-
Na rolda de prensa da Plataforma Cidadá por un Senado de Progreso participaron Xosé Manuel Sánchez, Pancho Candela, Marilar Aleixandre e Xaime Toxo © Plataforma Cidadá por un Senado de Progreso A Plataforma por un Senado de Progreso chama a concentrar o voto de esquerda para a Cámara Alta
Na rolda na que se presentou a iniciativa interviron o economista Pancho Candela, o sindicalista Xosé Manuel Sánchez Aguión, o ex-presidente do Ateneo de Pontevedra Xaime Toxo e a escritora Marilar Aleixandre, que apelou á imaxe do "exército dos vagalumes" de Manuel Rivas para explicar o sentido da candidatura. "O que estamos propoñendo á cidadanía é votar pola luz e pola alegría", dixo. Seguir lendo
-
Abel Losada e o alcalde da Illa, Luis Arosa, ante o edificio incautado a Marcial Dorado no que o Concello promoverá vivenda pública CC-BY-NC-SA Fotos: Concello da Illa e PSdeG | Montaxe: Praza.gal O PSdeG convida o presidente que saia do 29N a inaugurar os pisos do edificio confiscado a Marcial Dorado
Mentres na campaña do 29N rexorde por enésima vez a amizade de Feijóo co condenado por narcotráfico, o PSdeG sinala o "valor simbólico" de que unha das súas antigas propiedades vire en pisos públicos e lanza convite: "Pedro Sánchez non terá problema". Seguir lendo
-
Rego, Conde, Otero e López, no debate moderado por Marta Darriba na TVG ás 9:30 da mañá CC-BY-SA TVG A esquerda chama a evitar a "axenda ultra" e o PP sinala a "corrupción" no debate da TVG ás 9:30 da mañá
PSOE e Fronte Ampla defenden o seu labor no Goberno de España para consolidar avances sociais e o BNG pide máis fronte a un Partido Popular que ven á "deriva" da man de Vox e que defende a baixada masiva de impostos pero obvia aludir aos seus acordos con Vox. Seguir lendo
-
Miguel Tellado, secretario xeral do PP e número 1 pola Coruña ao Congreso, ante un cartel electoral de Feijóo para o 29N © PP Tellado pide ao electorado do PSOE que "non vaia votar" o 29N
O secretario xeral do PP e cabeza de lista do partido pola Coruña insta os "votantes socialistas" a que "non vaian votar" nas xerais. Miguel Tellado reclámallelo para que "non sexan cómplices de todo o que fixo o PSOE nestes anos". "Se non é capaz de votarnos a nós, que queden na casa", reclamou nun mitin en Salamanca entre acusacións de corrupción contra Pedro Sánchez.
-
Feijóo saúda a concorrencia o pasado sábado, durante o mitin do PP no Fontes do Sar (Santiago) CC-BY-SA PPdeG Feijóo exemplifica a súa promesa de derrogar as zonas tensionadas cun hostaleiro de Santiago con varios pisos que cobraba "algo máis de mil euros" por cada un
Feijóo esgrime o caso dun hostaleiro propietario de varios pisos en Santiago que cobraba "algo máis de mil euros" ao mes por cada un para prometer derrogar a lei de vivenda e as zonas tensionadas se goberna: "Non pode cobrar máis de 600; xa non o alugo, díxome", afirma nunha entrevista con La Voz de Galicia.
- O decreto de vivenda validado: freo aos desafiuzamentos, máis IBI a pisos turísticos na Coruña e Santiago
- HEMEROTECA | Feijóo derrogou a prohibición de que a vivenda promovida pola Xunta acabase no mercado privado
- HEMEROTECA | Feijóo promete "un millón" de pisos en catro anos tras paralizar a vivenda protexida en Galicia
- HEMEROTECA | O lastre da 'era Feijóo' limita o impacto das 4.000 vivendas públicas que proxecta a Xunta
-
PP, PSdeG, Fronte Ampla e BNG, no debate electoral da TVG ás 9:30 da mañá
A Televisión de Galicia emite hoxe, luns 16, dende as 9:30 da mañá o que, a priori, se presenta como único debate galego en televisión cara ás eleccións xerais. No espazo participan Francisco Conde, cabeza de lista do PP por Lugo; a tamén número un pola provincia lucense do PSdeG, Patricia Otero; o voceiro da Fronte Ampla e candidato da formación ao Senado por Pontevedra, Paulo Carlos López, e mais o cabeza de cartel do BNG na provincia da Coruña, Néstor Rego, nun debate conducido por Marta Darriba, subdirectora de Informativos da CSAG.
A emisión é simultánea pola televisión tradicional e a través de internet, na plataforma Agalega.gal. Volverá emitirse esta noite, ás 22:30, pola G2.
- Política Ao vivo
Primeiro luns de campaña e único debate televisivo galego cara ao 29N
Hemeroteca
-
Primeira fin de semana de campaña cara ao 29N
-
O CIS en Galicia: entre o dominio da esquerda e a sobrerrepresentación
-
Os barrios ricos votan máis (e apoian á dereita), os pobres abstéñense: así inflúe a renda nas eleccións
-
O CIS apunta a unha posible maioría da esquerda no Estado e á irrupción de Vox en Galicia