Fálase

As mulleres galegas de entre 35 e 64 anos usan internet máis que os homes. As mulleres son tamén as que máis usan internet en formularios e tramitacións online da Administración electrónica, así como para participar en redes sociais, educación e actividades relacionadas coa saúde. Son datos do informe 'Mulleres en dixital: o uso das TIC desde unha perspectiva de xénero', que acaba de publicar o Observatorio da Sociedade da Información e a modernización de Galicia da Xunta (OSIMGA.

• HEMEROTECA | Mulleres na ciencia e na tecnoloxía

A Corte Internacional de Xustiza ordena a Israel "evitar calquera acción que poida ser considerada xenocida" contra a poboación palestina tras a demanda de Suráfrica polos ataques israelís en Gaza. Na súa resolución, aprobada por 15 votos a 2, o tribunal da Haia decide seguir adiante co caso por xenocidio e dita medidas cautelares entre as que se atopa castigar a "incitación a cometer xenocidio en Gaza" ou permitir a entrada de axuda humanitaria. Na imaxe [© ICJ], as audiencias sobre as medidas cautelares solicitadas polo Goberno surafricano, o pasado 12 de xaneiro.

• HEMEROTECA | Israel acusa o secretario xeral da ONU de ser "un perigo para a paz mundial" por pedir un alto o fogo
• HEMEROTECA | "De Gaza non se pode escapar, está pechada a cal e canto por Israel"

Alcoa di agora ao seu persoal que o luns reiniciará as cubas na Mariña e Xunta e Goberno de España amosan o seu malestar polos bandazos da empresa, que hai uns días pediu adiar o reinicio da actividade. 

• Alcoa repite táctica: ameaza de peche e demanda de axuda pública antes das eleccións

18F | O CIS sitúa a esquerda con posibilidades de lograr maioría absoluta e a Xunta o 18F. Segundo a enquisa que vén de divulgar, o PP sería a primeira forza con entre 36 e 38 escanos seguida polo BNG, con entre 20 e 23. O PSdeG obtería 17 ou 18 e Sumar bordearía a representación na Coruña e Pontevedra con entre 0 e 2. Tamén Democracia Ourensana podería optar a un escano na súa circunscrición, segundo o inquérito. 

• AMPLIAMOS | O CIS dá á esquerda opcións de acadar a maioría absoluta e gobernar Galicia
• GRÁFICO | Galegas 18F | Enquisas de intención de voto
• CRÓNICA | De "Galicia en paz" ao cambio de goberno: os partidos ven alargar os límites do posible para o 18F

Unha protesta ante a Xunta pide "un cambio de rumbo" na CRTVG e denuncia a "manipulación" nos medios públicos. A plataforma Por unha CRTVG ao servizo do pobo, que forman 50 colectivos, e mais parte do persoal reclaman a fin das "inxerencias" e "máis contidos plurais" nos medios públicos. Máis información, decontado en Praza.gal. 

O xuíz propón xulgar a Rubiales, Jorge Vilda e dous ex-directivos da Federación polo bico non consentido a Jennifer Hermoso. O maxistrado conclúe nun auto que o bico "non foi consentido e foi unha iniciativa unilateral e sorpresiva" do ex-presidente da Federación Española de Fútbol. 

• "Todo o que ocorreu coas '15' na selección española pasou antes no Deportivo"
• Galicia érguese contra o machismo no fútbol
• O 'caso Rubiales' aflora como os amos do fútbol gañan cartos e poder explotando recursos públicos

O Toconao volveu pasar esta pasada noite fronte a Galicia tras perder hai mes e medio os pellets que se espallaron pola costa. O barco vai en ruta entre Turquía e Inglaterra, a onde se prevé que chegue este venres, segundo varias webs de xeolocalización de buques.

• Blondiemuser: Cando a rabia galega viraliza a crise dos ‘pellets’ (e mobiliza os medios)
• Os plásticos devolven o foco á grave crise nas rías: "Hai máis 'pellets' que marisco"
• O ‘canal’ de Fisterra creado en 1994 e ampliado tras o Prestige ten o dobre de tráfico que Suez

Vetusta Morla e Xoel López serán os cabezas de cartel do Festival Noroeste da Coruña e tocarán na praia de Riazor en agosto. Así o anunciou a alcaldesa Inés Rey en FITUR.

Pedro Sánchez anuncia a construción nos estaleiros de Navantia en Ferrol dun novo buque da Armada que suporá a creación de 1.800 empregos e terá un investimento de 439 millóns. 

• AMPLIAMOS 👉 Sánchez anuncia a construción en Navantia Ferrol dun buque para a Armada que suporá 1.800 empregos

Rueda destaca a importancia dunha "prensa libre como garantía da verdade e da democracia" antes dunha nova concentración "por unha CRTVG ao servizo do pobo" e contra o "secuestro dos medios públicos", este xoves ante a sede da Xunta. Defende A Galega protestará esta semana no seu 293º venres negro contra a "manipulación" na CRTVG. “Fan falta grandes profesionais para contar os feitos con credibilidade”, dixo o presidente da Xunta.