Hai sete días o equipo madrileño soubo que contaba con catro casos de coronavirus entre o seu cadro de persoal. Mesmo así, e con coñecemento da Liga, o equipo viaxou á Coruña, precipitando unha situación que máis aló das cuestións estritamente deportivas, provocou unha crise sanitaria, con 20 positivos entre as persoas confinadas nun hotel da cidade herculina
O Consello Superior de Deportes asegura que a Liga soubo "o domingo ás 22h30" da existencia dun brote de coronavirus no Fuenlabrada, que viaxou igualmente o luns á Coruña para enfrontarse ao Deportivo. O Concello coruñés pide ao Ministerio Público aclarar se "estamos ante unha conduta imprudente con risco exponencial para a saúde pública" e se os feitos son "constitutivos de delito"
A Comunidad de Madrid asegura que está a investigar por que "non se notificou no seu momento" a existencia de positivos entre o persoal do Fuenlabrada, dos que asegura que non soubo "ata última hora do luns", igual que a Xunta. O Sergas confirmou este mércores o illamento de tres condutores de autobús e un afeccionado que tiveron contacto co persoal do Fuenlabrada na Coruña
A Axencia Estatal de Seguridade Aérea establece que "non se debe acudir" a un aeroporto no caso de ter "contacto estreito" cunha "persoa diagnosticada de COVID-19" nos 14 días previos á viaxe. O club madrileño nega que o seu plantel estivese nese suposto. O Sergas afirma que a Liga lle comunicou os positivos do Fuenlabrada ás 20:17 do luns, menos de 45 minutos antes da hora fixada para o inicio do partido
O Fuenlabrada viaxou a Galicia tras deixar illado en Madrid un xogador cuxa proba da COVID-19 tivera resultados "alterados" e ficou confinado momentaneamente no hotel Finisterre da Coruña por orde do Sergas. O partido no que o Dépor ía xogar as súas opcións de permanencia na Segunda foi suspendido tras confirmarse a existencia de cando menos seis positivos no equipo madrileño
O colectivo Refuxios da Memoria a a Comisión pola Recuperación da Memoria Histórica homenaxean ao grupo de mulleres anarquistas que cumpriu un papel fundamental na loita obreira contra a ditadura coa súa rede de casas-refuxio, asaltada pola Garda Civil o 10 de xullo de 1937.
Pablo Iglesias acompaña a Gómez Reino no Palexco da Coruña nun mitin con duras críticas á xestión do PP nos seus 11 anos na Xunta e tamén ante o brote de coronavirus da Mariña. "A calidade dun gobernante mídese nos momentos complicados", dixo Martiño Noriega, que cargou contra a política sanitaria e de residencias de "Alberto Bolsonaro Feijóo"
Unha inmobiliaria viguesa ofrece no seu portal web a propiedade que os herdeiros do ditador manteñen na Cidade Vella da Coruña pero non pon prezo.
A formación aproba que os seus representantes no Concello e na Deputación destinen o excedente do soldo que marca o seu código ético a unha convocatoria para iniciativas sociais e á creación dunha asesoría gratuíta para persoas en situación vulnerable.
O Concello presentou o proxecto de transformación da zona dos Cantóns, que se licitará entre este ano e o que vén. O Goberno local destaca que “o obxectivo é levar esta acción a todos os barrios para que en todos gocemos de espazos de convivencia como se fosen o mesmo
centro da cidade”
O BNG denunciou expresións divulgadas polo Executivo galego tras presentar as obras de ampliación do CHUAC como que é "a maior obra pública que se ten impulsado na área da Coruña en moitos anos". A Xunta Electoral estima parcialmente a súa petición e ordena retirar esas palabras do sitio web do Goberno galego