Fálase

A maxistrada do Xulgado de Violencia sobre a muller de Vigo, encargado do asasinato machista cometido o domingo en Baiona, prorroga durante 72 horas máis a detención do presunto autor do crime, a ex-parella da vítima e pai dos seus dous fillos, agora orfos de nai. Esta decisión, segundo trasladan fontes xudiciais, tomouse tras valorar o informe forense sobre o detido, que conclúe que nestes momentos "non está en condicións de prestar declaración". Será trasladado ao Hospital Álvaro Cunqueiro de Vigo [na imaxe] para que sexa valorado, onde estará "custodiado de forma permanente pola Policía Nacional" ata que o centro sanitario emita un informe.

• Asasinada unha muller de 47 anos en Baiona e detido un home do que fora parella acusado do crime machista

O cantante d'O caimán do río Tea, grupo bravú autor do emblemático Estou na lavadora do Xabarín Club da TVG, ficha como número dous do PP de Ponteareas para as eleccións municipais. O partido, que volve estar encabezado pola ata agora directora de Turismo da Xunta, Nava Castro, anunciou este mércores a incorporación de Rafael Martínez. Na imaxe, Martínez con Nava Castro este mércores e por baixo, durante unha actuación na TVG en 1996.

• De privatizar a política turística a tentar recuperar a alcaldía do pai franquista: Nava Castro volve a Ponteareas
• 🔊PODCAST | Retrocorenta 3: Son Bravú

O feminismo galego convoca mobilizacións este mércores pola tarde nunha vintena de cidades e vilas en denuncia do asasinato machista que tivo lugar este domingo en Baiona. O presunto asasino pasou esta mañá a disposición do xulgado de violencia sobre a muller de Vigo. A Marcha Mundial das Mulleres ofrece información actualizada sobre as convocatorias que se van engadindo. 

• Asasinada unha muller de 47 anos en Baiona e detido un home do que fora parella acusado do crime machista

O Tribunal Supremo estima o recurso de ENCE e avala a prórroga da concesión para a fábrica da ría de Pontevedra aprobada polo goberno en funcións de Mariano Rajoy en 2016 e que permitiría a continuidade da factoría ata o ano 2073. O ditame anula a sentenza da Audiencia Nacional que hai dous anos botara abaixo a prórroga por non xustificar que unha fábrica dese tipo deba ocupar terreos públicos do litoral.

• AMPLIAMOS | O Supremo avala a prórroga da concesión de Ence na ría de Pontevedra

O Consello de Ministros aproba a fin da obrigatoriedade do uso da máscara no transporte público e tamén en establecementos como as ópticas. A medida entra en vigor mañá, 8 de febreiro, e de aí en diante só será obrigatorio usalas en centros sanitarios, farmacias e en centros sociosanitarios como as residencias da terceira idade para persoas que non vivan neles. Esta obriga estaba en vigor dende o inicio do desconfinamento en maio de 2020. Máis información, esta tarde en Praza.gal.

O PP impide tramitar a reforma da lei da CRTVG promovida polo BNG para, entre outros aspectos, elixir por concurso público unha nova dirección xeral que remude no posto a Alfonso Sánchez Izquierdo, no cargo dende 2009 e con mandato por tempo indefinido dende 2016 grazas a unha modificación inserida en solitario polo PP. A iniciativa propuña tamén a vía do concurso para o resto do Consello de Administración. O PP esgrime que "todos os datos avalan a xestión que se fai da CRTVG, que conta co apoio maioritario da audiencia" e acusa ao Bloque e mais ao PSdeG de pretenderen utilizar os medios públicos "politicamente". Na imaxe, Olalla Rodil (BNG) defendendo a iniciativa.

• CRÓNICA | A "lexitimidade" dun mandato (vitalicio?) na dirección da CRTVG
• O PP esixe a fin da "colocación de afíns" e a "independencia de RTVE" tras unha década a incumprir a lei da CRTVG

O pleno do Parlamento comeza cun minuto de silencio de todos os grupos como repulsa á violencia machista e na memoria de Beatriz Lijó, a muller asasinada en Baiona pola súa ex-parella o pasado domingo. O movemento feminista ultima mobilizacións para este mércores en diversas localidades galegas.

• Asasinada unha muller de 47 anos en Baiona e detido un home do que fora parella acusado do crime machista
• Un de cada cinco agresores machistas detectados en 2022 tiña antecedentes con outras parellas

Asasinada unha muller de 47 anos en Baiona e detido un home que fora a súa parella como presunto autor do crime machista.

• AMPLIAMOS 👉 Asasinada unha muller de 47 anos en Baiona e detido un home do que fora parella acusado do crime machista
• Un de cada cinco agresores machistas detectados en 2022 tiña antecedentes con outras parellas
• Alerta para toda a sociedade tras unha decena de asasinatos machistas no Estado en decembro

"Vigo somos todos e todas, e por iso estamos aquí, para que se nos escoite na rúa xa que na alcaldía fan oídos xordos". Asociacións veciñais e colectivos ecoloxistas concentráronse este domingo na Porta do Sol de Vigo [na foto © Greenpeace Galicia] baixo o lema #VigoSomosTodxs reclamando "un modelo de cidade máis habitable e sustentable" que teña en conta á veciñanza "e non reduza á marxinalidade ás multiples asociacións e
colectivos" porque "non se pode construír un Vigo de costas aos veciños e veciñas". 

• Entidades viguesas de moi diversa orixe únense nunha manifestación para pedir que o Concello as "escoite"

A praza de María Pita da Coruña conmemora o Día mundial contra o cancro cun gran lazo humano conformado en apoio ás persoas que padecen a enfermidade. Unha iniciativa promovida pola Asociación española contra o cancro (AECC) e na que participaron a alcaldesa da cidade, Inés Rey; o delegado territorial da Xunta, Gonzalo Trenor; e o presidente da AECC Coruña, Manuel Aguilar; así como diversos membros da corporación municipal e centenares de coruñesas e coruñeses.