Unha mestra ferrolá patenta o primeiro bolso que se transforma en respaldo reclinable para a praia
Despois de dous anos de traballo, a ferrolterrá Manuela García Calderón comeza a comercializar Siesta, unha bolsa que permite recostarse sobre ela, pensada especialmente para pasar o día na area ou no campo.
Morre o tradutor e crítico Basilio Losada Castro, referente da cultura galega en Catalunya
O profesor, tradutor e crítico literario finou este sábado aos 92 anos en Barcelona. Nacido en Láncara en 1930, pasou fóra de Galicia a maior parte da súa vida, pero mantivo moi presentes as orixes. Académico de Honra da RAG, foi galardoado tamén coa Medalla Castelao e con recoñecementos en Brasil ou Portugal
Ecomarcha ciclista de Pontevedra a Lugo: 15 días para denunciar as agresións ecolóxicas en Galicia
200 persoas participan na iniciativa impulsada por Ecoloxistas en Acción, que dende este sábado irá percorrendo "lugares ambientalmente agredidos" para apoiar os colectivos veciñais "que loitan pola recuperación ambiental da zona degradada", como Cerdedo, Lousame ou Monfero. Ademais, en Camariñas lembrarase o 20 aniversario do desaste do Prestige.
Francisco Fernández del Riego, homenaxeado no Día das Letras Galegas de 2023
O Pleno da Real Academia Galega acordou este sábado dedicarlle ao intelectual a celebración, coincidindo cos 60 anos do primeiro Día das Letras Galegas, conmemoración do que foi inspirador, e os 110 anos do seu nacemento
Pablo González Mariñas, homenaxeado pola súa achega á construción do autogoberno de Galicia
O acto tivo lugar na Coruña. Despois de pasar pola UCD e CG, fundou o Partido Nacionalista Galego, que integrou o Goberno tripartito entre 1987 e 1989, do que foi conselleiro de Presidencia, cargo dende o que promoveu a lei de coordinación das Deputacións ou a Escola Galega da Administracion Pública. Entre 2005 e 2009 regresou ao Parlamento da man do BNG, traballando na reforma do Estatuto de Autonomía, bloqueada polo PP
O verán chega de vez a Galicia con temperaturas por riba dos 35 graos no sur e aviso de nivel laranxa e amarelo pola calor
As máximas chegarán en Ourense aos 37 graos o sábado e aos 39 graos o domingo, segundo a previsión de Meteogalicia. Tamén o litoral pontevedrés roldará os 35 graos toda a fin de semana e Compostela, Lugo e Ferrol superarán os 30 graos. A excepción estará na Mariña, por debaixo de 25.
As bicis que te levan polas dúas beiras do Miño
O servizo de bicicletas eléctricas E-Bike Rio Minho, impulsado pola entidade que agrupa concellos da fronteira e mais á Deputación de Pontevedra, é de balde, bota a andar con 46 vehículos e pódese utilizar dende as eurocidades Tui-Valença, Tomiño-Cerveira e Salvaterra-Monção
A CIG acusa o Sergas de "falsear as estatísticas" do tempo de espera das ambulancias no Morrazo
A central sindical sinala que se está a "falsear" o tempo que tarda a ambulancia en chegar ata a pesoa que precisa axuda co fin de "reducir as estatísticas" e xustificar así a ausencia de reforzos nas ambulancias do Morrazo
O festival de Ortigueira volve coa edición máis longa para "apoiar a cultura galega con máis forza"
Ortigueira volverá ser a capital do mundo celta do 10 ao 17 de xullo nun festival que aposta pola música de orixe galega coas Tanxugueiras, Luar na Lubre, Baiuca ou Caamaño&Ameixeiras e recibe a bandas de peso internacional como a escocesa Johnstone Pipe Band ou a bretoa Bagad de Vannes Melinerion
O BNG non facilitará ao PP as remudas no consello da CRTVG se non accede a cumprir íntegra a lei dos medios públicos
O Bloque defende que o detonante para supeditar a remuda no Consello da CRTVG ao cumprimento íntegro da lei, incluíndo a substitución do director xeral, é a condena agora firme á Corporación pública por represalias a un traballador. O PSdeG confirma que manterá o sentido previsto do seu voto tanto na votación para a CRTVG como para o Consello de Contas, polo que os nomeamentos propostos polo PP sairán igualmente adiante
A evolución da costa galega contada nun fío de twitter ou teses explicadas en tres minutos, premios da USC á divulgación
A Universidade de Santiago entregou os premios dos certames ‘Teses en tres minutos’ e ‘A túa tese de doutoramento nun fío de Twitter’, que buscan promover a divulgación científica entre as persoas que veñen de defender os seus traballos de posgrao.
O persoal de Bosch en Vigo mobilízase contra os 148 despedimentos provocados pola deslocalización de servizos
Ao redor do 70% das 1.300 traballadoras e traballadores do centro vigués de chamadas secundaron a folga de 24 horas convocada polo comité de empresa contra o ERE de extinción presentado pola compañía trala perda dun contrato con Vodafone. A CIG manifesta o seu temor de que este caso "sexa un primeiro síntoma dun repunte deslocalizador"