Praza Pública

A principal promesa para a reactivación turística da Costa da Morte tras a catástrofe do Prestige inaugúrase oficialmente polas autoridades vinte anos despois do afundimento do petroleiro con discursos que gaban a súa sostibilidade e respecto pola contorna natural

O portal atoPo da Deputación publica 150.000 fondos do arquivo municipal dende 1834 ata 2004. O repositorio suma xa 2,2 millóns de referencias de toda a provincia, agás da cidade de Vigo.

No novo episodio do podcast informativo de Praza.gal sabemos máis dos pagamentos esixidos ás familias en colexios concertados malia estar vetados pola lei, despois do estudo que os detecta en oito e cada dez destes centros en Galicia. No espazo de VINTE coñecemos mellor á actriz Isabel Garrido e achegámonos a novas historias da mocidade lucense, desta volta no eido dos movementos sociais

Dúas familias trasladáronse este núcleo da parroquia de Seara, no concello de Quiroga, que ficara abandonado durante seis anos. Agora impulsan unha iniciativa de crowdfunding para mercar 30 ovellas, cinco cabras, dous mastíns e un burro que, ademais, queren que protexan o lugar dos incendios.

Castro Caldelas acolle o evento, no que cinco muralistas realizarán senllos traballos en paredes da localidade. A iniciativa do Consorcio de Turismo continúa co proxecto 'Un toque de cor na Ribeira Sacra' que dende o 2015 levou estas creacións a un gran número de recantos desta bisbarra

Confirma unha sentenza anterior pola que Sanidade deberá indemnizar con 40.000 euros a nai do doente e acusa dúas doutoras de dar por suposto que o enfermo finxía. "Manter, como fai a administración, que non se probou a necesidade do internamento é unha afronta á intelixencia dun cidadán medio", di. 

'Galicia, unha cultura por descubrir' é un proxecto do Consello da Cultura Galega para dar a coñecer a cultura do país no exterior, que comeza con sete autoras e autores premiados e recoñecidos debullando a súa relación coa escrita

A marcha, convocada pola ORGACCMM e apoiada por entidades ecoloxistas, veciñais, sindicais e políticas, serviu para denunciar a política forestal do Goberno galego e apoiar o proxecto de lei de montes veciñais contido na Iniciativa Lexislativa Popular impulsada pola entidade

O evento multidisciplinar ten lugar este sábado na Praza de Abastos de Compostela da man de Nina Sefzick, Sara Guerrero, Sara Carrasco e Silvia Iglesias

Unhas seis mil persoas manifestáronse convocadas por SOS Sanidade Pública, nunha das marchas máis multitudinarias dos últimos anos na comarca. Denúnciase especialmente a falta de profesionais nos centros de saúde e PACs e a carencia de ambulancias.

Lugo acolleu a presentación do libro Xogos tradicionais para tempos de recollida, editado pola Deputación e que compila 63 enredos, propostas de papiroflexia ou de construción de xoguetes con materiais caseiros. A publicación parte dos recursos difundidos na web polo Observatorio do Patrimonio Lúdico Galego

O índice interanual descende en Galicia en case dous puntos, do 11% ao 9,2%, pero segue por riba da media española. Ademais, hai produtos básicos coma o leite, o pan, o azucre, os cereais, as legumes e hortalizas ou a carne de vacún que continúan a encarecerse