Fálase

O alcalde de Lugo, novo presidente do Eixo Atlántico. Miguel Fernández foi elixido para encabezar por dous anos a entidade que xunta concellos galegos e do norte de Portugal durante a súa Comisión Executiva, celebrada no consistorio lucense no marco das conmemoracións do vixésimo quinto aniversario da declaración da Muralla como Patrimonio da Humanidade, o 30 de novembro do 2000. Substitúe no cargo a Luís Nobre, alcalde de Viana do Castelo, que de agora en diante exercerá a vicepresidencia. Na imaxe, Fernández e Nobre, este xoves na Casa do Concello de Lugo. [Imaxe: Eixo Atlántico]

• HEMEROTECA | O tren directo de Vigo ao Porto volverá circular en decembro
• HEMEROTECA | Famalicão e Braga acollen os XV Xogos do Eixo Atlántico, con 2.400 participantes de toda a eurorrexión
• HEMEROTECA | O Eixo Atlántico pide políticas de "discriminación positiva" para frear o despoboamento

O comisario de Pesca da UE traslada ao PSdeG que o veto ao palangre podería ser retirado en 2026 polo seu "baixo impacto" sobre o solo mariño. Nunha xuntanza co secretario xeral dos socialistas galegos, José Ramón Gómez Besteiro, Costas Kadis avanza a posibilidade de que esta arte quede fóra do regulamento que restrinxe a pesca en 87 zonas zonas sensibles no nordeste do océano Atlántico.

• Respostas ao veto á pesca de fondo: prohibición coñecida que chega catro anos tarde e sen análise económica
• A Xustiza da UE avala o veto á pesca de fondo que ergueu o sector e a Xunta

Aprobada a nova lei de atención ao cliente, que bloquea as chamadas spam, porá fin ás longas esperas no teléfono e obriga os call center a atender as consultas en galego, catalán e éuscaro. 

🔴O Goberno de España decreta o confinamento de todas as explotación de aves de curral que se crían ao aire libre pola gripe aviaria. Aumenta as medidas de prevención ante a expansión da doenza. 

• AMPLIAMOS 👉 Confinadas todas as galiñas ante a expansión a gripe aviaria

Feijóo defende que o rei emérito eloxie a Franco. Tras publicarse o libro biográfico de Juan Carlos I, no que eloxia ao ditador, Sánchez dixo este mércores no Congreso que lle resulta "doloroso nun país onde hai familias que aínda buscan restos dos seus familiares". Feijóo criticouno por "censurar a un xefe do Estado" e dixo que el será "leal ás institucións do Estado". [Foto: CC-BY-SA Xunta]

• HEMEROTECA | “A Transición para nós foi exemplar”, di Feijóo preguntado pola situación dos Franco no Pazo de Meirás

Un Xulgado de Lugo multa con 270 euros un home por realizar un "acto de natureza sexual" cunha vaca. O departamento de comunicación do TSXG divulga a sentenza salientando que o considera autor dun delito leve de malos tratos animais e destaca o que supuxo "un menoscabo e unha humillación para a vaca".

O comité dos medios públicos galegos sinala a "insoportable manipulación informativa" como causa das baixas audiencias da TVG e insta a dirección a "asumir a súa responsabilidade". A representación laboral advirte dunha "programación afastada da pluralidade social" como un dos factores que explican os datos "en mínimos históricos". 

A borrasca Claudia deixa máis dun cento de incidencias de noite en Galicia, con caídas de árbores e tendido eléctrico, inundacións e ventos por riba dos 130 quilómetros por hora. Gran parte de Galicia permanece en alerta amarela por vento e chuvia este mércores. Foto: Protección Civil de Porto do Son. 

Tellado descualifica a televisión pública como unha "especie de NO-DO ao servizo do César" onde o "exercicio de manipulación" é realizado "sen ningún pudor" e "tratando de estúpidos" aos espectadores, comezando "dende moi cedo" e "ata o último dos programas". O secretario xeral do PP referiuse deste xeito a RTVE e asegurou que, no caso de que o seu partido gobernase no Estado, a corporación si cumpriría "canons de servizo público". [Imaxe: © PP]

• HEMEROTECA | A UE obriga a mudar leis dos medios públicos como a que vén de impor o PP en Galicia
• HEMEROTECA | Segunda dirección dos medios públicos do PP dende 2009 tras trece anos a esquivar a lei
• HEMEROTECA | Recrúa a folga na CRTVG e o PP alerta de "control" gobernamental en RTVE
• HEMEROTECA | Non é Tellado, é Feijóo

Volven The Homens! Despois da súa actuación no festival Psicotroita de Sigüeiro o pasado mes de setembro, o trío compostelán regresa ás salas cunha actuación na Sala Mardi Gras da Coruña que promete continuidade. Será o venres 21 de novembro, con entradas xa á venda.