Fálase

O grupo de ex-edís do PSdeG de Santiago expulsados o pasado 2025 anunciará este martes se concorre ás eleccións municipais. Mercedes Rosón, Gonzalo Muíños, Mila Castro e Marta Álvarez confirmarán "a decisión conxunta sobre o seu futuro político e o camiño que adoptarán" cara aos comicios de 2027 que adoptaron, din, "escoitando cada día o que nos din as nosas veciñas e veciños".

• HEMEROTECA | Ascensión con arrecendo a polbo e a municipais 2027
• HEMEROTECA | O PSdeG abócase a ficar con dous edís en Santiago e os expulsados van "esgotar todas as vías"
• HEMEROTECA | A norma que completa o freo a pisos turísticos en Santiago, aprobada co PSdeG malia á orde da dirección provincial do partido

A Fundación Andrea, o trompetista Esteban Batallán, a física Mar Capeáns, o atleta Adrián Ben e a hostaleira María Barallobre, propietaria dos restaurantes La Penela, Medallas Castelao 2025. O Consello da Xunta aprobou a concesión das distincións que o Goberno galego entrega cada 28 de xuño, cadrando co aniversario do primeiro Estatuto e mais do regreso dos restos de Castelao ao noso país. Na imaxe, a entrega das medallas o pasado ano.

O Supremo condena o ex-ministro Ábalos a 24 anos de prisión no 'Caso Mascarillas' e impón 19 anos e 8 meses ao seu ex-asesor Koldo García. O empresario e comisionista Víctor de Aldama recibe unha condena de 4 anos e medio, menos do solicitado pola Fiscalía, que non terá que cumprir pola súa "achega ao descubrimento de delitos" no caso. 

• AMPLIAMOS 👉 O Supremo impón 24 anos de prisión a Ábalos e libra o comisionista De Aldama da cadea

Keir Starmer dimite como primeiro ministro do Reino Unido e como líder do Partido Laborista apenas dous anos despois de lograr unha esmagadora vitoria electoral. Prevé que a persoa que o remude tome posesión antes do reinicio da actividade parlamentaria en setembro. Imaxe da retransmisión ao vivo da BBC.

• HEMEROTECA (2024) | O laborismo regresa catorce anos despois a Downing Street tras varrer do mapa os 'tories'

A SD Compostela ascende a Segunda Federación. Malia perder na volta da final do play-off en Badalona (2-0), fixo bo o 3-0 da ida para regresar á cuarta categoría do fútbol estatal. 

O Celta Fortuna ascende a Segunda División. O filial celeste vence 4-1 á Ponferradina na volta da final do play-off e xogará a vindeira tempada na segunda categoría do fútbol estatal. 

Alerta amarela esta tarde por altas temperaturas na conca do Miño en Ourense e no sur da provincia de Lugo, preámbulo da vaga de calor que se prevé desde mañá domingo, na que máis da metade de Galicia terá avisos por calor, algúns deles de nivel laranxa. 

• O cambio climático trae a Galicia as 'noites tropicais' asociadas a mal durmir e problemas de saúde
• Greenpeace detecta temperaturas de 27 graos en aulas de Ourense
• A primavera foi a máis seca desde hai 36 anos

O Goberno inicia o procedemento para declarar o Campo de Aragón de Ourense como Lugar de Memoria Democrática, segundo avanzou este sábado o secretario de Estado de Memoria Democrática, Fernando Martínez López, nunha visita á cidade. 

O Campo de Aragón, situado nos terreos do antigo cuartel de San Francisco de Ourense, foi escenario de numerosos fusilamentos tras o  golpe de Estado de xullo de 1936. Segundo a documentación histórica recolleitada no expediente, entre 1936 e 1939 foron asasinadas alí 133 persoas, entre elas o alcalde da cidade, Manuel Suárez Castro, e Erundina Álvarez Pérez, única muller executada neste lugar.

• O Estado recoñecerá o Vello Cárcere de Lugo como Lugar de Memoria Democrática
• O BOE publica o inicio do proceso para declarar o Vello Cárcere de Lugo como Lugar de Memoria Democrática

O xuíz Peinado envía a xuízo a Begoña Gómez e retíralle o pasaporte. O maxistrado prohibe á muller de Pedro Sánchez saír de España e obrígaa a comparecer dúas veces ao mes ante o xulgado. O auto argumenta que os escoltas da muller poden axudala a fuxir. "Son medidas desmedidas, desproporcionadas e imposibles de xustificar", di o PSOE. Foto: Pool Moncloa/Borja Puig de la Bellacasa.

Iberdrola desbota construír a planta de metanol prevista en Begonte e trasládaa a Huelva. Un dos grandes proxectos de enerxía renovable previsto en Galicia, cun investimento duns 500 millóns de euros, acabará finalmente en Andalucía, segundo informa Economía Digital.