O Concello da Coruña planta a votación na que o Porto pide ao Estado que lle condone a débeda
O concellero Xiao Varela acusa a Autoridade Portuaria de teimar nunha proposta propia que mantén o protocolo asinado entre Xunta e Fomento de costas ao Concello e que blinda a venda do peirao de San Diego.
Teo advirte á Xunta que a planta de residuos na Casalonga infrinxe as súas normas urbanísticas
O Concello vén de remitir ao Goberno galego un informe de incompatibilidade urbanística negativo sobre o proxecto para residuos e espera que a Consellería de Medio Ambiente desbote de vez o proxecto
A antiga cúpula de Caixanova enfróntase a outro xuízo por un buraco de 80 millóns para reflotar Alfageme
O xuíz De la Mata, da Audiencia Nacional, considera que os ex-directivos puideron incorrer en delitos de branqueo e apropiación indebida ou administración desleal pola concesión de préstamos á empresa Promalar para a compra da conserveira
Persoal de concellos mozambicanos amplía formación en políticas de igualdade en Ames, Rianxo e Nigrán
A traballadora social Elsa Dimande coñece a través do Fondo Galego de Cooperación o traballo destes concellos galegos en materia de igualdade de xénero e tamén en atención á infancia ou ás persoas con discapacidade
"Con esta ratio, folga no patio": A comunidade educativa de Allariz esixe que a Xunta cumpra coa lei
A comunidade educativa do colexio Padre Feijóo de Allariz leva un mes mobilizándose para esixir que en Infantil non se supere o número máximo de alumnos e alumnas por aula fixado pola lei. Manterá unha xuntanza coa delegación territorial da Consellería este martes e ameaza con estender as protestas
A meirande migración de Lugo e Ourense segue dirixíndose á Coruña e Pontevedra
Dende o ano 1990 as dúas provincias orientais tiveron un saldo negativo co resto de Galicia de case 20.000 habitantes. No último ano destacan as cifras negativas de comarcas como a Terra Chá e de moitos concellos ourensáns, pero tamén de zonas coruñesas ou pontevedresas como a Costa da Morte ou Tabeirós-Terra de Montes.
Banksy aclara que non realizou o mural de Ferrol atribuído a el
A web do artista respondeu á pregunta da axencia France-Presse, negando que ese traballo fora da súa autoría. O festival das Meninas de Canido reservara o pasado verán un espazo para o artista e chegou a poñer valados publicitarios e anuncios en prensa no Reino Unido.
Núñez Feijoo coordinará a convención nacional extraordinaria do PP, que será en decembro
Pablo Casado anunciou a convocatoria deste encontro no acto de inicio de curso político, que un ano máis tivo lugar en Galicia, nunha carballeira de Cerdedo-Cotobade, onde o presidente da Xunta reivindicou "o galeguismo de Fraga e Albor"
O PSdeG abre o curso preguntando se Feijoo "vai seguir sendo tan desleal con Galicia como cando gobernaba Rajoy"
Os socialistas fixeron coincidir os seus actos de inicio de curso político en Compostela e Oroso co que o PP organizou en Cotobade. A vicepresidenta Carmen Calvo acompañou a Gonzalo Caballero. "O PP ríase de Galicia e Feijóo aplaudía”, destacou o secretario xeral do PSdeG-PSOE
ADEGA reclámalle á Xunta políticas e recursos para protexer o lobo e favorecer a coexistencia coa gandaría
Presenta un informe onde se cuantifica o alcance dos danos ao gando, subliñando que as partidas que destina a Xunta son "manifestamente insuficientes". Destaca que as axudas para a prevención deben ser unha prioridade e conclúe que "os controis letais son inútiles para solucionar o problema", lembrando que a poboación de lobos non aumentou nos últimos anos.
O FIB de Ourense encheu a Praza de San Marcial a pesar da negativa do Concello a concederlle permiso
O Festival Intercultural do Barbaña está organizado por ESCuA (Espazo Cultural Alternativo). A Policía Local acudiu ao lugar pero finalmente non obrigou a deter os concertos, nos que actuaron unha ducia de grupos. Os colectivos sociais e culturais da cidade completaron un verán inzado de actividades culturais
PP e PSdeG impiden que o Parlamento de Galicia analice o accidente do Marisquiño como pedían En Marea e BNG
Socialistas e populares rexeitan convocar un Pleno extraordinario no que compareza Feijóo e no que as outras dúas formacións querían solicitar unha comisión de investigación política. Pola contra, será o vicepresidente Rueda o que compareza no primeiro Pleno ordinario a mediados de setembro.