Fálase

Andrea Cascallar acada o premio á mellor tese de Europa polo seu traballo doutoral na USC. No seu traballo, Cascallar abordou o desafío científico de modelar a imprecisión na linguaxe, un ámbito clave da Intelixencia artificial que facilita a comunicación entre humanos e máquinas, ao “traducir’ a información contida nos datos (moitas veces, inintelixible), á linguaxe natural empregada polas persoas. É a segunda vez que a EUSFLAT premia unha tese do CiTIUS, logo da concesión ao investigador Alejandro Ramos en 2016

A campaña de vacinación conxunta fronte á gripe e á COVID-19 comezará o 25 de setembro e continuará ata fin de ano. Sanidade confirma que as persoas residentes en centros de maiores ou de discapacidade serán as primeiras en recibir estas doses. Polo xeral, os servizos de atención primaria administrarán as vacinas ás persoas de 80 e máis anos, que serán citadas mediante unha mensaxe de texto. Ademais, habilitaranse grandes recintos para a vacinación conxunta dos menores de 80 anos ao longo do mes de outubro, tamén cunha citación mediante unha mensaxe de texto. 

O día 25 tamén comezará en Galicia a campaña de inmunización fronte ao virus respiratorio sincitial para as crianzas. 

• HEMEROTECA | "Non é aceptable que vaiamos por unha terceira dose da vacina contra a COVID cando a metade do planeta non ten acceso a elas"
• ENTREVISTA | Federico Martinón: "Desde o momento en que pos a vacina do virus respiratorio sincitial o neno xa está protexido"

O DOG publica as autorizacións da Xunta para que desde este sábado se poida cazar xabarín sen límite de exemplares na maior parte de Galicia.

• A Xunta autoriza a caza de xabarín sen límite de exemplares en 248 concellos para controlar a súa poboación

Feijóo organiza en Santiago un acto contra "a ruptura da igualdade entre españois" este domingo "similar" ao que prevé en Madrid unha semana máis tarde. O presidente da Xunta, Alfonso Rueda, di que asistirá aos dous, salienta a importancia do de Santiago antes do de Madrid, e respalda a estratexia de Feijóo previa ao seu debate de investidura, para o que carece de apoios.

• Soutomaior como placebo, ou por que a Deputación de Pontevedra non é a Moncloa

O Parlamento Europeo denuncia as actitudes machistas do xa ex-presidente da federación estatal de fútbol, Luis Rubiales. A Cámara europea mostra un apoio maioritario á futbolista Jennifer Hermoso e ao resto de xogadoras da selección española pola "lección" que deron a Europa coa resposta materializada no movemento #SeAcabó. 

• HEMEROTECA | Rueda pide "facer moi pouca política" co 'caso Rubiales' e Louzán
• HEMEROTECA | O 'caso Rubiales' aflora como os amos do fútbol gañan cartos e poder explotando recursos públicos

Hai 38 anos, o 14 de setembro de 1985, inaugurábase a ponte da Illa de Arousa, que a uniu ao continente. Este vídeo de Ferrovial, responsable das obras, fai un percorrido polos traballos de construción da infraestrutura.

A familia do operario morto na refinería o pasado ano na Coruña exixe que se asuman "responsabilidades". Medio cento de persoas concentráronse ante os xulgados polo inicio das declaracións de representantes de Repsol e da empresa Nervión. Foto: CC BY-NC-SA Galiza Contrainfo.

• Repsol di que o informe sobre o accidente mortal na refinería advirte de traballos "non autorizados"
• Paro e demanda de máis seguridade: a morte do operario na refinería de Repsol indigna o persoal das auxiliares

Luar regresa sen Gayoso á TVG. O lonxevo presentador causará baixa durante unhas semanas no inicio do que será a 32ª tempada do programa, tras máis de tres décadas de emisión só interrompidas por causas alleas á CRTVG pola folga do persoal dos medios públicos. Dúas veces foi cancelado este ano por mor do paro. 

• Luar, cancelado
• Unha ducia de lembranzas do Luar

Alumnado do Instituto Arxentino Galego Santiago Apóstolo visita estes días o país e versiona a canción 'Terra', das Tanxugueiras, no seu encontro co presidente da Real Academia Galega. Cantan as alumnas Lourdes Gómez Bermúdez e Maite Mercado e, na coreografía, están os seus compañeiros Bautista Rojas, Nicolás Basovnik e Candela Doural Oubiña, como se pode ver no vídeo compartido pola RAG. Víctor F. Freixanes agradeceu o labor do profesorado que fai posible gañar para a cultura galega novas xeracións que viven á outra beira do Atlántico.

Suecia enfría as posibilidades de que o galego sexa oficial na UE e recoñece que ten dúbidas sobre a modificación do regulamento para que a lingua galega, o vasco e o catalán tornen en oficiais nas institucións comunitarias. A reforma da normativa require da unanimidade dos 27 estados membros da Unión Europea. 

• A oficialidade do galego na UE: unha "oportunidade única" nin doada, nin tan inmediata