Acontece

Un ateigado Teatro Principal homenaxea o cóengo Daniel Lorenzo, director da Fundación Catedral, a psicóloga Rosa Álvarez, os equipos femininos do Hóckey Club Raxoi e a propietaria do pub Borriquita de Belém, Ánxeles González Porto. Asistiron os edís de BNG e Compostela Aberta pero non os de PP e PSdeG. Goretti Sanmartín pídelles que "se impoña o amor ao noso concello sobre todas as cousas"

Veciñanza mobilízase contra a perda de persoal sanitario e a "mala e deficiente asistencia sanitaria" noutro caso de eivas na Atención Primaria no rural. 

José Lence ía ser operado o pasado luns 10 de xullo. Media hora antes da intervención recibiu a alta ante a baixa por enfermidade da cirurxiá e a ausencia de máis persoal. Dende entón segue a agardar na súa casa a que lle reprogramen a operación, que é de Prioridade 1, a máxima establecida polo Sergas.

O Programa FSE+ Galicia 2021-2027 foi empregado para financiar o 60% dos custos de persoal de atención ao alumnado con necesidades específicas de apoio educativo. CIG-Ensino considera "totalmente improcedente" que se use unha subvención da UE "para sufragar parte dos salarios de profesorado estrutural" e Educación xustifica que "aproveita todas as convocatorias de fondos para seguir potenciando un ensino de calidade".

En Galicia funcionan de xeito legal case 20 mil establecementos deste tipo, un 15% que hai seis meses. Sanxenxo segue a ser o concello cunha maior cantidade, pero as cifras aumentan con moita máis rapidez nas dúas maiores cidades do país.