O número de denuncias por violencia de xénero entre xullo e setembro foi case o mesmo que no mesmo período de 2022, pero as 1.856 supoñen a cifra máis alta nun trimestre.
2022 marcou un punto de inflexión. Fronte ás caídas experimentadas pola poboación das cidades en 2020 e 2021, o pasado ano as urbes rexistraron importantes subas coas que case recuperaron as cifras perdidas nos dous anos precedentes.
Tres cuartas partes dos recursos enerxéticos transformados no país para obter electricidade, combustíbeis ou calor proceden de terceiros países, moitos deles situados no Sur Global, e de fontes fósiles, segundo un informe de Ogacli e Greenpeace.
Román Rodríguez recoñece que están a percibir a preocupación “dalgunhas familias” sobre o programa educativo dixital da Xunta, denominado E-Dixgal, mais o defende como unha ferramenta de primeirísimo nivel que conta co recoñecemento do conxunto da comunidade educativa.
Un estudo de CIG-Ensino a partir dos datos de Educación debulla a situación dos máis de 30.000 docentes. A central sindical tirará destas cifras para reclamar á Xunta unha oferta de emprego público coas prazas necesarias "para reducir a taxa de interinidade total por baixo do 5%".
As entidades demandan o incremento progresivo do parque mínimo de vivenda destinado a políticas sociais, incluído o alugueiro social, e un calendario para acadar a media europea do 15% de vivenda social do parque municipal de vivendas en Vigo. Reclaman tamén ao concello que solicite á Xunta a aplicación do control de prezos de alugueiros en zonas tensionadas
O Observatorio Galego da Acción Climática (OGACLI) presentou esta semana o informe As emisións de contaminantes atmosféricos en Galicia (1990-2021), que alerta dun aumento das emisións, especialmente das ligadas ao transporte
Está na orde do día das últimas reunións de multitude de Anpas galegas e circulan vía online e presencial formularios para sumarse ao movemento. O obxectivo, eliminar o programa E-Dixgal dos seus centros educativos. Ante esta rebelión espontánea que agromou, na Confederación de Anpas galegas piden calma e preparan unha xornada con persoas expertas que poidan avaliar o programa educativo da Xunta e, en consecuencia, postularse a favor ou na contra.
Trátase dunha estimación preliminar realizado pola Comisión Europea a partir dunha petición do Goberno español e calculada a partir da inclusión do gaélico como lingua oficial e de traballo dende a petición realizada por Irlanda en 2007. Máis aló do custo económico, varios países seguen a expresar receos e dúbidas polo incremento de 24 a 27 do número de idiomas.
A veterinaria Sonia Verdes dirixe a Granxa Gayoso Castro da Deputación de Lugo, que acolle a granxa experimental de leite e un centro público de recría, servizos de formación e innovación fundamentais para o sector agrogandeiro da provincia. Ademais, vén de presentar a súa tese de doutoramento, que mide a relación entre o benestar das vacas e o leite producido por elas ou a reprodución dos animais.