Paredes e muros aparecen decoradas cun teselado que representa a caveira do xigante, símbolo da cidade. O Concello aposta por retiralas entre polémica polo apoio de moita veciñanza a unha acción artística anónima.
O presidente da AAAG, Xosé Barato, advertiu durante a gala dos XXV María Casares, celebrada no teatro Rosalía da Coruña, que, tras a pandemia, no sector teatral "teremos que estar vixiantes e máis unidas ca nunca" para que "non se destrúa nada do que conseguimos"
A Coruña acolle entre o xoves e o sábado a quinta edición do encontro internacional, no que participan a líder indíxena brasileira Luana Kaingang, a activista congolesa Julienne Lusenge ou a representante do Movimento de Trabalhadores sem Terra (MST) Marina dos Santos
Rocío Fraga relata a súa situación, común a outras pacientes, salientando que acumula nove meses á espera da realización dun TAC. Nunha queixa presentada ante a Valedora do Pobo critica tamén a imposibilidade de realizar na área sanitaria da Coruña probas de Dermatoloxía Dixital, non invsivas e moi útiles na súa situación, e si existentes noutras áreas sanitarias.
A xuíza levanta o segredo de sumario da investigación polo crime do mozo que faleceu tras unha brutal malleira hai un mes na Coruña.
Bala, Baiuca, Ataque Escampe ou Triángulo de Amor Bizarro, no cartel dun Festival Noroeste adaptado ás restricións da pandemia polo que tamén pasarán, do 6 ao 8 de agosto, grupos e artistas como Javiera Mena, Mujeres, Zahara ou Marlango
Ibrahima e Magatte interviñeron asumindo un dobre risco: o da agresión física, mais tamén o de seren identificados como inmigrantes 'ilegais' implicados nun altercado e expoñérense á expulsión
No ano 2004 a Facultade de Ciencias solicitou que se prorrogasen os contratos das investigadoras que se acolleran a baixas de maternidade ou lactación, para evitar que as súas carreiras se visen prexudicadas, unha medida aceptada pola UDC e que dende este martes é oficial a través dunha norma aprobada polo Parlamento
Amigas de Samuel Luiz ratificaron que os dous mozos, de orixe senegalesa, "tentaron afastalo de onde se estaba producindo a agresión, pero eran eles contra unha manda". A Secretaría de Estado de Migracións ratifica que traballa na regularización dos dous mozos para aprobala "nun prazo moi breve" e o delegado do Goberno de España en Galicia sinala o permiso de traballo como posible vía para facelo
A xuíza considera que estas catro persoas poden ser autoras dun delito de "homicidio ou asasinato", o cal será definido no transcurso da instrución. A cuarta imputada maior de idade queda en liberdade, pero con obriga de comparecer no xulgado. A decisión foi adoptada escasas horas despois de dúas novas detencións, de dous varóns menores de idade, aos que a Policía considera tamén autores do crime
As persoas detidas teñen entre 20 e 25 anos e residen na Coruña. A Delegación do Goberno de España en Galicia e a Policía especifican que a operación segue aberta e "non se descartan" máis detencións nas próximas horas
Máis de medio cento de localidades galegas acolleron concentracións de repulsa polo asasinato de Samuel, o mozo que este sábado morreu como consecuencia dunha malleira na Coruña. As entidades LGBT denuncian os feitos como unha agresión homófoba. Falamos con Ana G. Fernández, presidenta de ALAS