As visitas a Meirás manteñen a apoloxía do fascismo e cargan contra a exhumación de Franco
O guía dun dos últimos itinerarios no Pazo insistiu en dar unha visión edulcorada e enxalzadora de Franco e do franquismo. Un enorme cartel volve recibir os visitantes denunciando o "xenocidio dos católicos" e cargando contra quen pretende exhumar a Franco do Valle de los Caídos
A especulación dos Franco con Meirás farta de vez os partidos galegos
O BNG impulsa unha declaración institucional que reafirme a postura do Parlamento para recuperar as Torres e que volva urxir o Estado a activar o proceso de recuperación. O PSdeG pide que se lle dea tempo a Sánchez e cre que esta nova proposta "non é a vía máis adecuada". O PP cualifica de "incomprensible e irracional" a actitude dos herdeiros do ditador.
De lugar para o gando a albergue: Mazaricos impulsa novos usos para cortes e pendellos
O Concello, ante os prexuízos que o 'catastrazo' supón no rural, propón unha modificación da normativa urbanística para darlle unha nova vida a alboios ou construcións de antigo uso agrogandeiro: "Queremos darlle facilidades a calquera emprendedor que queira montar unha actividade".
As reviravoltas de PP e PSOE coa débeda do Porto da Coruña
ANÁLISE Os socialistas votan no Congreso, como fixeran no pleno municipal, en contra de reclamar a condonación da débeda da Autoridade Portuaria co Estado e logo de facelo a favor no Parlamento e na Deputación. Os populares únense á postura de Marea e BNG tras anos rexeitando as súas propostas.
A folga pola falta de docentes baleira de alumnado o IES de Brión
A mobilización nas aulas do instituto cumpre unha semana cun apoio do 97% das familias ao paro. En Santiso, Santa Comba, Ordes, Roxos ou Allariz mantéñense tamén protestas polos recortes na educación.
Máis de 550 profesionais da CRTVG piden o arquivo do expediente á xornalista que dimitiu do Telexornal
Traballadores presentan 562 sinaturas reclamando ao director xeral o peche "inmediato" do apercibimento sancionador aberto a Tati Moyano, á que a empresa acusa de usar medios da TVG para a presentación dun acto benéfico no que defendeu os medios públicos ante Feijóo.
As protestas por falta de profesorado e masificación espállanse por varios centros no inicio do curso
Ao peche e folga que se mantén no IES de Brión engádense mobilizacións semellantes en colexios de Santa Comba, Ordes, Santiso ou Roxos. As queixas pola escaseza de docentes e o exceso de alumnado nas aulas son comúns
Sargadelos: unha icona de Galicia que teima na convulsión
ANÁLISE O conflito laboral derivado do enfrontamento que o conselleiro delegado mantén cunha sindicalista é o último dos atrancos dunha empresa emblemática que acumula despedimentos, ameaza co peche e segue a afrontar obstáculos tras superar unha grave crise
- Con vídeo
- Cultura
'Tecido Resistente': o empoderamento feminino no rural galego a comezos do século XX
Centos de mulleres mudaron a economía e a organización social de toda unha comarca nos comezos do século pasado. Traballando nunha factoría téxtil de Vilasantar mantiñan a familia co seu salario e acadaron unha independencia nada habitual daquela. Un documental conta a súa historia.
Familias péchanse no IES de Brión para esixiren máis profesorado e "un ensino decente"
Nais e pais manteñen un peche no centro denunciando a escaseza de docentes, razón pola que xa dimitiu o equipo directivo. O centro conta con 31 alumnos máis que o curso pasado e solicitou dez profesores pero Educación tan só lle facilitou sete.
Galicia inicia o curso en Infantil con 3.000 alumnos e case cen centros menos que hai dez anos
O alumnado de Infantil matriculado en 2018 baixou en 2.941 nenas e nenos a respecto de hai unha década. Tamén hai un total de 93 colexios menos para o ensino dos máis pequenos
Sargadelos e UGT rachan as negociacións: os despedimentos e a ameaza de peche continúan
Malia o intento de mediación da Xunta, as conversas finalizan sen acordo. A dirección da compañía segue a despedir traballadores e insiste na posibilidade de pechar a factoría de Cervo. A Xustiza rexeita a petición de UGT de paralizar os despidos.