Un contratista da Garda Civil mediou para eliminar de internet noticias críticas con Arsenio Fernández de Mesa. Segundo unha investigación do xornal El País e o consorcio xornalístico Forbidden Stories, a través da empresa Eliminalia trataron de suprimir informacións nunha decena de medios relativas a asuntos como a remuneración de Fernández de Mesa como conselleiro de Red Eléctrica, o seu controvertido retrato tras deixar de ser director xeral da Garda Civil ou o seu pasado ultradereitista en Ferrol. Sempre segundo o publicado por El País, o que fora delegado do Goberno de España en Galicia nega que contratase os servizos desta empresa. Na imaxe, De Mesa na súa etapa á fronte do Instituto Armado, durante o Goberno do PP de Mariano Rajoy.
Fálase
A segunda moción de censura de Vox contra Pedro Sánchez, agora co ex-membro do PCE e do CDS Ramón Tamames como candidato, comezará a debaterse o día 21 e votarase na xornada seguinte. Así o confirmou este luns a presidenta do Congreso, Meritxell Batet. A primeira moción de censura de Vox, con Santiago Abascal como aspirante, acabou sendo en 2020 a que acumulou máis rexeitamentos de todas as formuladas dende a Constitución de 1978: 298 votos en contra e só 52 a prol, os da propia formación de extrema dereita. Previsiblemente, esta terá menos votos en contra porque o PP de Alberto Núñez Feijóo, ao contrario do sucedido con Pablo Casado, prevé absterse e non votar en contra. Na imaxe, Tamames durante unha entrevista recente en RTVE.
Dúas décadas despois a Xunta inclúe os primeiros 400 espazos no Inventario de Zonas Húmidas de Galicia. O DOG publica este luns a relación de zonas, que pode ser actualizada en calquera momento. Preme aquí para consultares o mapa interactivo
- AMPLIAMOS 👉 Dúas décadas despois a Xunta inclúe os primeiros 400 espazos no Inventario de Zonas Húmidas de Galicia
- HEMEROTECA (4/4/2021) | A Xunta admite que aínda non protexeu ningunha zona húmida coa figura legal galega que creou hai vinte anos
- HEMEROTECA (21/1/2023) | O PP gábase de levar "anos traballando" no Inventario de Zonas Húmidas, creado por lei en 2001 e aínda sen espazos inscritos
O Minerva Nounou, petroleiro sen carga que este sábado sufriu unha avaría nunha hélice cando navegaba a 28 millas da costa galega, moi preto das Illas Cíes, acaba de chegar ao Porto de Vigo, remolcado polo buque Don Inda. O barco con bandeira de Malta e cunha tripulación de 26 persoas quedou amarrado ao Peirao de Trasatlánticos ata solucionar os problemas que lle impedían navegar.
O petroleiro sen carga Minerva Nounou permanece a 28 millas da costa galega por unha avería nunha hélice. O buque, con bandeira de Malta, partiu de Xibraltar o pasado 7 de marzo e diríxese aos Países Baixos con 26 persoas como tripulación
O deseñador gráfico, ilustrador e viñetista Luis Davila gaña o Premio Trasalba, que entrega a Fundación Otero Pedrayo. Destácase "a implicación" de Davila "na defensa da nosa lingua" e "a proximidade social das mensaxes que formula en defensa do galego". A acta do acordo subliña ademais "a calidade do humor gráfico e a popularidade das viñetas" de O Bichero, que "transmiten un compromiso e unha modernidade que sería moi do gusto de don Ramón". O acto de entrega celebrarase o vindeiro 25 de xuño
Na concentración convocada na Coruña pola Plataforma en Defensa da Pesca contra a instalación de parques eólicos mariños na costa galega, o BNG pediu a retirada do Plan de Ordenación de Espazo Marítimo (POEM) sinalando que asestará “un golpe mortal” á pesca e marisqueo. "Xa está ben de querer converter Galiza nunha colonia enerxética de Madrid", destaca a formación
A Casa Grande de Xanceda recolle o XXIII Premio Aresa de Desenvolvemento Rural, que entrega a USC. O galardón, entregado este venres, é unha homenaxe ao “soño de 50 anos de historia na Galicia rural” e supón un recoñecemento tamén "á filosofía de que a gandería pode ser ecolóxica e preservar os valores da paisaxe e de que pode ser rendible e crear empregos”
Pedro Sánchez anuncia a contratación de máis de 1.500 empregados en Navantia "durante os vindeiros anos" co que se "garantirá a actividade e carga de traballo en Ferrol, Cádiz e Cartagena". A ministra de Facenda, María Jesús Montero, aclarou logo que a eses empregos directos sumaráselle a creación de 15.600 indirectos
A Xunta formaliza a compra ao 'banco malo' por 3,5 millóns de 40 vivendas que xa tiña cedidas para alugueiro social. A Sareb evidencia que a operación se enmarca na súa política de "reducir a débeda avalada polo Estado", isto é, de compensar con novos fondos públicos, neste caso do Goberno galego, os fondos do rescate bancario. O Instituto Galego de Vivenda e Solo asinou este xoves as escrituras dos pisos, que tiña cedidos dende 2015.