A Real Filharmonía de Galicia busca coros galegos para un concerto "participativo". O espectáculo, baixo o título Cantamos!, celebrarase o vindeiro 21 de decembro para pechar a tempada Migracións da RFG e estará dirixido por Javier Fajardo, co Orfeón Terra A NOsa como coro de escenario. As agrupacións interesadas deberán inscribirse no proxecto do 6 ao 15 de setembro remitindo por correo a info@rfgalicia.org un formulario que a Real Filharmonía ofrecerá para descargar no seu sitio web. Entre os coros que se inscriban, a orquestra seleccionará ata 120 integrantes "atendendo ao equilibrio das cordas de cada coro e a súa traxectoria", informa o Concello de Santiago. Na imaxe, a RFG nun concerto cun coro [© Concello de Santiago]
![](https://praza.gal/media/cache/live_image/uploads/1691662672rfg-coros1-9fcab89.jpeg)