Cultura

Este luns presentouse a versión galega dun proxecto iniciado hai cinco anos en Catalunya e que inclúe 363 de termos médicos, explicados cunha linguaxe adaptada ao nivel de comprensión entre 6 e 12 anos. Foi traducida polo Servizo de Normalización Lingüística da USC e o alumnado de 5º e 6º de Educación Primaria do CEIP López Ferreiro, de Santiago, que gravou todas as definicións para a súa escoita na web.

Cultura retoma o expediente que freou en 2020 tras recibir numerosas alegacións que advertían de que estaba a impulsar unha incompleta declaración BIC sobre o baile tradicional. O documento detalla como no século XX rachou "a cadea secular de transmisión" deste patrimonio cultural inmaterial, que actualmente vive "un notable rexurdimento" ata volver ser unha "práctica viva, dinámica e participativa" 

O Culturgal acolle o sábado 30 unha presentación desta produción pioneira coa presenza do seu creador, o ourensán Álex González, e responsables do MUVI, que organiza unha exposición temporal sobre o xogo. 

Margarita Ledo viña percorrendo un camiño feminista e de clase no seu audiovisual, con Nación sublimou esa viaxe dende o poder colectivo das mulleres e agora, en Prefiro condenarme, explora a heroicidade dunha muller que vogou pola igualdade na ditadura desde a convicción do seu dereito ao amor e ao desexo. A película chega este venres ás salas de cine por todo o país. 

O 22 de novembro de 1994 morreu por unha sobredose Antonio Toñito Blanco. Guionista dos primeiros anos da TVG, en 1993 codirixiu a película gore de culto A matanza caníbal dos garrulos lisérxicos e partipou na creación do Xabarín Club, cuxo éxito non chegou a ver.

A Boa Vila está a vivir con entusiasmo a organización dos Premios Feroz, que o xoves 28 darán a coñecer no Teatro Principal os seus finalistas e se entregarán o 25 de xaneiro. Antes, unha variada programación formativa e de proxeccións está a colleitar un grande éxito de público. Falamos con Laura Seoane, produtora executiva dos premios, e con Anabel Gulías, concelleira de Promoción Económica, que vincula a aposta pola cultura coa política de transformación urbana.

As oito edicións dos Premios María Luz Morales da Academia Galega do Audiovisual configuran un corpus de investigación en galego sobre o audiovisual que a comunidade investigadora valora especialmente. Manuel Barreiro Rozados, Juan Ares, Víctor Soho e Breogán Xague foron os gañadores, mentres que Rebeca Novo e Severiano Casalderrey recibiron cadanseu accésit

A Dirección Xeral de Patrimonio Cultural da Xunta vén de incluír no Censo do Patrimonio Cultural esta técnica de albanelaría para realizar decoracións sobre os morteiros de cal nas paredes. Destaca o seu uso nas comarcas de Lemos, Chantada, A Ulloa e O Deza e na Ribeira Sacra

Xaime Varela rescata nunha investigación a figura desta ourensá (a filla máis nova de Vicente Risco) que participou como directora, guionista ou técnica de son nunha quincena de producións audiovisuais dende os anos setenta, entre elas o documental sobre a emigración galega Por que marchamos (1978), codirixido con outras catro estudantes de cine en París. É, probablemente, a primeira directora galega de cine, pero ata agora a súa traxectoria fora completamente invisibilizada.

Lara Dopazo Ruibal regresou tras dous anos nos Estados Unidos cun libro de contos na maleta (e no maxín). O libro, Contos gringos, editado por Galaxia, é o resultado de ter tempo para escribir e de que escribir fose a única encomenda dos días que a autora pasou na ‘América profunda’, a que vota a Donald Trump; pero foi rematado nun 'retiro' na Residencia de Creación Literaria da Illa de San Simón organizada pola Xunta o ano pasado