Fálase

O pleno de Santiago aproba a modificación urbanística para a 'operación Peleteiro', que garante vivenda protexida no corazón do Ensanche. A alcaldesa compostelá, Goretti Sanmartín, eleva a "oportunidade histórica" esta reforma do PXOM, cuxa aprobación provisional tivo o apoio do goberno de BNG e CA e mais do PSdeG e o grupo de non adscritos, mentres que o PP votou en contra. Tras as negociacións co Estado, a reserva mínima para pisos protexidos é do "45%da superficie total edificable, excluída a planta baixa", remarca o edil de Urbanismo, Iago Lestegás. [Imaxe: © Concello de Santiago]

• HEMEROTECA | O desbloqueo da 'operación Peleteiro' garante vivenda protexida no corazón do Ensanche compostelán

A irmá do galego Humberto Baena, un dos derradeiros fusilados do franquismo, roga nunha carta a Feijóo que o PP asista hoxe ao acto de homenaxe no Congreso. Os populares declinaron acudir ao acto ao entender que os homenaxeados "eran terroristas". A misiva é unha conversa entre os escritores Roger Mateos e Aroa Moreno, investigadores dos últimos fusilamentos do réxime fascista. 

• 50 anos sen Humberto Baena, o mozo vigués que o franquismo asasinou co seu disparo final
• ENTREVISTA | Roger Mateos: "Baena era inocente, non cometeu o delito do que o acusou a ditadura"

🇵🇸 O PP lanza unha campaña contra a Universidade da Coruña por izar a bandeira de Palestina "en sinal de repulsa contra o xenocidio" nos mastros que habitualmente ocupa a bandeira de España no edificio da Reitoría e mais na Vicerreitoría de Ferrol. Os populares manteñen que "ningunha reivindicación xustifica" esta remuda temporal a través dunha acción de pagamento na rede social X que tamén contribuíu a difundir a secretaria xeral do PPdeG, Paula Prado, censurándoa como "decisión moi grave e inxustificada". O izado das bandeiras palestinas nestas dúas sedes produciuse hai unha semana e o equipo de goberno da institución académica prevé mantelo "ata a fin das agresións do goberno de Israel sobre o pobo gazatí".

• Cidades e vilas berran na rúa para "non deixar de falar de Palestina ata que sexa libre"
• Trump vende como "histórico" un cesamento do fogo de mínimos en Gaza
• HEMEROTECA | Persoal de bibliotecas pide ás universidades galegas prescindir do software israelí que utilizan
• HEMEROTECA | As universidades galegas comezan a mobilizarse en solidariedade con Palestina

MeteoGalicia advirte dun "episodio de chuvias e ventos fortes" dende este serán pola chegada dunha fronte que comezará con "refachos moi fortes" de vento no litoral e zonas altas e continuará con "chuvias localmente fortes e persistentes, especialmente ao oeste e ao sur" durante a noite. Este xoves a alerta amarela por chuvias atinxe ás provincias da Coruña e Pontevedra e a de vento, a toda a costa. A de precipitacións tamén afecta ás provincias coruñesa e pontevedresa no comezo do venres, cando atinxe asemade ao oeste e sur de Ourense. +info no seu web. [Imaxe: © MeteoGalicia]

O salto ao cinema de El Cuerpo de Cristo, da coruñesa Bea Lema, estrearase na sección oficial do Festival Internacional de Cinema Documental e Curtametraxes de Bilbao o vindeiro novembro. A curta está dirixida pola propia autora da novela gráfica, pola que recibiu o Premio Nacional de Cómic 2024 do Ministerio de Cultura e que xa vai pola sétima edición en castelán e a segunda en galego. Na imaxe, o cartel do filme, coproducido por UniKo e Abano Producións.

• ENTREVISTA | Bea Lema: "Sentín que tiña que contarme a miña propia historia"

🎧PODCAST | VINTE DE FOLIADA Chegou o día! Este mércores bota a andar en VINTE a serie podcast Vinte de Foliada, coa Coruña como prpimeira parada

🔊 Escoita aquí o primeiro episodio

🤝Co apoio da Secretaría Xeral da Lingua

Un condutor de autobús escolar dá positivo por cocaína e benzodiacepinas nun control en Ourense. Levaba tres menores a bordo na zona da Baixa Limia o pasado 14 de outubro. Foto: Garda Civil.

Israel volve bombardear Gaza despois de que Netanyahu anunciara “ataques contundentes” e "inmediatos" contra o territorio ocupado. O Ministerio de Defensa israelí acusara previamente a Hamás de atacar as súas tropas

O Xulgado Contencioso Administrativo de Ourense acepta a medida cautelar urxente presentada polo alcalde de Manzaneda, Amable Fernández, e suspende a tramitación da moción de censura que debía votarse este mércores ao poder existir causas de nulidade. O rexedor do PSdeG denunciara que dous dos catro asinantes da moción de censura impulsada polo PP "non compareceron de forma presencial, nin se testificou a súa firma ante o secretario ou o notario, tal e como recolle a lei”

O PP confirma a súa ausencia na homenaxe no Congreso aos derradeiros fusilados polo franquismo, entre eles os galegos Xosé Humberto Baena e José Luis Sánchez Bravo. "Eran terroristas", resolve a voceira dos populares na Cámara Baixa, Ester Muñoz, quen di non "discutir" que "poidan ser consideradas vítimas do réxime" pero "discuto que sexan heroes que merezan un recoñecemento". O pasado agosto o Goberno de España fixo oficial a reparación oficial de Baena declarando "ilegal e ilexítimo" o tribunal que o xulgou e como "ilexítíma e nula" a condena ditada contra el nun proceso inzado de irregularidades.

• 50 anos sen Humberto Baena, o mozo vigués que o franquismo asasinou co seu disparo final
• ENTREVISTA | Roger Mateos: "Baena era inocente, non cometeu o delito do que o acusou a ditadura"