A entidade ecoloxista denuncia que a factoría de reciclaxe de papel e cartón para fabricación de pasta de celulosa, que xa conta coa declaración de impacto ambiental favorable da Xunta, "de circular ten ben pouco" e advirte dos efectos sobre o río do vertido das augas empregas do proceso industrial "cunha alta carga orgánica".
Na primeira sesión do xuízo que analiza a demanda presentada por veciñanza da Limia pola elevada presenza de cianobacterias, os informes dos expertos certificaron "altos niveis de contaminación por nitratos", o que pode atribuírse a fontes gandeiras. O venres que vén celebrarase a segunda e derradeira sesión, na que as administracións demandadas -Xunta, Confederación Hidrográfica e concellos- responderán á demanda.
Estas entidades colectivas, que nacen co obxectivo de producir enerxía renovable e de tomar decisións sobre a súa xestión, están en crecemento no noso país, pero están tendo que superar moitas dificultades para o seu rexistro, acceso a axudas e conexión á rede eléctrica. Falamos con representantes das comunidades enerxéticas de Tameiga (Mos), Buchabade (Ponte Caldelas) e Arousa en Transición (A Illa de Arousa)
O texto critica o "filtro ideolóxico" que a Xunta introduciría á hora de deseñar estas actividades dos centros e que, destacan, podería afectar a contidos relacionados coa "defensa dos dereitos humanos, a diversidade e o ecoloxismo". "Opoñerémonos firmemente a calquera instrución que restrinxa a liberdade de expresión da comunidade educativa", di o manifesto
O TSXG considera "acreditados" diversos incumprimentos no transporte escolar en Muros como "deficiente estado de conservación e mantemento", "maior número de alumnos que prazas" ou instar "a cruzar a vía en lugares non permitidos"
Aínda que as circunstancias concretas que levaron á morte da parella nun vehículo queimado aínda deben ser esclarecidas, el contaba con varias condenas por violencia machista contra ela e unha sucesión de episodios de malos tratos que motivaran a concesión dunha orde de protección. O BNG de Moraña cualifica a "equiparación" na declaración do Concello como "indignante e profundamente inapropiada".
Na noite do pasado xoves, unha bolsa de xurros dunha granxa de porcos de Muras rebentou e deixou escapar un millón de litros dende a cabeceira do río Landro. O vertido provocou a morte de milleiros de peixes e Viveiro leva cinco días coa recomendación de non usar a auga para beber, cociñar ou lavar os dentes.
O Concello prepara unha convocatoria pública de arquitectura, en colaboración co COAG e a Fundación RIA, que busca a mellora do espazo público e da mobilidade e con especial atención ao mercado semanal. "Trátase dunha oportunidade para repensar a relación entre o tecido urbano e o borde litoral", destaca a fundación impulsada por David Chipperfield.
A asociación galega de mulleres do mar Mulleres Salgadas resalta que "a violencia machista non é un asunto privado, como declarou Alfonso Villares na súa dimisión", e incide en que se trata dun asunto público
