Desconcierto alerta da desaparición da programación de RG Música
A asociación cultural denuncia que os programas foron "desaparecendo progresivamente" nos últimos meses até quedar a grella "limitada a un fío musical dunhas 23 horas ao día"
A oposición acusa o PP de tentar "agochar" a Baltar e Bárcenas co "terrorismo"
Os conservadores levan á Cámara unha declaración institucional contra as accións "terroristas" en Galicia e PSdeG, AGE e BNG cren que procuran unha "cortina de fume" ante os casos de "corrupción"
Denuncian a pasividade das administracións ante o bloqueo da estrada máis transitada do Courel
A LUP-1301, que une Seoane do Courel co hospital do Cebreiro e a autovia atópase cortada, segundo SOS Courel, que nos últimos anos criticou en varias ocasións o estado da via e os traballos de reforma mal realizados. "Unha vez máis levarán a culpa os deuses, a choiva, a cicloxénese e a mala sorte", conclúen.
Es quen de gravar unha curta en 48 horas?
Do 19 ao 21 de abril realizarase na Coruña esta competición de cinema contra o reloxo. Proporase un personaxe, un obxecto e unha liña de diálogo e a partir dese momento os participantes terán dous días para escribir, gravar e montar o filme.
Máis espazo para os porcos que para os alumnos
Algunhas das críticas á reforma educativa teñen que ver co aumento dos ratios de alumnos por aula e á súa masificación. A lei establece que os cortellos deben garantir un minimo de 2,25 m2 para cada animal, mentres que un decreto de 2010 fixa un límite de entre 1,5 e 2 m2 para os rapaces e rapazas.
O 'moderneo' coñecerá por fin a Troco no FIV
O primeiro gran festival do ano celebrarase en Vilalba os 22 e 23 marzo. Delorean, La Casa Azul, Nudozurdo ou La Habitación Roja serán os cabezas de cartel e Eme Dj protagonizará a sesión post-concertos na Troco, unha das discotecas con máis tradición en Galicia.
Ángel Currás rexeita a acumulación de cargos de Paula Prado
O alcalde compostelán afirma que tratará coa nova portavoz do PPdeG a súa continuidade como concelleira pero lembra que a súa opinión sobre a multiplicación de responsabilidades "é coñecidas". Pola súa banda o rexedor de Ames destitúe o seu tenente de alcalde "ao perder a confianza nel"
A dirección das caixas presionou os seus traballadores para vender preferentes
A Cadena Ser accede a documentación con ameazas aos empregados das antigas entidades: "As persoas que non saiban ou non queiran vender preferentes deberían preguntarse se realmente queren tomar parte da caixa e do seu futuro".
Novagalicia ofrece 23 días e 14 mensualidades de compensación para os despedidos
Os sindicatos rexeitan rotundamente a proposta da entidade, contra a que protestaron os traballadores cun paro de media hora nas sucursais. Haberá folga xeral o vindeiro 6 de febreiro.
Cara á FP dual pola porta de atrás?
AGE denuncia a posta en marcha en Galicia do novo modelo de formación profesional, exemplificado no acordo da Xunta coa empresa Coremain, sen un marco normativo galego e sen ter en conta os órganos consultivos en materia de Educación. Os expertos cualifican de "irreal" a aposta por ese modelo, polas diferenzas entre as estruturas produtivas galega e alemá.
Baltar reclama máis autonomía para Ourense entre novas acusacións de "enchufismo"
O presidente da Deputación pide que Galicia lles transfira aos entes provinciais participación nos tributos que xestiona. Mentres o BNG denuncia a contratación de interventores do PP e o PSdeG-PSOE cifra en 92 euros o que cada ourensán ten que pagar cada ano para os salarios dos que considera "enchufados".
A expansión do 'fracking' nos EEUU incrementa o consumo do carbón en Galicia
O blog de ecoloxismo social e biodiversidade Un claro no bosque analiza o efecto de cadea polo que un meirande uso do gas natural en Norteamérica abarata o prezo do carbón para as centrais térmicas galegas e tamén a exportación de enerxia a Portugal