Praza Pública

No novo episodio do podcast informativo de Praza.gal, conducido por David Lombao, achegámonos á crise que abafa o sector agrogandeiro por mor da pronunciada suba dos custos de produción e, ao fío do arquivo da última causa xudicial que atinxía o ex-alcalde lucense López Orozco, lembramos o que foi a operación Pokémon e o que queda dela máis dunha década despois

O líder do PSdeG reclama á Administración galega que entregue a metade dos 557 millóns que recibe do Estado polos tributos aos combustibles a 9.700 empresas galegas que sofren a alza dos prezos dos carburantes. 

Os encontros, que xa contan con trinta participantes de sete nacionalidades distintas, buscan promover a integración cunha ollada intercultural e interxeracional. As xornadas terán lugar os domingos, en diferentes puntos da cidade, con propostas de folclore, gastronómicas ou culturais.

O Consello da Cultura Galega estreou este luns con "Modelo Burela" un proxecto audiovisual que amosa en seis vídeos iniciativas de dinamización lingüística desenvolvidas en escolas e institutos de Burela, Cea, Rianxo, Ames, Ponteceso e Moaña. Todas as semanas poderá verse unha nova peza.

"Impulsar a igualdade, apoderar á muller é un dos nosos obxectivos", afirmou a comisaria agora destituída en vésperas do 8M do pasado ano. No mesmo discurso revelado por elDiario.es, a comisaria explica que o seu anterior destino foi o municipio madrileño de Pozuelo de Alarcón, "unha praza nacional, non republicana"

O pasado domingo derrubouse un treito da LU-651 que une o centro de Folgoso do Courel coa parroquia de Santa Eufemia e todo o sur do termo municipal. O corte dificulta o acceso de camións e autobuses e deixou o concello sen conexión de fibra óptica, o que afecta de forma importante a caixeiros automáticos e ao Centro de Saúde.

'Malencolía', a sexta longametraxe de Alfonso Zarauza, chega a 23 salas de cine de 17 localidades galegas este venres, día 25. Melania Cruz e Xúlio Abonjo interpretan aos protagonistas do filme, que regresan a Galicia despois dunha década en Berlín.

A Asociación de Entidades Locais pola Lingua Galega nace co impulso de concellos que xa viñan colaborando en iniciativas como Apego, Youtubeir@s ou Enreguéifate. A súa primeira campaña, 'Alingua aí', conta coa colaboración de múltiples rostros coñecidos que animan ao uso normal do galego e, ao tempo, convidan a que se sumen máis institucións

5.500 votos emitidos a través da rede escolleron os temas gañadores, seleccionados entre 10 finalistas de Galicia e outras tantas de Portugal. O certame organizado pola Escola de Idioma de Santiago busca divulgar a música e a poesía galego-portuguesa actuais e achegar a cultura e a lingua dos dous países

A Coordinadora Galega de ONG de Desenvolvemento cre que é importante que a cidadanía coñeza como traballan esas organizacións, entre as que destacan Médicos do Mundo, Axuda en Acción, Farmamundi, Terra de Homes, Educo e Entreculturas. Rrecomenda que a axuda se canalice a través delas e pide que as achegas sexan económicas e non en especie

A manifestación chegou tras meses co sector agrogandeiro abafado polas subas dos custos de produción e nela mesturáronse organizacións e reivindicacións moi dispares, dende o cumprimento da xa vixente lei da cadea alimentaria para evitar a venda a perdas ata a defensa de cazadores e toureiros

O recentemente falecido Pedro Brandariz, distinguido como mellor actor protagonista nuns premios do audiovisual galego que galardoaron a Jorge Coira como mellor director e que, alén do cinema e das series, distinguiron a Esther Estévez como mellor comunicadora polo #DígochoEu e 'Figa', das Tanxugueiras, como o mellor videoclip do ano