, segue sen decidirse o futuro da maior parte do espazo portuario, en San Diego, onde se proxectou unha privatización para construír ata catro mil novas vivendas.

No conxunto dos asalariados e asalariadas a porcentaxe pasou do 74% ao 82%, pero a mellora foi moito máis importante entre os mozos e mozas, o grupo que máis sofre a temporalidade

En 2020, primeiro ano da pandemia, o soldo medio reduciuse por primeira ve dende o 2014. A metade dos asalariados e asalariadas galegas (o 48,5%) cobraron menos de 15.000 euros brutos anuais, o que na práctica significa percibir menos de mil euros ao mes. 

O Premio Nacional de Narrativa de Marilar Aleixandre súmase ao anunciado hai uns días para Ismael Ramos no apartado de Poesía Nova, alongando unha xeira de recoñecementos recentes para galegos e galegas en case todos os campos, dende a Tradución e o Ensaio ao Xornalismo Cultural e a LIX, pasando pola Moda, a Arquitectura ou as Artes Plásticas