A renda per cápita galega era en 2018 o 82 por cento da media europea, nivel similar aos rexistrados desde 2011 e que se afasta do 90 por cento que se acadara antes da crise
O pasado ano practicáronse 2.271 lanzamentos en Galicia, dos que 1.800 tiveron a súa orixe en incumprimentos da Lei de Arrendamentos Urbanos e tan só 396 en execucións hipotecarias. Os desaloxos motivados polo impagamento do alugueiro medraron un 44%.
O empréstito, concedido polo Ministerio de Facenda, únese aos dous concedidos anteriormente e serve para aboar os xuros que estaban pendentes polos atrasos no pagamento aos preto de 500 veciños e veciñas, que o pasado mes de setembro chegaron a un acordo definitivo co concello
O Tribunal da UE dálles a razón aos afectados, pero deixa a decisión en mans de cada xuíz, que deberá decidir en cada caso. Ao redor de 30.000 persoas en Galicia (un millón en todo o Estado) víronse prexudicadas por un mecanismo que encarecía as hipotecas entre 100 e 300 euros ao mes.
O freo no produto interior bruto déixase notar nos datos do paro, que tamén baixan a un ritmo menor. Entre 2008 e 2014 destruíronse más de 200.000 empregos en Galicia e só se xeraron 97.000 dende entón
Un informe de CC.OO. pon datos á "dobre xornada laboral" das mulleres, que "levan as de perder na fenda salarial porque os seus traballos son peor remunerados e contabilizan menos horas". "As causas están nas tarefas e coidados da familia e o fogar, que establecen ese patrón tan difícil de romper", sinala o estudo
Pecharán oficinas en lugares nos que haxa solapamentos e a intención é que se acolla ao ERE o persoal de máis idade. Boa parte do equipo de Abanca pasou xa por catro expedientes de extinción de relación laboral dende a fusión das antigas caixas galegas
A pasteira finalizou o exercicio de 2019 cuns 9 millóns de euros de beneficios, un 90% menos que no ano anterior e di esperar para os vindeiros meses un primeiro pronunciamento xudicial da Audiencia Nacional sobre os recursos formulados polo Concello pontevedrés, Greenpeace e APDR contra a súa permanencia na ría
Media década despois das últimas grandes tractoradas galegas e do fracasado acordo lácteo, o Goberno central reforma a lei da cadea alimentaria. Establece que "cada operador" da cadea debe "pagar ao inmediatamente anterior un prezo igual ou superior ao custo efectivo de produción"; non facelo será considerado unha infracción grave con sancións de ata 100.000 euros
Un milleiro de traballadores da Mariña manifestáronse na cidade das murallas, entregando na Deputación as súas alegacións. Un grupo de manifestantes entraron na sede do ente provincial e mantiveron un encontro co presidente, José Tomé, que lles comunicou o seu apoio.