12X | Marea Galeguista, a coalición de En Marea con Compromiso por Galicia e o PG, ratifica a Pancho Casal como o seu cabeza de lista pola Coruña nas eleccións galegas e aspirante á presidencia. Iván Rodríguez Lombardero liderará a lista por Lugo, Milagros Corral Surribas por Ourense e Peque González, por Pontevedra. Casal, que foi deputado de En Marea na lexislatura que remata, asegura que o "ecoloxismo e a sustentabilidade" serán os "eixos" da campaña da coalición.
12X | Correos confirma que dende este luns é posible tramitar por internet a solicitude de voto por correo nas eleccións galegas. Para facelo cómpre dispoñer de sinatura electrónica e o prazo, como na solicitude presencial, está aberto ata o 2 de xullo.
12X | O DOG publica o cesamento de doce altos cargos da Xunta para que poidan ir nas listas do PP do 12X malia que o Goberno galego lles atribuíu funcións na loita contra o coronavirus. Os doce cesaran xa a comezos de marzo para concorrer ás eleccións de abril e Feijóo repúxoos en canto as desconvocou, só tres días despois de restar importancia ás súas vacantes. Como no cesamento anterior, Feijóo agradece a todos eles “os servizos prestados”.
Varias localidades galegas acolleron este domingo concentracións contra o racismo tras a morte do estadounidense George Floyd despois de ser detido violentamente pola policía en Mineápolis. En Galicia os obstáculos no acceso a servizos públicos dominan as denuncias por racismo.
Milleiros de persoas manifestáronse este sábado en Xove en demanda da continuidade de todos os postos de traballo na planta de Alcoa. Este domingo Viveiro acollerá outra marcha co obxectivo de "loitar pola industria e salvar A Mariña". Imaxe: @ovidio_gonzalez
O persoa da factoría de Alu Ibérica na Coruña levou a cabo unha concentración na Praza de María Pita para denunciar a "situación crítica" da planta, vendida por Parter ao Grupo Industrial Riesgo, e cuxa continuidade está no aire. Esixen a intervención do Estado para que investigue a venda e asegure a súa viabilidade. Imaxe: CC.OO.
Defende A Galega volve esixir unha "investigación independente" sobre o vídeo dun off the record da ministra de Igualdade que acabou en poder do diario ABC e pide "non manchar o nome da CRTVG" no 107º venres negro. O colectivo e o comité de empresa piden explicacións á dirección sobre unhas imaxes que só estiveron en poder da ETB e da TVG.
Pontevedra regresará á "normalidade" cun concerto especial de Xabier Diaz & Adufeiras de Salitre e Guadi Galego o vindeiro 4 de xullo. A actuación terá lugar no exterior do Pazo da Cultura, para un máximo de 600 persoas. As entradas estarán á venda a partir do mércores 10 de xuño. O Concello busca impulsar a reactivación cultural da cidade con este e outros eventos.
O Concello de Vigo prorroga cinco anos a concesión a Vitrasa do transporte urbano. O Goberno local anunciara un novo concurso público ao remate da actual concesión de 25 anos, vixente desde 1995, coa que se renovara a adxudicación orixinal de 1968.
Juan Miguel Diz Guedes, ex-conselleiro de Fraga e ex-delegado de Aznar, deixa a política tras ser elixido concelleiro por Ciudadanos hai un ano en Tui, onde foi alcalde nos oitenta.
