Praza Pública

No proxecto, enmarcado na estratexia EDUSI, o Concello de Santiago leva a cabo a substitución de lámpadas por tecnoloxía LED, actuacións na envolvente dos edificios, instalación de caldeiras de gas natural ou biomasa, monitorización e xestión dos consumos enerxéticos

O Goberno galego acelera a precampaña electoral tamén no exterior publicitando as súas axudas para a diáspora e o retorno

Unha marcha unitaria con xente chegada de toda Galicia malia as malas condicións climatolóxicas denuncia o xenocidio do pobo palestino por parte de Israel 

Logo de máis de tres décadas de control dos Baltar, o partido e a Deputación quedan en mans dun home de confianza de Rueda pero trasladando a imaxe de que é designado polo seu antecesor

Este mércores inaugurouse na Coruña a edición 2023 do WOMEX, o evento musical para profesionais máis importante do mundo e que reúne estes días na cidade máis de 3.000 persoas. Ademais da feira profesional, entre este xoves e o sábado están programados 40 concertos abertos ao público

Unha investigación de Civio detalla que cando menos 4.210 vivendas alugadas en Galicia son propiedade de empresas privadas con 50 ou máis inmobles arrendados. A vivenda pública só representa o 0,14% do total, formado polos inmobles da Xunta (3.724 alugueiros a través do Instituto Galego da Vivenda e Solo) e A Coruña, única cidade con parque de vivenda de seu.

Nos últimos días en numerosos postes e sinais de tráfico do centro apareceron colocadas unhas caixas sen identificar que, segundo denuncia o grupo municipal do Bloque, parecen estar destinadas á medición de afluencias e control de aglomeracións. Segundo informan desde a forza nacionalista, os dispositivos da marca Wolt están situados nos arredores da rúa do Príncipe e os puntos nos que están instalados non contan con ningún tipo de rótulo ou indicativo que informen expresamente da súa presenza. Dese o Concello, pola súa banda, aseguran que está a probar a tecnoloxía "dun proxecto piloto que mide os niveis de ocupación para adoptar medidas relacionadas co tráfico".

A marcha partirá ás seis da tarde dende a Alameda. Haberá, ademais, autobuses desde A Coruña, Lugo, Ourense, Pontevedra, Ferrol e Vigo. A mobilización esixe "o inmediato alto o fogo e a abertura de corredores humanitarios para que a axuda poida entrar en Gaza de maneira normal"

Nós Televisión produce e realiza este traballo documental de tres capítulos para dar a coñecer as mulleres que escribiron na revista 'Nós'. O primero capítulo, adicado á irlandesa Anne MacSwiney, estreouse este sábado, 21 de outubro na canle de youtube de Nós Televisión e toda a serie está tamén dispoñible en Movistar Plus+ para todo o Estado español.

O ‘Grupo Galego de vivenda colaborativa’, que acaba de ser formado, vén de participar en Santiago de Compostela na primeira xornada estatal impulsada pola cooperativa Perviure. Falamos con Miguel de la Peña, da cooperativa de cohousing Alvariza Colaborativas Compostela, sobre esta aposta por unha vivenda interxeneracional e que fomenta a autonomía.

“Estamos a punto de facer historia pero non podemos confiarnos, hai que pelexar polo cambio en todos os concellos”, proclamou a portavoz nacional do BNG ante máis de 400 cargos municipais.