Praza Pública

Traballadores das contratas din que non volverán ao traballo se a empresa non recibe xa a comisión de representantes que nomearon para demandar melloras na formación ou nos salarios. 

Unha modificación da lei do comercio minorista incluída no decreto aprobado para paliar a crise de prezos permite poñer límite á compra en situacións excepcionais. 

A sentenza da Audiencia de Pontevedra destaca que o comportamento do condenado “foi consciente e directamente dirixido a minguar o libre desenvolvemento da vida e da persoa” de quen era a súa dona.

Dende hai dez anos a USC organiza un concurso de vídeos didácticos que busca promover a utilización do galego como medio de transmisión das matemáticas, malia a prohibición establecida no Decreto de Bilingüísmo. A edición 2022 está en marcha, con premios para alumnado universitario e de secundaria.

O BNG subliña que na manifestación convocada para o día 3 tamén reclama medidas ao Goberno galego, se ben augura que Feijóo se vai "despedir de Galiza con propaganda e fume"

Sanidade recibiu 677 doses de Paxlovid, que esta semana se administrará a persoas con infección activa de risco, e recibirá 1.772 de Evusheld, para xente con resposta insuficiente tras a vacina.

Pódense consultar xa na rede os dous primeiros volumes desta iniciatuva, impulsada polo CEP Brea Segade de Taragoña co apoio do Concello. O obxectivo é "recuperar o patrimonio cultural, musical e lingüístico da vila" para que sexa coñecido e continuado polas seguintes xeracións.

Pedro Sánchez avanza que o Consello de Ministros aproba este martes un plan ata o 30 de xuño que cifra en 16.000 millóns de euros, entre "axudas directas e rebaixas de impostos" e mais créditos do ICO. Un incremento puntual do Ingreso Mínimo Vital e achegas ao sector agrogandeiro, entre as accións anunciadas

Catro homes executados polos golpistas no ano 1936 por seren socialistas. A única alcaldesa de Galicia na II República, María Gómez, que libra da morte no último momento e sobrevive varios anos nun dos peores cárceres para mulleres do franquismo. Había poderosas razóns para que Marta Pérez decidise levar á escena unha historia que, a partir do persoal e do local, conta o groso da represión franquista do 1936 en Galicia. 

O Executivo central pecha un pacto con axudas de máis de 1.000 millóns de euros para o sector e unha rebaixa de 20 céntimos por litro de gasóleo. A plataforma rexeita as medidas que considera "migallas" e mantén a protesta.

A portavoz do BNG participa en Madrid na presentación do libro 'Unha nova Olanda', de Antón Baamonde, no que se analizan as vantaxes da configuración territorial galega

O colexio de Vilamartín de Valdeorras, onde naceu o poeta, acolleu esta semana a presentación do proxecto Primavera das Letras, que achega a figura do homenaxeado á comunidade educativa. Ademais, Galaxia completa cunha 'Antoloxía Poética' as súas publicacións sobre o autor.