Fálase

Feijóo di estar agora "á disposición" dos grupos que apoiaron a investidura de Pedro Sánchez se "algún quere acabar" co actual Goberno de España e dar paso a outro presidido por el mesmo. O ex-presidente e actual líder do PP faino despois de o principal encausado no denominado caso Koldo, o empresario Víctor de Aldama, asegurase na Audiencia Nacional que pagou centos de miles de euros en comisións ao ex-ministro José Luis Ábalos e ao seu asistente, Koldo García. O PSOE anuncia accións legais contra De Aldama por sinalar o partido como suposto destino de achegas ilegais. [Imaxe: © PP]

• Maioría absoluta á reforma fiscal do Goberno de España mentres Feijóo se ofrece para unha moción de censura
• HEMEROTECA | A elección dun Goberno "nas urnas" e outras mentiras tras a moción de censura

O Tribunal Penal Internacional ordena a detención de Benjamin Netanyahu, primeiro ministro de Israel, pola comisión de crimes de guerra e lesa humanidade en Gaza. O ICC ordena así mesmo a detención do exministro de Defensa israelí, Yoav Gallant, e do xefe do brazo armado de Hamás, Mohamed Deif, a quen Israel dá por morto.

O PP celebra este xoves a súa comisión de Cultura tras a dimisión do seu coordinador, Daniel Chapela, pola "incompetencia" na xestión da política lingüística. En entrevista con Praza.gal Chapela sinalou que levaba pedindo a reunión desde abril.

• Dimite o coordinador de Cultura do PPdeG, Daniel Chapela, pola "incompetencia" do conselleiro coa lingua
• ENTREVISTA | Danivel Chapela: "Dicir que non vas derrogar o decreto do plurilingüismo é voar as pontes para un pacto pola lingua"

O PP Europeo descólgase finalmente da manobra do PP español de Feijóo e Teresa Ribera será vicepresidenta executiva da Comisión Europea con competencias de Transición Limpa, Xusta e Competitiva, un dos postos de máis peso do novo gabinete de Ursula Von der Leyen, segundo o previsto inicialmente. Informa infoLibre. Na imaxe, a actual vicepresidenta e ministra para a Transición Ecolóxica do Goberno de España, durante a súa audiencia no Parlamento Europeo [CC-BY-4.0: © European Union 2024– Source: EP]

• A presión de Feijóo leva o PP europeo a poñer en xaque o funcionamento das institucións da UE

Dimite o coordinador de Cultura do PPdeG, Daniel Chapela, pola "incompetencia" do conselleiro de Cultura coa lingua. A decisión do tamén concelleiro en Bueu vén de ser avanzada pola axencia Europa Press na súa web e confirmada por Praza.gal. [Imaxe: Galaxia]

• AMPLIAMOS 👉 Dimite o coordinador de Cultura do PPdeG, Daniel Chapela, pola "incompetencia" do conselleiro coa lingua
• ENTREVISTA 👉 Daniel Chapela: "Dicir que non vas derrogar o decreto do plurilingüismo é voar as pontes para un pacto pola lingua"

Alfonso Rueda delega no conselleiro Diego Calvo o despacho dos asuntos da Presidencia da Xunta durante a viaxe que comeza nas próximas horas a Brasil. O presidente visitará durante tres xornadas São Paulo e Rio de Janeiro na que será a súa segunda viaxe ao exterior nesta lexislatura tras a que fixo a Arxentina en maio.

O Ministerio de Sanidade ve viable extinguir Muface e integrar todo o funcionariado na sanidade pública en nove meses. Despois de que as aseguradoras SegurCaixa Adeslas, Asisa e DKV deixasen deserto o concurso para manter a asistencia sanitaria mediante esta mutua para pediren máis cartos, o departamento que dirixe Mónica García emite un informe que ve o modelo Muface como insostible e subliña unha "máis que evidente" selección de riscos por parte das aseguradoras privadas que xa acaba pagando a sanidade pública. [Imaxe: CC BY-NC-SA CIG]

Finaliza a primeira misión dos bombeiros forestais da Brif de Laza en localidades afectadas polas riadas de València. O día 29 regresarán para continuar cos labores de desentullo e limpeza. A pasada semana, un dos integrantes do equipo compartiu con Praza.gal a súa experiencia. [Imaxe: Brif Laza]

• 📺 Bombeiros do lume galego á lama de València: "Estamos rebentados, pero reconforta o agradecemento"

Paulo Carlos López será o primeiro secretario xeral de Sumar Galicia. A formación celebra a vindeira fin de semana a súa asemblea xeral cunha única candidatura que inclúe como número dous a Verónica Martínez Barbero, deputada por Pontevedra e nova voceira de Sumar no Congreso, e no terceiro a Manuel Lago, deputado pola Coruña.

Falece Celeste Caeiro, a muller que virou os caraveis en símbolo da revolución portuguesa [Imaxe: Almada TV]

• HEMEROTECA | A "maxia" do 25 de abril no que o pobo portugués se erixiu "en dono da súa historia"
• HEMEROTECA | Os caraveis do 25 de abril tiñan orixe galega: Celeste Caeiro, a muller que creou o símbolo da revolución