Fálase

Este martes comeza en Pontevedra unha nova edición do festival Novos Cinemas, que se desenvolverá de forma simultánea no Teatro Principal e o Museo Provincial e online a través de Filmin. A Sección Oficial acollerá unha selección de nove películas, na súa maioría inéditas en Galicia, ás que se suman os filmes doutras seccións non competitivas. O certame, que rematará o domingo, inclúe un espazo de asesoramento para proxectos en fase de desenvolvemento (LAB), encontros cos cineastas Nuria Giménez e Andrés Goteira e dúas mesas de debate.

A UE e o Reino Unido pactan seguir coas negociacións para evitar un Brexit sen acordo. Este domingo estaba fixado o prazo límite para chegar a un entendemento, pero a presidenta da Comisión Europea, Ursula von der Leyen, e o primeiro ministro británico, Boris Johnson, decidiron esta mañá ampliar o período de negociacións.

A partir das 12 pódese seguir en directo a través da rede o pleno da RAG con motivo Día das Letras Galegas, en homenaxe a Ricardo Carvalho Calero, que se celebra no Paraninfo da USC. Intervirán Margarita Ledo Andión, Xesús Alonso Montero, Ramón Villares e Francisco Fernández Rei.

Hai hoxe dous anos nacía VINTE e celébrao presentando en primicia o videoclip do novo de Chicharrón, Ondeando, adianto do seu novo disco Unha fogueira intacta.

A Xunta relaxa as restricións nas cidades de Lugo (pasa a nivel medio) e Pontevedra (pasa a nivel medio-alto) e tamén o fai en vilas como Narón, O Porriño, Poio, Marín, Ribadavia ou Xinzo de Limia. Con todo, as medidas endurécense en concellos como Sarreaus, A Rúa, Camariñas, Zas, Tomiño e O Rosal Toda a información, este mediodía en Praza.gal

• Podes consultar aquí as medidas de cada un dos niveis fixados polo Goberno galego

Acordo no Consello Europeo para desbloquear os fondos de recuperación da COVID-19. Así o vén de confirmar o presidente do Consello, Charles Michel, que ratifica tamén o pacto sobre o marco financeiro da Unión. Isto implica que os Estados membros da UE veñen de achar unha solución que pon fin aos vetos anunciados por Polonia e Hungría, así como ás reticencias doutros membros. Na imaxe, Pedro Sánchez flanqueado por Michel e a presidenta da Comisión, Ursula Von der Leyen, á súa chegada ao Consello que se celebra en Bruxelas. (© European Union)

• HEMEROTECA | Histórico acordo na UE con 750.000 millóns para paliar a crise do coronavirus

Os Franco entregan as chaves do Pazo de Meirás, que xa é patrimonio público do Estado. A xuíza Marta Canales fixo entrega das chaves do pazo de Meirás á avogada do Estado, Consuelo Castro, en cumprimento da execución provisional da sentenza do 2 de setembro.

• AMPLIAMOS 👉 O Estado oficializa a expulsión dos Franco de Meirás nun día de "xustiza histórica"

O rei emérito paga unha débeda de case 700.000 euros a Facenda para evitar unha causa xudicial. O ex-monarca Juan Carlos I aclárao nun comunicado emitido polos seus avogados. 

• HEMEROTECA | Juan Carlos de Borbón deixa España en pleno aluvión de escándalos financeiros "para facilitar" o reinado do seu fillo
• PODCAST | James Badcock: "O silencio dos grandes medios sobre a vida privada de Juan Carlos I fixo un fraco favor á monarquía"

A rede Europa Cinemas premia a Ramiro Ledo polo seu traballo como director e programador do Cinema Duplex de Ferrol. O tamén cineasta recibe o galardón de Emprendedor do Ano 2020 por, sinala o xurado, a "valentía de abrir un cinema destas características nunha cidade pequena como Ferrol". A organización do premio tamén subliña súa experiencia previa como director e programador do compostelán NUMAX. (Foto: Alicia Seoane / DUPLEX)

• HEMEROTECA | A nova vida do Dúplex devolve o cinema a Ferrol

A vicepresidenta do Goberno de España, Carmen Calvo, reúnese este mércores na Coruña coa Xunta, a Deputación da Coruña e o Concello de Sada para abordar o futuro do Pazo de Meirás na véspera da súa entrega ao Estado por orde xudicial.

• INTERACTIVO | O inventario do Pazo de Meirás inclúe 700 bens, entre eles as esculturas do Mestre Mateo