Miguel Pardo

Os facultativos manteñen o pulso co Sergas na terceira xornada dun paro indefinido que serve para canalizar o seu fastío ante a "degradación" das condicións laborais e a "sobrecarga asistencial insostible". 

Os populares rexeitan as propostas de BNG e PSdeG para iniciar a remuda de Sánchez Izquierdo e denuncian "acoso" aos medios públicos "ao máis puro estilo Trump". 

O sindicato CESM convoca un paro desde este martes e reclama unha xornada de 35 horas semanais, axendas de 30 pacientes como máximo en Atención Primaria ou que o plus salarial para quen só traballa na pública se estenda a quen o fai tamén na privada. A Asociación Galega en Defensa da Sanidade Pública cualifica de "oportunista" a convocatoria.

Unha nova normativa sobre as compensacións por tratamentos fóra da casa substitúe ás de hai máis de 20 anos, eleva o abono por quilómetro a 15 céntimos e inclúe a posibilidade de sufragar os gastos dun acompañante do doente. 

O auxe destes produtos estimulantes e con altas doses de cafeína alerta as autoridades sanitarias polas consecuencias entre a xente nova. Arredor de 16.000 rapaces en Galicia consomen polo menos unha vez á semana e 2.500 fano diariamente, ante a preocupación en centros escolares e a propia Xunta, que prepara unha lei para restrinxir o seu uso entre a rapazada. 

Un informe de Ecodes, apoiado por Transición Ecolóxica, destaca o concello por medidas como o pago da factura eléctrica á veciñanza para "mellorar a súa calidade de vida" malia o "contexto negativo que herdou" pola planificación dos parques eólicos. Falamos co seu alcalde, Manuel Requeixo. 

As inscricións nas oficinas de emprego diminuíron en 2.245  ata quedar nas 141.847 e a afiliación media á Seguridade Social alcanzou os 1,044 millóns de cotizantes. Máis do 38% das contratacións no mesmo período foron indefinidas. 

O PSOE local pide a dimisión do alcalde e dos edís que as cobraron e a devolución de todos os cartos; o BNG leva ao Parlamento o caso, que vai camiño do Tribunal de Cuentas. O alcalde reclama ao ente fiscalizador que "corrixa o seu erro" e á oposición que "pida perdón". 

Ninguén afirma, pero ninguén nega xa que que o novo delegado do Goberno de España vaia ser candidato á Xunta mentres agroman as cábalas sobre as primarias que o terían que ratificar: a máis tardar, xusto á volta do verán. Mentres, da contorna da dirección do PSdeG choven os eloxios polo seu retorno sete anos despois: dende o seu perfil electoral ao seu bo entendemento co BNG

O director xeral minusvalorou o paro, que cre vinculado ás próximas eleccións municipais, e pediu a "relaxación da conflitividade" que considera "artificial"

O comité prepara novas mobilizacións logo duns paros que alteraron a programación dos medios públicos e obrigaron a suspender espazos emblemáticos como o 'Luar': "O persoal díxolle á dirección que xa abonda de abusos e de represión". 

Un informe de CCOO destaca os "efectos positivos" da nova regulación, "un bo instrumento para afrontar o cambio da cultura da temporalidade", pero di que hai que esperar para ver se produce "cambios estruturais".