Os hospitais galegos precisan sangue dos grupos A Positivo, 0 Positivo e 0 negativo. A Axencia de Doazón de Órganos e Sangue (ADOS) fai unha chamada ás galegas e galegos a participar na doazón de sangue nestes días porque “as reservas destes tres grupos sanguíneos presentan niveis baixos” despois das vacacións de Semana Santa.
Unha dotación de ADOS estará o venres en O Vicedo, Monte Alto e Cantón-Obelisco (A Coruña), Boiro, Lestedo, Vilagarcía, Nigrán, Navia (Vigo), Monforte e Allariz. E o sábado en Boiro, Vilagarcía, Nigrán, Palas de Rei e no Cantón-Obelisco (A Coruña).
![](https://praza.gal/media/cache/live_image/uploads/fqs8ly6xeay6dvy-1fe4f8d.jpeg)