Só 24.000 persoas reciben en Galicia o Ingreso Mínimo Vital, cun 67% de solicitudes denegadas
Ata o mes de decembro foron presentadas unhas 40.000 solicitudes, pero só foron aprobadas pouco máis de 9.000, un número semellante á cantidade de axudas da RISGA concedidas. As entidades sociais denuncian as eivas e a complexidade da tramitación que, por exemplo, toma como referencia os dato de renda no ano 2019, antes da crise xerada pola COVID
A produción eléctrica con renovables en Galicia supera por si soa a demanda total por primeira vez na historia
O 2020 foi, ademais, o ano con menos consumo eléctrico na última década, probablemente debido ao efecto da pandemia. Antes co carbón e agora coa eólica, Galicia continúa a 'exportar' unha parte importante da enerxía que produce.
- Datos Coronavirus
- Acontece
Galicia vacinou o 64% das persoas de máis de 80 anos, seis puntos por debaixo da media do Estado
Con todo, a porcentaxe total de persoas vacinadas con cando menos unha dose é superior en Galicia, polo maior peso da poboación de idade avanzada. O 31% dos maiores de 80 recibiron xa a segunda dose en Galicia, que espera completar a súa inmunización a finais de abril
Sanidade elimina o límite de idade para a vacina de AstraZeneca pero resérvaa para as persoas menores de 65 anos
Ademais, a Comisión de Saúde Pública decidiu que a vacina de Janssen, xa aprobada e que comezará a chegar a mediados de abril, será aplicada ás persoas maiores de 65 anos. As propostas contaron co voto favorable de todas as comunidades autónomas, agás de Galicia, que se abstivo.
O valor comercial da lingua como garantía de calidade: "o galego é unha boa carta de presentación para vender produtos"
A RAG publica as conclusións da V Xornada de Onomástica, centrada na utilización do galego nos nomes comerciais e na publicidade. Boa parte das principais marcas do país nin empregan a lingua nin o dominio .gal, a diferenza de sectores coma o vitivinícola, que fan bandeira da identidade para incrementar o seu valor.
- Entrevista | Xoán Manuel Pérez Lijó
- Cultura
"A apertura das bibliotecas escolares a toda a poboación podería achegar este servizo á cidadanía do rural"
Os concellos rurais galegos están a sufrir unha perda xeralizada de servizos e tamén son moitos os que carecen de biblioteca. Bamad Galicia (Asociación de Profesionais dos Arquivos, Bibliotecas, Museos e Centros de Documentación) vén reclamando das distintas administracións un reforzo, especialmente de persoal
- Entrevista | Raquel Zubizarreta Coronavirus
- Acontece
"Quen rexeite a vacina de AstraZeneca pasará ao final da lista. Non sería ético escoller unhas ou outras doses"
Falamos con Raquel Zubizarreta, subdirectora xeral de Epidemioloxía da Xunta. Ve difícil que se acade o obxectivo do Goberno central de vacinar o 70% da poboación antes de comezar o verán e adía a "agosto ou setembro" esta meta.
- Datos Coronavirus
- Acontece
Galicia chega ás portas da Semana Santa cos mellores datos de COVID dende agosto pero co medo a unha cuarta vaga
Aínda que os indicadores son favorables, cunha cifra de positivos e unha taxa de positividade moi reducidas, existe cautela ante un incremento no número de contaxios provocada polo aumento da mobilidade nos vindeiros días, como xa está a producirse nalgunha comunidade autónoma e na maior parte de Europa.
'Ponte nas ondas!' avanza cara ao seu recoñecemento pola UNESCO como exemplo de defensa do patrimonio
A proposta foi asinada esta semana polos embaixadores de España e Portugal ante a institución. Dentro duns meses a iniciativa sería incorporada ao Rexistro de Boas Prácticas, que neste momento só inclúe a 25 entidades de todo o planeta
- Datos Coronavirus
- Acontece
A incidencia da COVID segue estable en Galicia entre chamadas á cautela ante unha Semana Santa sen cambios nas restricións
As restricións xerais continúan sendo as pactadas antes de San Xosé, co peche perimetral autonómico, o toque de recollida de dez da noite a seis da mañá e o veto aos encontros de non conviventes en domicilios privados, alén das medidas da Xunta por concellos. Galicia rolda os 75 casos novos do coronavirus por cada cen mil habitantes a 14 días e 138 concellos non tiveron casos novos nese período
Galicia perdeu máis da metade das súas oficinas bancarias dende o 2008 e 45 concellos carecen xa de sucursal
Na actualidade hai tan só 1.234 oficinas abertas en Galicia, despois do peche de 1.300 en apenas unha década. Persoal do Santander alerta de que o seu ERE e novos peches afondarán "na exclusión financeira á que o proceso de reestruturación e concentración bancaria está levando a centos de galegos e galegas que viven nas zonas rurais"
A lei promovida polo BNG para a igualdade entre homes e mulleres na investigación acada o apoio de todo o Parlamento
PP, BNG e PSdeG aproban o inicio da tramitación da Lei Ángeles Alvariño, que recolle as demandas expresadas polo persoal científico a través de Investigal. O obxectivo é que as mulleres investigadoras non teñan que “elixir entre ser nais ou científicas”.