Fálase

O BNG insta o goberno de Candia no Concello de Lugo a "non utilizar intelixencia artificial xenerativa na promoción" municipal. "Dende a moción de censura do PP coa concelleira tránsfuga converteuse na solución para anunciar todo tipo de actividades", lamenta o voceiro do Bloque e tenente da alcaldía ata a censura, Rubén Arroxo, quen lembra "que diversos colectivos profesionais" do deseño, ademais da Escola Superior de Arte e Deseño Ramón Falcón "fixeron público o seu malestar". A formación trasladará a petición a través dunha moción no vindeiro pleno municipal "onde reclamará consenso da corporación" ao respecto. Na imaxe, Arroxo e o resto do grupo municipal do BNG lucense.

• HEMEROTECA | O PP defende o concurso non profesional para o cartel do San Froilán e o uso da IA

Alerta vermella por calor este domingo e mais o luns no interior de Pontevedra. A Xunta suspende actividades deportivas e recomenda non realizar outras nas horas de máis calor nesta zona debido ás elevadas temperaturas. No interior e soroeste da Coruña, na montaña de Ourense e nas Rías Baixas está activada a alerta amarela e superaranse os 34º no Baixo Miño. 

Veciñanza de Cangas amosa o seu rexeitamento á carpa informativa instalada por Vox na vila ao berro de "non pasarán" ou "O Morrazo é antifascista". A formación de ultradereita culpa da protesta ao "odio que algúns levan anos sementando en Galicia" e acusa os manifestantes de "rodear, insultar e intimidar a quen pensan diferente". 

Os EUA anuncian un acordo con Dinamarca para controlar "para sempre" a seguridade en Groenlandia. A primeira ministra danesa afirma que o acordo fortalece a seguridade en común e que recoñece a soberanía e integridade territorial de Dinamarca e o "dereito de Groenlandia á autodeterminación". 

A Xunta publica a distribución dos 200.000 euros das axudas anuais "a empresas que realicen publicacións periódicas escritas integramente en galego". Praza.gal non pode concorrer a estas axudas por destinárense a cabeceiras impresas, mais tampouco ás xerais para "empresas xornalísticas e de radiodifusión", que a Secretaría Xeral de Medios convocou para este 2026 cunha dotación de case 2 millóns, 455.000 deles para xornais dixitais e das que este xornal fica fóra por ser a súa editora, a Fundación Praza Pública, unha entidade sen ánimo de lucro, suposto que o Goberno galego vén mantendo como causa de exclusión para optar a elas. Na imaxe, unha sala de prensa en San Caetano, nunha fotografía de arquivo.

• 🤗 FAITE SOCIA, FAITE SOCIO DE PRAZA.GAL | Dende 5€ ao mes e ata o 80% devólvencho automaticamente na declaración da renda

O Congreso aproba definitivamente a reforma das leis de Dependencia e Discapacidade: converte en obriga que o Estado asuma o 50% do gasto en atención ás persoas dependentes, para as que elimina as incompatibilidades entre prestacións públicas -medida esta xa vixente en Galicia-, entre outras melloras. Na imaxe, o ministro de Dereitos Sociais, Pablo Bustinduy, defendendo a reforma durante o seu debate na Cámara Baixa, que culminou o trámite tras aprobar emendas procedentes do Senado. [Imaxe: © Congreso]

• O pagamento do 50% da dependencia polo Estado, ás portas de pasar dun lema a unha obriga
• HEMEROTECA | A reforma estatal da dependencia duplica os fondos para a Xunta
• HEMEROTECA | Política Social vólvese negar a revelar cantas persoas esperan por unha praza de residencia de maiores

🤗 Achégase o día para atoparnos! 

Praza na Ágora 

🗣 O papel da mocidade na crise democrática

🗓 25 de setembro 

📍 CSC Maruxa e Coralia (Santiago) 

🕦 Dende as 11:30

↪️ Organiza a Deputación da Coruña coa colaboración da Fundación Praza Pública

• 📺 Mocidade, democracia e memoria en Praza.gal, coa colaboración do Comisionado para a Celebración dos 50 anos de España en Liberdade

‘A Coruña, porto negreiro’, a exposición da UDC que dende abril acolleu NORMAL, péchase este martes cunha conversa sobre memoria colonial, identidade e cidade. Será ás 19 horas na Sala CUBO, coa participación da escritora e tradutora María Reimóndez e as comisarias da exposición e investigadoras Cristina Botana e Zinthia Álvarez Palomino; exercerá de moderadora Yosehanna Ledesma.

• "Non queremos facer un xuízo a ningunha familia, o tráfico de escravos en Galicia foi sistémico"
• "Os beneficios do tráfico de escravos están na base dalgunhas das fortunas galegas"
• Un 'antitributo' ao Marqués de Amboage pola relación da súa familia co tráfico de escravos

Borja Iglesias, homenaxeado no Concello de Santiago "pola súa traxectoria dende o fútbol base en Santiago ata proclamarse campión do mundo". A alcaldesa compostelá, Goretti Sanmartín, entregou ao xogador do Celta unha botella con terra de todos os campos de fútbol da cidade, así como un estoxo coa obra de Rosalía de Castro, nun acto no que participaron membros de todas as forzas da corporación. "Recoñecemos un campión do mundo que foi exemplar nun deporte de elite, nun deporte esixente e competitivo, no que hai que ter ambición, mais tamén no que hai que ter compromiso desde o punto de vista persoal, empatía, solidariedade, amabilidade e xenerosidade", salienta Sanmartín. "Sempre me sentín un compostelán orgulloso, a día de hoxe aínda máis", salientou o xogador, na imaxe saudando dende o balcón do Pazo de Raxoi [Imaxe: © Concello de Santiago]

• Borja Iglesias, outro galego no cumio do fútbol

Charo Lopes, XXIII premio González Garcés de Poesía, convocado pola Deputación da Coruña. Da obra gañadora, O diálogo das siamesas, o xurado valorou "a construción dunha voz bicéfala con retranca e humor negro que indaga na dualidade, na negociación interna".