A paralización desta explotación de ouro negro provocou a unión de empresa, sindicatos e partidos contra a decisión do Superior, que agora rexeita os recursos de Xunta e da mineira e insiste en que a tramitación do proxecto omitiu a avaliación dos impactos sobre a Rede Natura.
Este luns presentouse na USC o Informe da Economía Social en Galicia 2022. As sociedades da economía social (cooperativas, sociedades laborais, centros especiais de emprego...) xeran máis de doce mil empregos en Galicia
A Plataforma en Defensa da Ría de Arousa (PDRA), a Plataforma en Defensa do Mar Muros-Noia e outros colectivos do sector do mar advirten da "responsabilidade" da Administración nun "devalo progresivo" e xa anunciado "hai unha década".
O número de persoas desempregadas queda en 131.168, a cifra máis baixa neste mes desde que hai rexistros, pero a Seguridade Social perde 4.287 afiliadas.
A Autoridade Portuaria coruñesa é a sétima entidade que máis fondos comunitarios de recuperación recibiu no Estado, cuns 107 millóns, segundo a lista dos 100 maiores perceptores publicada polo Goberno central. Os municipios de Vigo, Ourense e A Coruña aparecen tamén na listaxe, na que se exclúen as comunidades autónomas.
Rego e Da Silva presentaron iniciativas no Congreso e no Senado para urxir a Correos a "pór fin á precariedade laboral das traballadoras", que acumulan impagos e cinco meses sen cobrar, e a rescindir o contrato coa adxudicataria.
Sitúase por baixo da media do Estado e moi lonxe de País Vasco, Madrid ou Catalunya, segundo un informe que analiza a calidade do traballo nas autonomías en base á análise de numerosas variables.
Nos últimos cinco anos, entre 2018 e 2022, os salarios aumentaron un 9,7% e os prezos un 14,5%. A metade dos traballadores e traballadoras de Galicia ten un soldo bruto inferior aos 1.710 euros mensuais
As limpadoras suman tres meses en folga e cinco sen cobrar e manteñen as mobilizacións. As condicións de insalubridade levan o persoal do principal centro de xestión postal de Galicia, en Santiago, a convocar un paro indefinido que pon en risco a correspondencia a partir do 3 de decembro.
Unhas 2.000 persoas saíron á rúa para protestar contra o "desmantelamento industrial" nunha xornada de folga xeral parcial de "amplo seguimento", segundo a CIG. Alcanzado un pre-acordo para que o persoal das auxiliares de Endesa se encargue do pre-desmantelamento da central.