Fálase

O informe PISA 2025 diagnostica unha baixada xeral do rendemento escolar do alumnado e advirte de "dificultades crecentes con tarefas que requiren concentración sostida". 

• AMPLIAMOS 👉 Forte caída do nivel educativo en Galicia: curso e medio cara atrás en comprensión lectora
• HEMEROTECA (2023) | O efecto COVID no ensino galego: menos competencias en matemáticas e lectura e apenas cambios en ciencia, á cabeza do Estado
• 📃 DOCUMENTO | Consulta aquí o informe completo, que vén de publicar o Ministerio de Educación

Xacarandaina, subcampioa do mundo no campionato mundial do folclore celebrado no Brasil. O grupo coruñés acadou o segundo posto por tras da formación de Bulgaria "nunha das finais máis axustadas" do certame da Federación de Festivais Internacionais de Danza (FIDAF). A asociación galega recibiu o primeiro premio a baile en parella e a vestiario. 

• Xacarandaina cruza o Atlántico para levar a tradición de Galicia ao 'mundial' do folclore

Rueda falta ao Consello da Xunta deste luns por asistir a un almorzo informativo co presidente de Ceuta en Madrid. O conselleiro Diego Calvo, que presidiu na súa ausencia a reunión semanal do Goberno galego, xustifica que era "o mellor sitio no que podía estar hoxe". 

• Mobilización total das dereitas a conta de Ceuta

A AfD duplica os seus resultados nas eleccións do estado alemán de Saxonia-Anhalt. A formación de ultradeita obtería máis do 44%, segundo as dúas enquisas publicadas tras o peche das urnas e estaría ao borde da maioría absoluta. Podería formar goberno no caso de que a BSW -único partido que non apoia o cordón sanitario para evitar a chegada da AfD ao poder- acade o 5% necesario para ter representación. Sería a primeira vez dende a Segunda Guerra Mundial que a extrema dereita accede a un Goberno en Alemaña.

O barrio ferrolán de Canido acolle esta fin de semana unha nova edición das Meninas, que chegan á súa 18ª entrega. Arte urbana, música, baloncesto e outras actividades con participantes de numerosos países, dende Irán a Australia. Sfhir ofreceu o pregón este venres pola tarde.

Ningunha zona de Galicia estará en alerta vermella por calor mañá sábado. A Xunta informa de que non haberá zona ningunha no nivel máximo por altas temperaturas aínda que o interior de Pontevedra e a comarca de Valdeorras manterán a alerta laranxa. Será amarela na montaña de Lugo, o noroeste de Ourense e o Miño na mesma provincia. Ademais, Meteogalicia advirte do risco de tormentas no centro e na montaña da provincia de Lugo. 

• Galicia supera as 300 mortes atribuíbles á calor: 60 en só seis días de xullo

O Ministerio de Facenda saca adiante o novo modelo de financiamento das autonomías cos apoios de Catalunya e Canarias e a oposición dos gobernos do PP, entre eles o de Galicia, e mais de Asturias e Castilla-La Mancha, con presidentes do PSOE. O novo sistema substitúe o aprobado en 2009. Segundo os cálculos do Goberno de España, a Xunta recibirá uns 600 millóns adicionais nun ano co novo modelo, que mellora a posición galega, aínda que por baixo da media. 

• HEMEROTECA | A reforma do financiamento mellora a achega a Galicia, pero por baixo da media
• HEMEROTECA | O Estado ofrece máis cartos de IRPF e IVE ás comunidades e Galicia disporía de 600 millóns máis

O delegado do Goberno de España en Galicia, Pedro Blanco, supervisou este xoves o resultado dos traballos de humanización e renovación integral da contorna da Ría do Burgo, "practicamente finalizados". Estivo xunto ás alcaldesas e alcaldes da Coruña, Oleiros, Culleredo e Cambre no paseo "renovado, amplo e accesible, con novos pasos peonís e carrís bici, con vexetación autóctona e protección fronte ás inundacións". "Era unha demanda histórica. Moitos gobernos escoitaron estas reivindicacións, pero foi o goberno de Pedro Sánchez o que deu o paso adiante e fixo realidade esta recuperación", subliñou Blanco.

• O cambio climático na costa galega: máis temporais e menos marisco á espera de solucións
• HEMEROTECA (2017) | O Goberno de España admite que aínda non ten prazo nin orzamento para limpar a ría do Burgo

Milleiros de persoas secundan as mobilizacións "en solidariedade e apoio ao Ceuta", convocadas formalmente pola Federación Española de Municipios e Provincias e alentadas con intensidade polos partidos da dereita como forma de protesta contra o Goberno de España. Múltiplos cargos do PPdeG, encabezados por Alfonso Rueda -na imaxe, na Coruña- acudiron ás concentracións, nas que abondaron as proclamas contra Pedro Sánchez. [Imaxe: PPdeG]

• CRÓNICA | Mobilización total das dereitas a conta de Ceuta
• Marlaska esixe ao director da Policía que aclare se Marrocos estivo por tras da entrada masiva a Ceuta

A Xunta activa a alerta vermella por calor este xoves no interior da provincia de Pontevedra, e o nivel anterior –laranxa– no centro de Lugo, no interior da Coruña e na montaña de Ourense. Galicia quedará entre este mércores e o próximo sábado baixo a influencia dun anticiclón que se localizará no norte da península Ibérica. Segundo explica MeteoGalicia, a entrada de aire cálido de orixe norteafricano ocasionará un importante incremento nas temperaturas diúrnas. Os valores máis elevados espéranse durante as tardes do xoves e do venres.

• Galicia xa non é o que era: 200 días cálidos e só 29 fríos no que vai de ano