Praza Pública

O seu uso é aínda reducido, máis estendido no audiovisual e as artes visuais. A metade das entidades e profesionais cre que a IA pode ter consecunecias positivas sobe a cultura, pero preguntados por efectos concretos, as visións son, en xeral, máis negativas, alertando sobre a posible perda de postos de traballo e a homoxeneidade nas creacións.

O tamén deputado do BNG no Congreso, que encabeza a Unión do Povo Galego dende 2012, sinala o "exercicio da soberanía nacional" como "única saída real" aos problemas do país. Pontón enxalza a "capacidade de permanencia" do partido xunto á do propio BNG, no que ve compatible o mantemento da autodeterminación como horizonte co "ensanchamento" da base militante

A Asociación Estatal de Directoras e Xerentes de Servizos Sociais describe a situación en Galicia como "un sistema ben ordenado" pero cunha "relevancia económica débil e unha cobertura reducida de prestacións e servizos".

A unión das esquerdas, a alta participación e o voto estratéxico deixaron o Reagrupamento Nacional de Marine Le Pen en terceira posición, evitando un triunfo dos ultras. A NFP e a coalición Ensemble nucleada ao redor de Macron deberán chegar a un acordo para a formación dun goberno nunha asemblea sen maiorías claras.

Este sábado a deputada ourensá do PSdeG Carmen Rodríguez Dacosta achegouse a un deses centros de saúde nos que non se están a cubrir as vacantes ou directamente non contan con pediatra, o do Pereiro de Aguiar, unha localidade en crecemento preto de Ourense na que 800 nenos e nenas teñen que desprazarse fóra para seren atendidos malia as promesas da Xunta.

O alcalde, o socialista José Cacabelos, lembra que leva "anos" solicitando a implantación dunha taxa para "crear novos ingresos que axuden ao financiamento dos concellos para recibir da mellor maneira ao turista”. “Necesitamos falar da taxa turística, precisamos que se abra unha mesa onde esteamos os concellos cunha certa relevancia turística e comezar a falar seriamente desta cuestión”, afirmou

En 1921 catro mozas ribeirenses salvaron de morrer afogados a 56 dos pasaxeiros do vapor Santa Isabel que chocara contra unhas rochas na illa de Sálvora. Este venres presentouse nas Palmas o novo buque do Salvamento Marítimo, bautizado como Heroínas de Sálvora, en homenaxe ás catro mozas coa presenza do ministro de Transportes, Óscar Puente, e do alcalde de Ribeira, Luís Pérez Barral

O INE prevé que Galicia manteña dentro de 15 anos o mesmo número de habitantes que na actualidade, despois dun ascenso sostido ata o 2030, no que comezaría un novo descenso. Segundo a proxección, en 2039, o 19% da poboación galega terá orixe no estranxeiro, haberá máis nacementos que na actualidade, pero menos inmigración.

Serán unhas Letras Galegas centradas sobre todo nas mulleres, principais creadoras e gardiás da tradición e da lingua. Tamén na música, unida de forma inseparable á literatura. E, ademais, "dialogarán coa modernidade de artistas que hoxe exploran novos vieiros para a literatura de base popular partindo da tradición recibida". A RAG personifica a homenaxe en Adolfina e Rosa Casás Rama (Cerceda), Eva Castiñeira (Muxía), e Prudencia e Asunción Garrido Ameijende e Manuela Lema Villar, tres das cinco Pandeireteiras de Mens, de Malpica.

A institución confirma a Ana Miranda a través dunha pregunta parlamentaria que o Estado español non realizou ningunha proposta de petición de fondos europeos “que requira a avaliación" da fábrica de celulosa e fibras téxtiles situada en Palas de Rei "no marco dun PERTE"

Dende o ano 2019 a Asociación Científica Sputnik Labrego ven realizando escavacións no xacemento arqueolóxico tardorromano de Valencia do Sil. En xuño retomáronse os traballos no xacemento, que foron quen de atopar os restos dun sistema complexo de canalización de augas ligada a esa fragua de grandes dimensións

O documental, con guion de Carlos Callón, estréase este xoves en Nós TV e na canle de Youtube da Deputación da Coruña, que impulsa o proxecto a través da súa área de Igualdade.