Economía

Neste Día da Muller Traballadora, os sindicatos poñen o foco na "corresponsabilidade" e no neceario reparto igualitario de tarefas no fogar para reducir a fenda salarial e as restantes desigualdades económicas entre homes e mulleres. Falamos coa economista Carmen Castro, que reclama "unha estratexia pública de abordaxe dos coidados que invista nos servizos públicos" e que avance cara á redución da xornada laboral

O prezo da vivenda nova chegou a encarecer case un 12% durante o pasado ano, que finalizou cunha suba interanual do 6,7%. Durante o mesmo ano, o incremento dos prezos do alugueiro roldou o 8% en Galicia

Os traballadores da hostalaría remataron 2023 cunha media dunhas 43 horas semanais en Galicia, mentres que as traballadoras roldaron as 38, segundo a EPA. É un dos sectores con máis horas traballadas, segundo os datos oficiais, aínda que o superan outros como agricultura ou construción. Entre as recomendacións do informe para a futura Lei de Usos do Tempo e Racionalización Horaria inclúese "promover o adianto dos horarios de peche da restauración" e tamén do comercio

A Xunta saca a información pública o estudo de impacto ambiental da factoría de fibras téxtiles prevista en Palas de Rei, cun investimentos de máis de 900 millóns de euros na súa primeira fase. 

O descenso no desemprego sitúa a cifra de paro na máis baixa dun mes de febreiro na serie histórica. s contratacións indefinidas supoñen en Galicia o 35,4%, dez puntos menos que no conxunto do Estado.

A CIG presentou hai uns días o informe sobre a Situación sociolaboral das mulleres en Galiza. Ano 2023, un documento que alerta de que no último ano a fenda salarial de xénero mesmo se incrementou. As maiores fendas salariais danse entre os grupos de maior e menor idade. En ambos os casos superan o 28%. 

A Plataforma en Defensa da Pesca e dos Ecosistemas Mariños anuncia mobilizacións en Galicia, Asturias e Canarias neste mes de marzo.

Durante o ano 2022 cortáronse dez millóns e medio de metros cúbicos de madeira, case a metade tramitadas por persoas que percibían unah pensión. O 60% da madeira obtida é de eucalipto nun contexto no que Ortigueira é o concello con máis madeira cortada e as solicitudes tramitadas dende a cidade da Coruña, as que suman un maior volume de aproveitamento forestal

O persoal alcanza un acordo para pór fin a un conflito de máis de catro meses contra unha patronal "belixerante e intransixente", segundo as negociadoras, que representa as grandes multinacionais do sector. As limpadoras sinalan o orgullo e a "emoción" pola perseveranza nunha loita "difícil" no económico e no persoal.