Fálase

O Ministerio de Sanidade envía un requirimento formal á Xunta e ao resto das autonomías do PP "para que remitan os datos de cribado de cancro" de mama, colorrectal e cérvix tras negárense a facelo alegando que o departamento que dirixe Mónica García llos reclamaba con fins partidistas. Este, detalla o Ministerio, é o paso legal previo "ante posibles incumprimentos no subministro de información esencial para a vixilancia na saúde pública". O conselleiro de Sanidade, Antonio Gómez Caamaño, sinalou a finais de outubro, tras a primeira negativa, que os gobernos do PP "estamos dispostos a dar eses datos" e que en Galicia "os primeiros en coñecelos van ser os pacientes".

• O Sergas non envía os datos de cribados de cancro ao Estado en liña do fixado no PP
• HEMEROTECA | O 66% dos tumores de mama detéctanse en estadios iniciais grazas ao cribado do Sergas

O Consello de Ministros aproba o anteproxecto da lei do Estatuto do Bolseiro. Prevé regular as prácticas con regras como que as persoas que as realicen non poidan ser substitutas de persoal contratado e teñan garantido o "dereito á compensación de gastos, descanso e servizos do centro de traballo ofrecidos ás persoas traballadoras", salienta Yolanda Díaz sobre un texto para o que deberá procurar apoios dabondo no Congreso. [Imaxe: © Ministerio de Traballo]

• Centos de antigos bolseiros reclaman en Galicia anos de cotización polas prácticas

A música de Xosé Lois Romero & Aliboria aparece nunha canción da cantante Amaia sen previo aviso. O grupo galego confirma que un fragmento do tema Caroi soa na canción Aralar da artista de Pamplona que gañou Operación Triunfo en 2017, e informa de que están "en contacto para resolver esta situación". "Tivemos a oportunidade de falar con Amaia e co seu equipo, que asumiron responsabilidades, amosaron comprensión e sensibilidade ante o ocorrido", manifestan nun comunicado. 

O TSXG exime o Concello de Vigo de pagar 1,56 millóns de euros á promotora do concerto de Guns N' Roses e revoga a sentenza anterior que o condenara. O alto tribunal acolle o recurso de apelación interposto pola administración local contra o ditame do Xulgado do Contencioso-administrativo número 2 da cidade. 

Dimite Carlos Mazón, presidente da Generalitat valenciana. Sen convocatoria de eleccións, a dimisión deixa nas mans do parlamento autonómico, dominado por PP e Vox, o nomeamento dun novo presidente. Feijóo e Mazón negociaron este domingo tras os apupos de vítimas no funeral de Estado polas 229 persoas mortas na DINA de hai un ano. Mazón, que non dixo se deixa tamén o escano, asumiu como erro "manter a axenda" dese día, puxo en valor as súas xestións para a recuperación neste último ano e cargou contra a falta de axuda do Goberno de España. [Foto: PP]

• Rueda ve "correcta" a dimisión de Mazón, Pontón e Besteiro lembran un ano de aplausos
• HEMEROTECA (5/11/2024) | Quen é máis responsable na xestión dunha crise como a de València e cales son os tres niveis de emerxencia
• HEMEROTECA (1/11/2014) | As riadas máis mortais de Europa neste século superan xa as 200 vítimas en València

O ex-ministro Ábalos, o seu antigo asesor Koldo García e o empresario Víctor de Aldama, procesados por contratos irregulares de máscaras durante a pandemia. O xuíz instrutor da causa propón xulgados por presuntos delitos de suborno, pertenza a organización criminal, tráfico de influencias e malversación na póla principal do coñecido como caso Koldo. 

• HEMEROTECA | Sánchez propón un plan estatal contra a corrupción e reivindícase como "político limpo"
• HEMEROTECA | Investigado por corrupción, o 'número 3' do PSOE dimite e súmase ás frontes xudiciais que asedian a Sánchez

Belém Tajes gaña o XVII Concurso Fran Pérez "Narf" para grupos e artistas musicais, promovido pola Deputación da Coruña. Na gala celebrada este domingo no Salón Teatro de Santiago o xurado valorou "o risco á hora de facer ponte entre a música galega e latinoamericana, ademais dos arranxos". A cantante e compositora Marián quedou en segunda posición e a banda ponteareá Vimbio, na terceira.

Milleiros de persoas volveron participar este 1 de novembro na Feira de Santos de Monterroso, onde outra volta acudiron tamén representantes das principais forzas políticas. Na imaxe, a conselleira do Medio Rural, María José Gómez (arriba), o deputado do BNG no Congreso, Néstor Rego, con membros da formación na localidade e mais o presidente da Deputación e líder do PSdeG na provincia de Lugo, José Tomé, con outros cargos socialistas. Desta volta a tradicional cita tivo que celebrarse sen feira de gando, suspendida pola Xunta para evitar contaxios da dermatose nodular. [Imaxes: Xunta | BNG | PSdeG]

O Consello de Seguridade da ONU apoia o "plan de autonomía" de Marrocos para o Sáhara Occidental e afasta aínda máis o comprometido referendo de autodeterminación. Malia renovar un ano máis a súa propia misión para organizar o plebiscito, a votación apuntala o recoñecemento da soberanía marroquí. En infoLibre, unha análise da "última batalla da descolonización" saharauí. Na imaxe, de arquivo, unha protesta do Frente Polisario contra a ocupación.

• En infoLibre | O Sáhara Occidental, ante a última batalla da descolonización
• HEMEROTECA | "En 'Vacacións en Paz' aprendemos moito dos nenos, da súa resistencia e loita por unha causa xusta"
• HEMEROTECA | España volve deixar o pobo saharauí nas mans de Marrocos en plena mudanza do taboleiro internacional
• HEMEROTECA | O conflito recrúa no Sáhara: de gozar os veráns en Galicia a adestrarse para a guerra

O grupo Orange faise co control total de Masorange, compañía que absorbera Euskaltel, que previamente adquirira a galega R. A tecnolóxica francesa faise coa metade que non controlaba a varios fondos e a investidores vascos. 

• R di adeus ao derradeiro vestixio galego tras vender Abanca a súa participación en Euskaltel