Fálase

O Día da Ilustración homenaxeará o caricaturista Siro na súa edición 2026, que se celebrará o 30 de xaneiro. O artista ferrolán destacou polo seu traballo como caricaturista político e foi o deseñador da Praza do Humor, na Coruña. A conmemoración organizada pola Asociación Galega de Profesionais da Ilustración (AGPI) e a Xunta, que escolle como data de referencia o nacemento de Castelao, botou a andar en 2014 e dende entón homenaxeou nomes destacados da ilustración galega, como Lolita Díaz Baliño, María Antonia Dans, Federico Ribas, Camilo Díaz Baliño, Chichi Campos ou Xosé Vizoso.

• Xosé Vizoso, o artista que creou unha linguaxe propia para a cultura popular

Pontón e Besteiro anuncian viaxes a Arxentina e Uruguai, e Bruxelas, respectivamente. A líder do BNG reunirase, entre outros, en Montevideo co presidente uruguaio, Yamandú Orsi, ou a ex-vicepresidenta e viúva de Mújica, Lucía Topolansky, e en Bos Aires coa condenada ex-presidenta Cristina Fernández de Kirchner, o Centro Galicia ou o Nobel da Paz Pérez Esquivel. Pola súa banda, o líder do PSdeG reunirase coa vicepresidenta europea Teresa Ribera e os comisarios de Defensa, Pesca e Xuventude.

Detida unha muller por un homicidio na antiga estación de autobús de Vigo, propiedade da Xunta pero sen uso desde hai tres anos e onde se refuxian habitualmente persoas sen fogar. Praza.gal fixo o pasado abril unha reportaxe falando coas persoas que alí viven. 

• HEMEROTECA (20/4/2025) | Con teito e un colchón : "Polo menos na estación non hai pelexas”

O BNG e a Fundación Galiza Sempre celebran este sábado en Santiago un simposio sobre Castelao no que foi homenaxeada a xornalista Tareixa Navaza pola "dignidade" coa que narrou a chegada dos seus restos a Galicia. No acto Ana Pontón situou o pensamento de Castelao como "unha emenda á totalidade das políticas do PP" e dixo que se vivise estaria en contra de proxectos como Altri.

• Unha ducia de momentos do regreso dos restos de Castelao a Galicia en 1984 

Os Bonos Activa Comercio da Xunta, dotados con 2,5 millóns de euros para descontos, esgotados aos dous días da súa posta en marcha. A iniciativa, concibida para apoiar "a reactivación do comercio de proximidade", remata aso 48 horas tras o esgotamento do crédito. O Goberno galego asegura que se mobilizaron 11,3 millóns de euros.

Unha investigación revela que as vías romanas tiñan 100.000 quilómetros máis dos estimados e achega o mapa dixital máis detallado do Imperio Romano, que permite debullar todos estes camiños, tamén os de Galicia. Sistemas de información xeográfica modernos atopan perto de 300.000 km de calzadas romanas en base a todas as fontes arqueolóxicas e históricas. 

Premios da Cultura Galega 2025, que outorga a Xunta:

📚 Letras: Editorial Galaxia
🎨 Artes visuais: Bienal de Pontevedra
🎭 Artes escénicas: Mostra Internacional de Teatro Cómico de Cangas
🎶 Música: Bodegas Martín Códax
🎥 Audiovisual: Baños Films
🗣 Lingua: Campaña 'Aquí tamén se fala'
🏛 Patrimonio Cultural: Antón Corral
🌍 Proxección exterior: Programa de radio 'Sempre en Galicia'

Os tres últimos anos foron os máis calorosos desde que se teñen rexistros. Un informe da Organizacion Meteorolóxica Mundial advirte que todos os meses entre xuño de 2023 e agosto de 2025 rexistraron temperaturas récord agás febreiro deste ano. 

• Galicia rexistrou o verán máis cálido dende que hai datos comparables

Dimite o director do Museo do Pobo Galego, Lois Ladra, tras trece meses no cargo. Dende a institución confirman a Praza.gal que foi o antropólogo e arqueólogo quen solicitou o seu cese "alegando a imposibilidade de implementar o programa de actuación presentado para o seu desenvolvemento, en canto non podía ser dotado dos recursos suficientes para levalo adiante". O Padroado do Museo do Pobo xa aceptou a súa saída, e ata a asemblea que celebren no mes de decembro a dirección queda temporalmente a cargo da Comisión Permanente do Consello de Goberno. [📸 Lois Ladra na inauguración dunha exposición no Museo do Pobo Galego este ano CC-BY-SA MPG]

• HEMEROTECA | Concha Losada, primeira presidenta do Museo do Pobo: "Estamos nun momento doce para o achegamento da xente nova á tradición"

Preacordo para descentralizar a carreira de Medicina. Reitores das universidades de Santiago, A Coruña e Vigo e mais a Xunta anuncian o bosquexo dun pacto que deixaría en suspenso os plans das institucións coruñesa e viguesa de implantar títulos de seu. Máis información, hoxe en Praza.gal. Na imaxe, a Facultade de Medicina da USC.

• AMPLIAMOS 👉 Preacordo para descentralizar Medicina: UDC e UVigo terán unidades docentes
• A UDC ofrece frear a demanda da carreira de Medicina se a Xunta a descentraliza en dous anos
• HEMEROTECA | "A novena titulación de Enfermaría na privada non causa o balbordo de ter a segunda de Medicina na pública"
• HEMEROTECA | A Xunta adscribe todos os hospitais do Sergas á USC en plena guerra por Medicina