Fálase

Eloína Injerto, nova directora da fundación coa que a Xunta tutela máis de 3.000 persoas adultas. Política Social tiña vacante o posto directivo da FUNGA dende mediados de xuño mentres o funcionamento da entidade segue a acumular eivas. Injerto é traballadora social e nos últimos anos desempeñou diversas responsabilidades como a dirección territorial da Fundación Juan Soñador ou a presidencia da Rede Galega contra a Pobreza.

• HEMEROTECA | A fundación coa que a Xunta tutela miles de persoas adultas seguirá sen dirección cando menos ata setembro
• HEMEROTECA | A Xunta cifra en 270 os afectados dos que divulgou datos persoais a súa fundación de tutela de adultos
• HEMEROTECA | A Xunta divulga por erro en internet ducias de nomes de persoas ás que tutela e as súas débedas ou axudas

Néboa no Fiouco e un incendio no túnel de Folgoso cortaron a A-8 o sábado e a A-52 o domingo en plena operación retorno das vacacións. Ademais, a A-6 segue coa súa capacidade reducida a un só carril de saída en Pedrafita mentres non se reconstrúan os seus dous viadutos.

• O Fiouco, unha década despois: un vertedoiro de inventos á espera do láser contra a néboa da A-8

As fins de semana de agosto Praza.gal non se actualiza por descanso do persoal. Pero deixámosvos moito para lerdes e o luns estamos de volta.

‘As Neves’ participará na sección ‘Made in Spain’ do Festival de San Sebastián. A longametraxe As Neves, ópera prima escrita e dirixida pola galega Sonia Méndez, atópase entre os filmes incluídos na sección Made In Spain do Festival Internacional de Cine de San Sebastián, que se celebra en setembro. A sección ofrece unha escolma das mellores películas do panorama cinematográfico estatal do ano, ás que o Festival ofrece unha plataforma para a súa difusión internacional.

• ENTREVISTA | Sonia Méndez: "As Neves' é unha película de xente boa facendo cousas malas sen querer"
• En VINTE | Andrea Varela. O talento de Foz que protagoniza ‘As Neves’

Leonor de Borbón, herdeira da xefatura do Estado, ingresou este xoves na Escola Naval de Marín. Alí recibirá formación ata xaneiro, cando embarque no buque-escola Juan Sebastián de Elcano. [Foto: Casa Real]

• HEMEROTECA | Xohana Torres 'cóase' na xura da Constitución da princesa Leonor á que non asistiron seis grupos políticos
• HEMEROTECA | Máximo equilibrio en Galicia entre a poboación a prol dun referendo sobre a monarquía e a que non o ve preciso

Tres cruceiros no mesmo día no porto da Coruña con 12.500 persoas a bordo. A Autoridade Portuaria salienta que desde xaneiro xa van cen escalas e que en setembro agárdanse 27 máis "con varias xornadas nas que coincidirán dous ou tres cruceiros".

• HEMEROTECA | Tras aparcalo dous anos a Xunta quere un "cambio de paradigma" no turismo: "Faise urxente pensar novos enfoques"

Descuberta na Illa de Tambo unha especie de musgo única en Galicia. O botánico José Luis Caamaño achou exemplares de Rhynchostegiella tenella (Dicks.) Limpr., un musgo diminuto, con pólas de ata 3 mm e follas de ata 0,8 mm, que forma tapices en lugares sombrizos e húmidos, “como un veo de apariencia fantasmagórica” en rochas ou paredes, informa Adega. Na Península Ibérica está presente na zona mediterránea e o máis próximo citouse en Asturias, segundo explica a asociación ecoloxista, que incide na necesidade de protexer a Illa de Tambo e a súa contorna como ENIL (Espazo Natural de Interese Local), pendente de aprobación polo Concello de Poio e a Xunta.

•  HEMEROTECA | O Concello de Poio xestiona xa a Illa de Tambo tras 80 anos en mans da Armada

Dimite a primeira tenente de alcaldesa de Cangas, Iria Malvido, do PSdeG, tras dar positivo en alcol mentres conducía a pasada fin de semana. O BNG, que ten a alcaldía, pedira ao PSdeG que substituíse a Malvido ou a expulsaría do goberno de coalición que comparten. [Foto: Concello de Cangas]

Rueda, Pontón ou Besteiro amosan as súas condolencias polo falecemento de Santiago Rey, editor de La Voz de Galicia. Será velado no museo que leva o seu nome, situado na sede de La Voz no polígono de Sabón, en Arteixo.

Falece Santiago Rey Fernández-Latorre, presidente e editor de La Voz de Galicia, segundo confirma o xornal. Cunha traxectoria de máis de sesenta anos no sector da información e a comunicación, morreu aos 85 anos e será velado no museo que leva o seu nome, situado na sede de La Voz no polígono de Sabón, en Arteixo. [Fotografía © La Voz de Galicia]