Miguel Pardo

O número de persoas desempregadas queda en 131.168, a cifra máis baixa neste mes desde que hai rexistros, pero a Seguridade Social perde 4.287 afiliadas. 

A falta de espazo e as protestas das familias no CEIP María Barbeito da Coruña obrigaron á ampliación das instalacións deste colexio con máis de 600 matrículas por curso. Os traballos son confinanciados pola Administración, que paga o 50% de máis de 22.700 euros. A asociación de pais e nais faise cargo do resto. 

A portavoz nacional do Bloque pide o voto "de todos os galegos e galegas que queren cambio, votasen o que votasen", para converterse na "primeira muller e primeira nacionalista" en presidir Galicia ante "as eleccións máis importantes das últimas décadas". 

O comité intercentros pide unha "intervención urxente" para deter a "manipulación informativa" que tornou os medios públicos no "máis eficaz órgano de propaganda do PP". Populares e Vox impiden que a Eurocámara debata sobre a manipulación na Radio Galega e na TVG. 

Rego e Da Silva presentaron iniciativas no Congreso e no Senado para urxir a Correos a "pór fin á precariedade laboral das traballadoras", que acumulan impagos e cinco meses sen cobrar, e a rescindir o contrato coa adxudicataria.

Sitúase por baixo da media do Estado e moi lonxe de País Vasco, Madrid ou Catalunya, segundo un informe que analiza a calidade do traballo nas autonomías en base á análise de numerosas variables. 

CIG, STEG e CSIF cifran o seguimento da folga no 60%, semellante á de outubro, e a Xunta rebáixao por baixo do 10%. Unha multitudinaria manifestación percorre Santiago poñendo punto final a un ciclo de mobilizacións contra o "pacto das renuncias". 

CIG, STEG e CSIF convocan un novo paro contra o acordo educativo que supón unha redución de ratios e horarios que consideran insuficiente. O preacordo alcanzado en Madrid confirma os docentes galegos como os que asumen máis horas lectivas. 

O xornalista galego foi correspondente en América Latina durante máis dunha década, cubriu o auxe da extrema dereita no Brasil e viviu seis anos na Arxentina, país ao que regresa regularmente e que afronta agora a incerteza da man dun novo presidente xurdido da cultura do espectáculo: "Milei non ten nada: nin cadros políticos, nin estrutura, nin experiencia de xestión".

Máis de medio millón de persoas sofren obesidade no país, sendo Lugo a provincia do Estado con maior porcentaxe de casos. A comunidade autónoma é a segunda con máis persoas con peso excesivo, pero sitúase por baixo da media estatal no caso dos menores. 

As limpadoras suman tres meses en folga e cinco sen cobrar e manteñen as mobilizacións. As condicións de insalubridade levan o persoal do principal centro de xestión postal de Galicia, en Santiago, a convocar un paro indefinido que pon en risco a correspondencia a partir do 3 de decembro. 

O alto tribunal anuncia que existen "indicios da comisión dun feito delitivo" contra a seguridade viaria por parte do ex-presidente da Deputación de Ourense.