Fálase

Compostela non tivo nada de chuvia en todo o mes de xullo, segundo os datos do Observatorio Astronómico Ramón María Aller da USC. É a primeira vez dende 1981 que a cidade non rexistra precipitacións neste mes. Un recente estudo da USC determinou que os días de verán duplicáronse en Compostela dende 1950.

• "De manterse as tendencias, nuns anos o clima de Santiago será coma o de Ourense, e o de Ourense coma o de Sevilla", dicía nesta entrevista Alberto Martí, autor de 'Os tempos e o clima de Galicia' (Xerais) 

Investigadores e investigadoras do Laboratorio de Radon de Galicia (USC) veñen de publicar na prestixiosa revista Environmental Research un amplo estudo que revela un aumento do risco de cancro pulmonar asociado á exposición a radon residencial. A exposición prolongada aos niveis de radon habituais nunha parte importante de Galicia é o factor de risco da enfemidade máis importante para persoas non fumadoras. O profesor Alberto Ruano chama a aplicar en España a directiva europea para limitar os efectos do radon.

• Un estudo con pacientes de hospitais galegos relaciona o cancro de pulmón coa exposición ao gas radon

Abanca obtivo uns beneficios de 133 millóns de euros no primeiro semestre de 2020, un 43% menos que no mesmo período do ano anterior. A entidade destaca que estes resultados chegan tras sumar "162,8 millóns as súas provisións para crédito co obxectivo de facer fronte á previsible deterioración económica derivada da situación actual". Na imaxe, acto de presentación de resultados de Abanca.

O incendio de San Millao (Cualedro) aínda non puido ser extinguido, pero si controlado. As medicións provisionais indican que xa afectou a unhas 1.535 hectáreas, segundo Medio Rural.

As fins de semana de agosto, Praza.gal non se actualiza por descanso do persoal. Pero deixamos moito para ler e o luns estamos de volta :)

O produto interior bruto de España caeu un histórico 18,5% no trimestre máis afectado polo confinamento, un -22,1% interanual que sitúa o Estado tecnicamente en recesión económica por mor da pandemia. Son resultados que vén de avanzar o INE. O Foro Económico de Galicia calcula que, o pasado maio, o PIB galego caeu arredor dun 20%.

• A exposición ao turismo e á industria do automóbil acrecentan os riscos de Galicia na crise económica polo coronavirus

O Goberno de España reúne hoxe en La Rioja a conferencia de presidencias autonómicas, á que asiste Feijóo no nome da Xunta. O presidente da Generalitat catalá, Joaquim Torra, non asistirán á reunión, a primeira presencial deste órgano dende 2017, na que finalmente si estará o lehendakari Urkullu e abordará asuntos como os brotes da COVID-19 e o reparto dos fondos europeos pola crise do coronavirus. Na imaxe, Pedro Sánchez o pasado maio durante unha das conferencias coas autonomías celebradas por videoconferencia.

• Histórico acordo na UE con 750.000 millóns para paliar a crise do coronavirus

O pleno municipal da Coruña aproba por unanimidade a denominación de Xuxán para o barrio anteriormente coñecido como Ofimático, recuperando así un topónimo preexistente no lugar e seguindo o informe elaborado pola Real Academia Galega.

• Que nomes lles poñemos ás rúas? A recuperación da toponimia tradicional mírase no espello de Pontevedra

O ex-director de Pemex que apadriñou os negocios da petroleira en Galicia é imputado por "uso de recursos de procedencia ilícita, asociación delituosa e suborno" no marco do caso Odebrecht, considerado o principal caso de corrupción de América Latina. Emilio Lozoya, que pactou coa Fiscalía mexicana tras a súa detención en España, continuará en liberdade condicional, aínda que cunha pulseira telemática de control e coa prohibición de abandonar Ciudad de México. 

• A pescuda sobre os negocios de Pemex apunta a Peña Nieto e advirte: "Seguimos investigando o do estaleiro en Galicia"

O incendio declarado en Cualedro no mediodía deste mércores rolda xa as 1.000 hectáreas queimadas, parte delas agrícolas, segundo a información notificada pola Consellaría de Medio Rural. Máis información, neste espazo de Praza.gal Imaxe: @briftabuyo