Fálase

Acordo no Consello Europeo para desbloquear os fondos de recuperación da COVID-19. Así o vén de confirmar o presidente do Consello, Charles Michel, que ratifica tamén o pacto sobre o marco financeiro da Unión. Isto implica que os Estados membros da UE veñen de achar unha solución que pon fin aos vetos anunciados por Polonia e Hungría, así como ás reticencias doutros membros. Na imaxe, Pedro Sánchez flanqueado por Michel e a presidenta da Comisión, Ursula Von der Leyen, á súa chegada ao Consello que se celebra en Bruxelas. (© European Union)

• HEMEROTECA | Histórico acordo na UE con 750.000 millóns para paliar a crise do coronavirus

Os Franco entregan as chaves do Pazo de Meirás, que xa é patrimonio público do Estado. A xuíza Marta Canales fixo entrega das chaves do pazo de Meirás á avogada do Estado, Consuelo Castro, en cumprimento da execución provisional da sentenza do 2 de setembro.

• AMPLIAMOS 👉 O Estado oficializa a expulsión dos Franco de Meirás nun día de "xustiza histórica"

O rei emérito paga unha débeda de case 700.000 euros a Facenda para evitar unha causa xudicial. O ex-monarca Juan Carlos I aclárao nun comunicado emitido polos seus avogados. 

• HEMEROTECA | Juan Carlos de Borbón deixa España en pleno aluvión de escándalos financeiros "para facilitar" o reinado do seu fillo
• PODCAST | James Badcock: "O silencio dos grandes medios sobre a vida privada de Juan Carlos I fixo un fraco favor á monarquía"

A rede Europa Cinemas premia a Ramiro Ledo polo seu traballo como director e programador do Cinema Duplex de Ferrol. O tamén cineasta recibe o galardón de Emprendedor do Ano 2020 por, sinala o xurado, a "valentía de abrir un cinema destas características nunha cidade pequena como Ferrol". A organización do premio tamén subliña súa experiencia previa como director e programador do compostelán NUMAX. (Foto: Alicia Seoane / DUPLEX)

• HEMEROTECA | A nova vida do Dúplex devolve o cinema a Ferrol

A vicepresidenta do Goberno de España, Carmen Calvo, reúnese este mércores na Coruña coa Xunta, a Deputación da Coruña e o Concello de Sada para abordar o futuro do Pazo de Meirás na véspera da súa entrega ao Estado por orde xudicial.

• INTERACTIVO | O inventario do Pazo de Meirás inclúe 700 bens, entre eles as esculturas do Mestre Mateo

A web www.isaacdiazpardo.gal presentada este luns pretende ser un espazo de memoria viva do creador. Coincidindo coa exposición As miradas de Isaac, a Xunta lanza a páxina como “espazo de referencia onde concentrar todo o universo” de Díaz Pardo.

• Unha ducia de miradas de Isaac

Queda instalado no museo do Gaiás o mural de Luís Seoane encomendado por Isaac Díaz Pardo para a factoría de Porcelanas La Magdalena, na Arxentina. A peza foi mercada pola Xunta, que detalla que "foi o propio Díaz Pardo quen construíu a base do mural sobre o deseño e as indicacións de Seoane, que nunha visita a Magdalena el mesmo rematou e asinou".

• Unha ducia de miradas de Isaac Díaz Pardo no seu centenario

Falece aos 80 anos Tabaré Vázquez, presidente do Uruguai en dous mandatos polo Frente Amplio. Hai catro anos, en visita oficial a Galicia, Vázquez evocara as orixes galegas da súa familia. Na imaxe, con José Mujica. 

• HEMEROTECA | O presidente do Uruguai busca empresas investidoras en Galicia, "o meu pobo"

Juan Carlos de Borbón tramita unha regularización fiscal ante Facenda na que admite o uso de tarxetas bancarias con fondos opacos, segundo publica El País. Estas operacións están a ser investigadas por Anticorrupción. A solicitude do rei emérito, que agora está a estudar a Axencia Tributaria, non está ligada aos fondos recibidos de Arabia Saudita. Na imaxe, de arquivo Juan Carlos de Borbón en Sanxenxo (CC-BY-SA Xunta)

• HEMEROTECA | "O silencio dos grandes medios sobre a vida privada de Juan Carlos I fixo un fraco favor á monarquía"
• HEMEROTECA | Máximo equilibrio en Galicia entre a poboación a prol dun referendo sobre a monarquía e a que non o ve preciso

Os Premios da Cultura Galega 2020 que organiza a Xunta distinguen á escritora Ledicia Costas, ao fotógrafo Xurxo Lobato, á Federación de Teatro Afeccionado de Galicia, á aCentral Folque, ao ex-director da Filmoteca Española, Chema Prado, ao impulsor de múltiples colectivos a prol da lingua galega Xosé González Martínez (Pepe de Redondela), á Fundación Penzol e á responsable do Centro de Estudos Galegos de Budapest, Ildiko Szijj