O executivo local xustifica o cesamento na nula dedicación da edil Martínez Acón, afín a Gonzalo Caballero, que atribúe a súa marcha á reclamación das achegas económicas dos cargos electos á agrupación local.
Falamos con Begoña, mestra no IES Menéndez Pidal da Coruña, que non foi autorizada a gardar corentena tras confirmarse un positivo doutra profesora, da que era contacto estreito. Só puido facelo cinco días despois, cando recibiu a chamada dos rastrexadores, que lle indicaron que debería telo feito dende o primeiro momento.
O Festival de Arte Audiovisual Contemporáneo Intersección dedicou este ano un foco especial ao traballo de DSK: Belén Montero e Juan Lesta, ademais de proxectar na súa sección de Galicia varias curtametraxes e unha longametraxe feitas por galegos. Repasamos estas pezas a partir de entrevistas cos seus directores e directoras.
Analistas de diversos eidos reflexionan sobre o papel internacional da cidade nun ciclo de coloquios organizado polo Instituto Galego de Análise e Documentación Internacional (Igadi), que tamén retoma en liña o ciclo de charlas e libros que tivo que adiar en marzo polo coronavirus
A "dimisión obrigada" da directora polo incidente no bus escolar indigna profesorado e familias do colexio Luís Seoane. A Xunta de Persoal Docente da Coruña esixe o cesamento do xefe territorial de Educación e sinala a Inspección.
A candidatura municipalista di "lamentar a deriva" da formación morada, que decidiu que Isabel Faraldo, que foi nas listas da Marea, ocupe a vacante do concelleiro Xiao Varela como non adscrita e á marxe do grupo.
Un plan avalado polo Concello, con doce edificios e ata 13 alturas ao pé do mar, provoca o rexeitamento da asociación veciñal, que pide zona verde e advirte do innecesario da iniciativa nunha cidade con alta densidade de poboación e 20.000 vivendas baleiras.
Hai uns fíos invisibles que unen o cinema de Adrián Canoura co de Lara e Noa Castro. O achegamento ás texturas, ao detalle mínimo, une tamén a Canoura coa creación de Aldara Pagán, que á súa vez toma como referente a Alberte Pagán. Area Erina conflúe con Alberte Pagán nos seus colaxes de doada lectura política, enfoque que pode verse tamén no traballo de Tono Mejuto de exploración da arquitectura urbana.
Un dos ciclos formativos do IES Ramón Menéndez Pidal pasou toda a mañá sen poder ter unha clase con normalidade pola ausencia de aulas nas que poder cumprir coas distancias mínimas de seguridade ante a Covid. Finalmente, optouse por levar as explicacións ao patio do instituto.
A xustiza avala as novas restricións da Xunta tras comunicarlle esta para a vila do Xallas unha taxa de 435 casos por 100.000 habitantes nas dúas últimas semanas, fronte aos 123 da media galega ou os 212 estatais