Fálase

Tellado descualifica a televisión pública como unha "especie de NO-DO ao servizo do César" onde o "exercicio de manipulación" é realizado "sen ningún pudor" e "tratando de estúpidos" aos espectadores, comezando "dende moi cedo" e "ata o último dos programas". O secretario xeral do PP referiuse deste xeito a RTVE e asegurou que, no caso de que o seu partido gobernase no Estado, a corporación si cumpriría "canons de servizo público". [Imaxe: © PP]

• HEMEROTECA | A UE obriga a mudar leis dos medios públicos como a que vén de impor o PP en Galicia
• HEMEROTECA | Segunda dirección dos medios públicos do PP dende 2009 tras trece anos a esquivar a lei
• HEMEROTECA | Recrúa a folga na CRTVG e o PP alerta de "control" gobernamental en RTVE
• HEMEROTECA | Non é Tellado, é Feijóo

Volven The Homens! Despois da súa actuación no festival Psicotroita de Sigüeiro o pasado mes de setembro, o trío compostelán regresa ás salas cunha actuación na Sala Mardi Gras da Coruña que promete continuidade. Será o venres 21 de novembro, con entradas xa á venda.

📺 Vinte en Folgoso do Courel: “Se se esgota un plan de vida, tes que inventar outro”. Na nova entrega do Vinte na vila o son da chuvia mestúrase coa voz da veciñanza do Courel, a paisaxe e a identidade. A reportaxe, elaborada por Ana G. Liste con Xarda a cargo da montaxe audiovisual, xa está dispoñible para ler e ver en VINTE dentro da serie apoiada por Caixa Rural Galega.

O PP español vota na Eurocámara contra a redución dun 90% das emisións contaminantes ata 2040 -en comparación con 1990-, aliñándose coa ultradereita e en contra da postura maioritaria do grupo popular europeo. O PP de Feijóo uniu os seus votos ao partido de Meloni, ao de Le Pen ou a Vox contra unha iniciativa que así e todo saíu adiante na Comisión de Medio Ambiente grazas á maioría dos populares canda formacións da esquerda e liberais. Pasa ao pleno do Parlamento Europeo, onde tamén se prevé que quede aprobada. Na imaxe [© Parlamento Europeo], un intre da votación.

• Galicia rexistrou o verán máis cálido dende que hai datos comparables
• HEMEROTECA | A fin do carbón e o parón de Alcoa reducen un 24% as emisións de gases de invernadoiro na industria galega
• HEMEROTECA | A Xunta presenta o cambio climático como unha oportunidade para o turismo
• HEMEROTECA | O Goberno galego súmase aos discursos da dereita europea contra as medidas para atallar o cambio climático

A poboación de Galicia aumenta en case seis mil persoas no último trimestre e chega a 2.726.314 habitantes, o máximo dende 2015. A cifra aumentou en quince mil persoas nos últimos doce meses grazas á inmigración.

• A poboación de Galicia medra en 14 mil persoas nun ano e acada o seu máximo dende o 2015

Meteogalicia advirte para mañá martes de fortes ventos de compoñente sur con intensos refachos no litoral e en zonas altas. Haberá alerta amarela en boa parte de Galicia e laranxa na Costa da Morte e nas Rías Baixas. O mércores agárdanse fortes chuvias. 

Falar varios idiomas frea o envellecemento. As persoas monolingües teñen o dobre de risco que as que falan varias linguas de sufrir unha deterioración acelerada coa idade, segundo un estudo publicado hoxe en Nature Aging. 

Sanidade di agora que "por suposto" van "remitir" ao Estado os datos de cribados de cancro e agrega que estarán "á disposición do conxunto da cidadanía a través do Observatorio da Saúde Pública". Inicialmente, a Xunta indicara que seguiría a liña marcada pola dirección do PP e non atendería a petición do Ministerio, que a reiterou a pasada semana mediante un requirimento formal. Nunha xuntanza coa Asociación Española contra o Cancro, o conselleiro Antonio Gómez Caamaño sinalou, asemade, que o seu departamento ultima "un comité asesor de cribados no que estarán representados os pacientes e que permitirá compartir información e tomar decisións sobre estratexias de mellora dos programas de detección precoz". [Imaxe: CC BY-SA Xunta]

• O Sergas non envía os datos de cribados de cancro ao Estado en liña do fixado no PP
• HEMEROTECA | O 66% dos tumores de mama detéctanse en estadios iniciais grazas ao cribado do Sergas

O Concello de Noia denunciará o ex-alcalde do PP ante a Fiscalía polos gastos de fondos públicos en restaurantes e bares por parte do seu grupo municipal. Un informe xurídico encargado pola administración local, ao que tivo acceso este diario, conclúe que deben exixirse responsabilidades contables e que pode facerse ante o Tribunal de Cuentas e ante a Fiscalía. Máis información, hoxe en Praza.gal

👉🏼AMPLIAMOS | O Concello de Noia leva o ex-alcalde do PP á Fiscalía polos gastos de fondos públicos en restaurantes

• As facturas do PP de Noia: miles de euros en xantares e copas que "chaman a atención" mesmo a Rueda
• As facturas do PP de Noia: ceas e comidas en grupo en plenas restricións pola COVID

O Día da Ilustración homenaxeará o caricaturista Siro na súa edición 2026, que se celebrará o 30 de xaneiro. O artista ferrolán destacou polo seu traballo como caricaturista político e foi o deseñador da Praza do Humor, na Coruña. A conmemoración organizada pola Asociación Galega de Profesionais da Ilustración (AGPI) e a Xunta, que escolle como data de referencia o nacemento de Castelao, botou a andar en 2014 e dende entón homenaxeou nomes destacados da ilustración galega, como Lolita Díaz Baliño, María Antonia Dans, Federico Ribas, Camilo Díaz Baliño, Chichi Campos ou Xosé Vizoso.

• Xosé Vizoso, o artista que creou unha linguaxe propia para a cultura popular