Praza Pública

A Sala do Contencioso-administrativo do Tribunal Superior de Xustiza de Galicia adoptou a medida cautelar solicitada pola asociación ecoloxista Adega de suspender as obras de construción do parque eólico Acibal (Amil, Moraña) autorizadas pola Dirección Xeral de Planificación Enerxética e Recursos Naturais da Xunta de Galicia. A medida ten como consecuencia a paralización inmediata das actuacións polo descubrimento de restos arqueolóxicos.

Este xoves está convocado o inicio dunha acampada no Campus de Elviña da UDC e Erguer impulsa unha Asemblea Aberta en Compostela para decidir futuras accións, que se unen ás concentracións xa programadas para o vindeiro martes nos campus universitarios das sete cidades galegas.

A investigación, coordinada pola profesora da USC Luzía Oca, pon o foco nas mulleres vinculadas coa música e outras artes escénicas, con base na potencialidade das artes en canto ferramentas de intervención para a transformación social. Quere apoiar, ademais, o proceso de valorización do batuko que se está a desenvolver en Cabo Verde.

Na primeira edición de Cine Sénior, que logrou "incrementar un 49% a asistencia ás salas os martes", adquiriron as entradas a prezo reducido case 17.000 maiores de 65 anos en Galicia

A 21ª edición do certame celebrarase nesta parroquia do Porriño do 21 ao 25 de maio. Proxectarase o filme As Neves de Sonia Méndez, a preestrea de Alumbramiento de Pau Teixidor ou a retrospectiva internacional do colectivo Société Acéphale. Ademais, estrearase a sección Cineherdanzas, que descubrirá por vez primeira o legado fílmico de Carlos Asorey

Tras o éxito no seu nacemento en 2023, o "primeiro festival feminista da provincia de Lugo" volve os días 24 e 25 de maio cun cartel diverso no que músicas como as de Caamaño e Ameixeiras ou EME DJ se combinan con poesía, circo ou teatro

Unha acción de arte de guerrilla está a pegar pequenas imaxes de kufiyas (o tradicional pano palestino) nos sinais de tráfico e no mobiliario urbano de distintos lugares de Galicia. Este luns, ademais, tiveron lugar concentracións en 30 cidades e vilas galegas, dando continuidade a un movemento de denuncia iniciado hai case sete meses.

O IES de Curtis e o Grupo Naturalista Habitat están a retransmitir o aniñamento dunha parella de lagarteiros da que en breve se agarda que nazan seis crías

O Goberno galego pide ideas para unha futura Lei de servizos dos medios públicos de comunicación audiovisual para a sociedade dixital coa que adaptará á UE a normativa xa existente pero sen concretar se mudará o sistema de elección da dirección da CRTVG

A condición do edificio como Ben de Interese Cultural obriga os herdeiros do ditador a abrila un mínimo de catro días ao mes durante catro horas ao día. Porén, os Franco argumentaron que empregan o inmoble como residencia, alegación que foi rexeitada pola Xunta, pois a casa practicamente non ten mobles.

O cambio climático, as elevadas temperaturas ou a alteración do medio natural, entre as posibles causas da inusual proliferación de moscas comúns en localidades de toda Galicia

Besteiro aplaude que o PSdeG vaia "seguir contando cun extraordinario eurodeputado", en cuxo labor na lexislatura que remata destacan fitos como ser o relator da Eurocámara na reforma do mercado eléctrico. Lorena Guerra e Elba Veleiro son os outros nomes galegos na lista europea do PSOE, que encabeza Teresa Ribera