Fálase

O Vaticano desbota agora que o papa Francisco viaxe a Santiago durante este 2022. É unha información adiantada por Religión Digital, que cita fontes da Secretaría de Estado e apunta á posición da Conferencia Episcopal Española ante os casos de abusos sexuais entre os motivos da decisión da Santa Sé. Desaparece así a posibilidade de que o pontífice acuda a un encontro de mocidade católica na capital galega o vindeiro verán, co gallo do Xacobeo. Tanto o Arcebispado de Santiago como a Xunta expresaran a súa esperanza de que acudise. Na imaxe -divulgada pola Xunta-, Francisco recibe a Feijóo no Vaticano en xuño do ano pasado.

• CRÓNICA | A barca de Santiago elixe o ronsel da de Pedro, non da de Pablo

O BNG presenta a súa proposición de lei de residencias da terceira idade a representantes do sector e das persoas usuarias. O texto, xa rexistrado no Parlamento, promove aspectos como que os centros teñan un máximo de cen prazas e un mínimo do 90% de cuartos individuais. Contempla tamén o reforzo da inspección de servizos sociais mediante un corpo específico para as residencias ou recuperar a xestión directa nas residencias da Xunta con concesións privadas

• O BNG promove unha lei de residencias da terceira idade cun máximo de cen prazas e un mínimo do 90% de cuartos individuais

Siniestro Total anuncian o seu derradeiro concerto, que se celebrará en Madrid o 6 de maio e que repasará os 40 anos de traxectoria da banda viguesa, coa participación de membros que pasaron pola formación en distintas etapas. As entradas sairán á venda o 23 de febreiro.

• 🔊PODCAST | Retrocorenta: as movidas de Vigo

O mural de Diego As (Diego Anido) na Ronda da Muralla de Lugo baseado na figura de Xulio César, elixido mellor mural urbano do mundo do 2021 na votación da plataforma Street Art Cities. O deseño, que é parte do proxecto Urban Cores do Concello lucense, xa fora elixido mellor graffiti do mundo no mes de agosto do pasado ao na votación organizada pola mesma rede de artistas. O premio "eleva a icona do Arde Lucus e da cidade a símbolo mundial", sinala a alcaldesa lucense, Lara Méndez. [Imaxe: CC-BY-SA Praza.gal]

O PP gaña en Castela e León as eleccións que adiantou tras romper o goberno con Ciudadanos pero pasa agora a depender de Vox. A principal mudanza nas Cortes autonómicas é o crecemento da extrema dereita, que tiña un escano e medra nunha ducia, en proporción ao que perde Ciudadanos.

• AMPLIAMOS 👉 O PP logra seguir no goberno do seu feudo de Castela e León, agora nas mans da extrema dereita
• Aquí pode consultarse a web oficial cos resultados

Este domingo está activa unha alerta laranxa por temporal costeiro na Coruña, co resto da costa galega en situación amarela. Meteogalicia tamén prevé chuvias xeneralizadas en todo o país e neve no leste por riba dos 900 metros.

Ribadeo e Cangas acolleron este sábado mobilizacións en defensa das pensións. 

• Máis información das reivindicacións: Suba das pensións mínimas e revalorización co IPC, demandas do movemento pensionista, que se manifesta en Ribadeo e Cangas

Ferrol presenta unha web da súa candidatura a Patrimonio da Humanidade, coa nova marca “Cidade de Ferrol: Porto da Ilustración”. A candidatura ferrolá forma parte desde 2007 da trintena de aspirantes actuais en todo o Estado a ser recoñecidas pola Unesco.

• HEMEROTECA | Unha ducia de patrimonios da humanidade galegos (presentes ou futuros)

O Ministerio de Transportes aproba o proxecto para diversas melloras viarias que quedaron pendentes tras a ampliación da ponte de Rande hai agora catro anos.

• HEMEROTECA (2017) | Fomento certifica que a inauguración de Rande deixa obras pendentes en Chapela por máis de 11 millóns
• HEMEROTECA (2021) | Tras a obra queda o ruído: Transportes actuará agora contra a contaminación acústica de infraestruturas rematadas hai anos

Un artigo de The Economist aborda o enorme impacto da participación das Tanxugueiras no Benidorm Fest, a importancia dos idiomas oficiais do Estado diferentes do castelán e a controversia causada pola broma a respecto das linguas inventadas durante a retransmisión do evento. O texto aborda tamén a cuestión das ligazóns entre o galego e o portugués e o debate de seren ou non o mesmo idioma. [Foto: © Rocío Cibes]

• EN THE ECONOMIST | A language without a flag and a state is still a language
• De Serrat ás Tanxugueiras: o uso das linguas minorizadas en Eurovisión, unha materia pendente no Estado español