Interior Galego Vivo propón dez medidas para que as persoas do rural "non teñamos menos dereitos por vivir onde vivimos"
Representantes dunha ducia de candidaturas municipais aprobaron un decálogo "para garantir un futuro digno nas comarcas interiores". Reclaman que os servizos básicos se sitúen a unha distancia máxima de media hora, apoio á produción agraria e gandeira de proximidade ou que os concellos adopten un "rol protagonista" no desenvolvemento eólico.
A aposta da Xunta pola aprendizaxe a distancia para persoas adultas limita o acceso a estas ensinanzas, denuncia a CIG
O sindicato denuncia que o anteproxecto de Lei para a aprendizaxe ao longo da vida adulta "non contempla o mantemento do actual sistema de ensino público presencial". Neste momento, unhas dez mil persoas cursan estes estudos en centros nas sete cidades, en IES, cárceres e tamén de forma telemática
- 🔊Podcast Dereito á vivenda Fálase
- Acontece
Fálase | Falamos de onde vivimos
O dereito á vivenda regresa ao centro da axenda política coa nova lei estatal ou o plan para alugar a prezo accesible pisos do banco malo. Analizámolo no novo episodio do podcast informativo de Praza.gal. Ademais, con VINTE escoitamos as músicas de Ramona, a protagonista de Matria, e anotamos varias citas culturais de interese na Coruña
Persoal investigador denuncia atrasos de meses nos seus contratos pola "falta de planificación" da Xunta
O atraso na convocatoria provocará previsiblemente que os contratos non poidan iniciarse no comezo do curso 2023-24, senón máis ben en decembro no mellor dos casos. Investigal e a Asemblea de Investigadoras de Compostela alertan de que "esta demora dá lugar a incerteza, sen saber se van ter ou non un contrato para poder levar a cabo as súas investigacións".
O xornalista lucense Marcos Méndez gaña o XIX Premio José Couso pola súa cobertura da guerra de Ucraína dende o terreo
O reporteiro impúxose a Mònica Bernabé e Reporteiros sen Fronteiras. A acta do galardón organizado polo Colexio de Xornalistas e o Club de Prensa de Ferrol reclama un ano máis que "se esclareza o asasinato de José Couso" a cargo do exército estadounidense e fai un chamamento ás autoridades "para que poñan todos os medios para defender a liberdade de prensa e o dereito a informar"
'Mangüi, sempre en nós': alumnado do IES Agra e Banda Xangai lembran o músico "que repartía cousas bonitas polo mundo"
O centro Ágora da Coruña acolle este xoves un festival no que a orquestra bravú realizará un percorrido pola historia da música popular galega que servirá como homenaxe ao baixista falecido hai uns meses. Será en colaboración cos rapaces e rapazas do instituto no que Mangüi estudou, que levará a cabo o espectáculo Somos un pobo de artistas
Manuel Colmeiro, o economista que apostou pola redención dos foros, Científico Galego do Ano
Avogou dende moi novo pola abolición do sistema foral no campo galego, co obxectivo de que a propiedade da terra fora dos propios labregos que a cultivaban. O acto académico central de homenaxe terá lugar o 4 de outubro no marco do Día da Ciencia en Galicia. Trátase do primeiro científico social que recibe esta distinción da Real Academia de Ciencias de Galicia.
O CESM ábrese a desconvocar a folga médica que xa suspendeu máis dun milleiro de cirurxías
O sindicato convocante advirte da posibilidade de suspender "temporalmente" o paro se hai "uns acordos de mínimos" na reunión que terá con Sanidade o mércores, ao tempo que anuncia un acordo con CSIF para as eleccións sindicais.
O PSdeG contrasta o seu "equipo para gobernar a maioría social" de Galicia nas municipais cun PP de Rueda "fóra de xogo"
Os principais referentes locais do PSdeG acoden á Conferencia Municipal coa que o PSOE lanza dende València a súa precampaña para o 28M. "Rueda está máis pendente do que di ou fai Feijóo que dos problemas dos galegos e galegas, el e os seus conselleiros limítanse a actuar como unha xestoría que só abre en horario de mañá", afirma Lage Tuñas, secretario de organización dos socialistas galegos
Límite do 3% ás subas do alugueiro e máis zonas tensionadas: así será a nova lei de vivenda
O goberno de coalición acorda con ERC e Bildu a nova lexislación.
En bici de montaña, kaiak, tirolina ou facendo escalada: vinte plans para activarse na provincia de Lugo
Dende hai tres anos a Deputación de Lugo desenvolve o programa Actívate, un conxunto de actividades gratuítas para promover o turismo activo, deportivo e de aventura que esta primavera chegan a 18 concellos da provincia. As primeiras sesións, en Guitiriz, Chantada e Monforte, comezan esta fin de semana, con BTT, kaiak e paddle-surf.
🔊Fálase | O que pasa cos autobuses en Galicia e a despedida de Leilía
No novo episodio do podcast de Praza.gal explicamos as diversas frontes de conflito abertas no sector dos autobuses, marcado polos pronunciamentos xudiciais que nas últimas semanas ordenaron á Xunta que sancione a Monbus e Alsa e mais emprenderon dilixencias por prevaricación contra o director de Mobilidade do Goberno galego. Ademais, achegámonos ás Leilía, as pioneiras pandeireteiras que tras tres décadas nos escenarios inician a súa xira de despedida